ਸਰਕਾਰੀ ਮੁਲਾਜ਼ਮਾਂ ਨੂੰ ਜਲਦ ਮਿਲ ਸਕਦੀ ਹੈ ਖੁਸ਼ਖਬਰੀ
ਚੰਡੀਗੜ੍ਹ,12 ਜੂਨ( ਵਿਸ਼ਵ ਵਾਰਤਾ) ਤਕਰੀਬਨ 52 ਲੱਖ ਕੇਂਦਰੀ ਕਰਮਚਾਰੀਆਂ, 60 ਲੱਖ ਪੈਨਸ਼ਨਰਾਂ ਨੂੰ ਜਲਦ ਹੀ ਵੱਡੀ ਖੁਸ਼ਖਬਰੀ ਮਿਲ ਸਕਦੀ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਦੇ ਮਹਿੰਗਾਈ ਭੱਤੇ (DA) ਪੈਨਸ਼ਨਰਾਂ ਨੂੰ ਉਪਲਬੱਧ ਮਹਿੰਗਾਈ ਰਾਹਤ (DR) ਦੇ ਸੰਬੰਧ ਵਿੱਚ ਇੱਕ ਤਾਜ਼ਾ ਅਪਡੇਟ ਸਾਹਮਣੇ ਆਇਆ ਹੈ। ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਜੇ.ਸੀ.ਐਮ ਦੀ ਨੈਸ਼ਨਲ ਕੌਂਸਲ ਦੀ ਇੱਕ ਮੀਟਿੰਗ 26 ਜੂਨ 2021 ਨੂੰ ਹੋ ਸਕਦੀ ਹੈ।। ਰਿਪੋਰਟਾਂ ਅਨੁਸਾਰ ਜੇ.ਸੀ.ਐਮ ਦੀ ਨੈਸ਼ਨਲ ਕੌਂਸਲ ਤੋਂ ਮਿਲੀ ਜਾਣਕਾਰੀ ਦੇ ਅਨੁਸਾਰ, ਮੀਟਿੰਗ ਦਾ ਮੁੱਖ ਏਜੰਡਾ ਪੈਨਸ਼ਨਰਾਂ ਨੂੰ ਮਹਿੰਗਾਈ ਰਾਹਤ ਦਾ ਬਕਾਇਆ, ਕੇਂਦਰੀ ਕਰਮਚਾਰੀਆਂ ਨੂੰ ਮਹਿੰਗਾਈ ਭੱਤਾ ਹੈ।
ਇਹ ਦੱਸ ਦਈਏ ਕਿ ਹਰ 6 ਮਹੀਨਿਆਂ ਵਿੱਚ ਮਹਿੰਗਾਈ ਭੱਤਾ ਅਤੇ ਮਹਿੰਗਾਈ ਰਾਹਤ ਬਾਰੇ ਅਪਡੇਸ਼ਨ ਹੁੰਦਾ ਹੈ। ਅਜਿਹੀ ਸਥਿਤੀ ਵਿੱਚ, 1 ਜਨਵਰੀ 2020, 1 ਜੁਲਾਈ 2020, 1 ਜਨਵਰੀ 2021 ਨੂੰ ਮਹਿੰਗਾਈ ਭੱਤੇ ਮਹਿੰਗਾਈ ਰਾਹਤ ਵਿੱਚ ਤਬਦੀਲੀ ਹੋਣੀ ਚਾਹੀਦੀ ਸੀ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, 26 ਜੂਨ ਨੂੰ ਹੋਣ ਜਾ ਰਹੀ ਬੈਠਕ ਪਹਿਲਾਂ 8 ਮਈ ਨੂੰ ਹੋਣੀ ਸੀ।ਇਹ ਵੀ ਦੱਸ ਦੇਈਏ ਕਿ ਕੋਰੋਨਾ ਕਾਲ ਦੌਰਾਨ ਕੇਂਦਰ ਸਰਕਾਰ ਨੇ ਆਪਣੇ ਕਰਮਚਾਰੀਆਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਪਰਿਵਰਤਨਸ਼ੀਲ ਡੀਏ ਨੂੰ ਵਧਾ ਦਿੱਤਾ ਸੀ। ਕਿਰਤ ਅਤੇ ਰੋਜ਼ਗਾਰ ਮੰਤਰਾਲੇ ਨੇ 21 ਮਈ 2021 (ਸ਼ੁੱਕਰਵਾਰ) ਨੂੰ ਕੇਂਦਰੀ ਸੈਕਟਰ ਵਿੱਚ ਕੰਮ ਕਰ ਰਹੇ 1.5 ਕਰੋੜ ਤੋਂ ਵੱਧ ਕਰਮਚਾਰੀਆਂ ਦੇ ਵੇਰੀਏਬਲ ਮਹਿੰਗਾਈ ਭੱਤੇ (VARIABLE DA) ਨੂੰ 105 ਰੁਪਏ ਤੋਂ ਵਧਾ ਕੇ 210 ਰੁਪਏ ਪ੍ਰਤੀ ਮਹੀਨਾ ਕੀਤਾ ਹੈ। ਵੇਰੀਏਬਲ ਮਹਿੰਗਾਈ ਭੱਤੇ ਵਿੱਚ ਇਹ ਵਾਧਾ 1 ਅਪ੍ਰੈਲ 2021 ਤੋਂ ਲਾਗੂ ਹੋ ਗਿਆ ਹੈ।
