72nd National Film Awards: ਯਾਮੀ ਗੌਤਮ ਨੂੰ Best Actress ਤੇ ਕਾਰਤਿਕ ਆਰੀਅਨ ‘ਬੈਸਟ ਐਕਟਰ’ ਐਵਾਰਡ ਨਾਲ ਸਨਮਾਨਿਤ
ਇਹ ਦਿੱਗਜ ਅਦਾਕਾਰ ਨੂੰ ਮਿਲਿਆ ‘ਦਾਦਾ ਸਾਹਿਬ ਫਾਲਕੇ’ ਪੁਰਸਕਾਰ, ਐਵਾਰਡ ਲੈਂਦਿਆਂ ਹੋਏ ਭਾਵੁਕ
ਨਵੀ ਦਿੱਲੀ, 22 ਸਤੰਬਰ 2026 (ਵਿਸ਼ਵ ਵਾਰਤਾ): ਅੱਜ 72ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਅਦਾਕਾਰਾਂ ਨੂੰ ਸਿਨੇਮਾ ਦੀ ਦੁਨੀਆ ਵਿੱਚ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਸਨਮਾਨਿਤ ਕੀਤਾ ਗਿਆ। ਗੁਜਰਾਤ ਵਿੱਚ ਹੋਏ 72ਵੇਂ ਨੈਸ਼ਨਲ ਫਿਲਮ ਅਵਾਰਡਜ਼ ਸਮਾਰੋਹ ਵਿੱਚ ਅਦਾਕਾਰਾ ਯਾਮੀ ਗੌਤਮ ਨੂੰ ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਤੋਂ ‘ਬੈਸਟ ਐਕਟ੍ਰੈਸ ਇਨ ਏ ਲੀਡਿੰਗ ਰੋਲ’ (ਸਰਬੋਤਮ ਅਦਾਕਾਰਾ) ਦਾ ਨੈਸ਼ਨਲ ਫਿਲਮ ਅਵਾਰਡ ਮਿਲਿਆ।
ਉਨ੍ਹਾਂ ਨੂੰ ਆਦਿਤਿਆ ਸੁਹਾਸ ਜੰਭਾਲੇ ਦੀ ਫਿਲਮ ‘ਆਰਟੀਕਲ 370’ ਵਿੱਚ ਇੰਟੈਲੀਜੈਂਸ ਅਫ਼ਸਰ ਜ਼ੂਨੀ ਹਕਸਰ ਦੇ ਕਿਰਦਾਰ ਲਈ ਸਨਮਾਨਿਤ ਕੀਤਾ ਗਿਆ। ਇਹ ਯਾਮੀ ਦਾ ਪਹਿਲਾ ਨੈਸ਼ਨਲ ਫਿਲਮ ਅਵਾਰਡ ਹੈ।
‘ਬੈਸਟ ਐਕਟਰ’ (ਸਰਬੋਤਮ ਅਦਾਕਾਰ) ਦਾ ਅਵਾਰਡ ਮਮੂਟੀ (ਫਿਲਮ ‘ਬ੍ਰਹਮਯੁਗਮ’ ਲਈ) ਅਤੇ ਕਾਰਤਿਕ ਆਰੀਅਨ (ਫਿਲਮ ‘ਚੰਦੂ ਚੈਂਪੀਅਨ’ ਲਈ) ਵਿਚਾਲੇ ਸਾਂਝਾ ਕੀਤਾ ਗਿਆ, ਪਰ ਇਸ ਸਾਲ ‘ਬੈਸਟ ਐਕਟ੍ਰੈਸ’ ਦਾ ਸਨਮਾਨ ਇਕੱਲੀ ਯਾਮੀ ਨੂੰ ਮਿਲਿਆ।
ਉਨ੍ਹਾਂ ਦੀ ਫਿਲਮ ‘ਆਰਟੀਕਲ 370’ ਨੇ ‘ਬੈਸਟ ਫੀਚਰ ਫਿਲਮ’ ਦਾ ਅਵਾਰਡ ਵੀ ਜਿੱਤਿਆ, ਜਿਸ ਨਾਲ ਇਹ 72ਵੇਂ ਨੈਸ਼ਨਲ ਫਿਲਮ ਅਵਾਰਡਜ਼ ਵਿੱਚ ਪ੍ਰਮੁੱਖ ਜੇਤੂਆਂ ਵਿੱਚੋਂ ਇੱਕ ਬਣ ਗਈ। ਸਮਾਰੋਹ ਵਿੱਚ ਯਾਮੀ ਦੇ ਨਾਲ ਉਨ੍ਹਾਂ ਦੇ ਫਿਲਮਮੇਕਰ ਪਤੀ ਆਦਿਤਿਆ ਧਰ ਵੀ ਮੌਜੂਦ ਸਨ।
ਦਿੱਗਜ ਅਦਾਕਾਰ ਅਨੰਤ ਨਾਗ ਨੂੰ ਪੁਰਸਕਾਰ ਸਮਾਰੋਹ ਵਿੱਚ ਦਾਦਾ ਸਾਹਿਬ ਫਾਲਕੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਅਵਾਰਡ ਲੈਂਦੇ ਸਮੇਂ ਉਨ੍ਹਾਂ ਨੂੰ ਸਨਮਾਨ ਦੇਣ ਲਈ ਪੂਰਾ ਹਾਲ ਤਾਲੀਆਂ ਨਾਲ ਗੂੰਜ ਉੱਠਿਆ ਅਤੇ ਮਮੂਟੀ ਨੂੰ ਸਟੈਂਡਿੰਗ ਓਵੇਸ਼ਨ ਦਿੱਤਾ ਗਿਆ। ਅਵਾਰਡ ਲੈਂਦੇ ਵੇਲੇ ਅਦਾਕਾਰ ਕਾਫ਼ੀ ਭਾਵੁਕ ਨਜ਼ਰ ਆਏ। ਸਨਮਾਨ ਸਮਾਰੋਹ ਵਿੱਚ ਫਿਲਮ ‘ਸ੍ਰੀਕਾਂਤ’ ਨੂੰ ‘ਰਜਤ ਕਮਲ’ ਪੁਰਸਕਾਰ ਨਾਲ ਨਿਵਾਜਿਆ ਗਿਆ।
72ਵੇਂ ਨੈਸ਼ਨਲ ਫਿਲਮ ਅਵਾਰਡਜ਼ ਸਮਾਰੋਹ ਦੌਰਾਨ ਤਮਿਲ ਅਦਾਕਾਰ ਧਨੁਸ਼ ਨੂੰ ਫਿਲਮ ‘ਕੈਪਟਨ ਮਿਲਰ’ ਵਿੱਚ ਉਨ੍ਹਾਂ ਦੀ ਸ਼ਾਨਦਾਰ ਅਦਾਕਾਰੀ ਲਈ ‘ਨੈਸ਼ਨਲ ਫਿਲਮ ਅਵਾਰਡ – ਸਪੈਸ਼ਲ ਮੈਂਸ਼ਨ (ਫੀਚਰ ਫਿਲਮ)’ ਨਾਲ ਸਨਮਾਨਿਤ ਕੀਤਾ ਗਿਆ। ਫਿਲਮ ਦਾ ਨਿਰਦੇਸ਼ਨ ਅਰੁਣ ਮਾਥੇਸ਼ਵਰਨ ਨੇ ਕੀਤਾ ਹੈ।
