ਸੁਰੱਖਿਆ ਵਾਪਸੀ ਮਾਮਲਾ-ਪਰਮਿੰਦਰ ਪਿੰਕੀ ਨੂੰ ਹਾਈਕੋਰਟ ਵੱਲੋਂ ਰਾਹਤ
ਪੜ੍ਹੋ ਸੁਰੱਖਿਆ ਵਿੱਚ ਹੋਰ ਕਿੰਨੇ ਮੁਲਾਜ਼ਮਾਂ ਦੀ ਮੁੜ ਹੋਵੇਗੀ ਤੈਨਾਤੀ
ਚੰਡੀਗੜ੍ਹ,20 ਮਈ(ਵਿਸ਼ਵ ਵਾਰਤਾ)- ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਸੱਤਾ ਵਿੱਚ ਆਉਂਦਿਆਂ ਹੀ ਸਿਆਸੀ ਆਗੂਆਂ ਦੀ ਵੀਆਪੀ ਸੁਰੱਖਿਆ ਤੇ ਕੈਂਚੀ ਚਲਾਉਣ ਦਾ ਕੰਮ ਕੀਤਾ ਹੈ। ਇਸ ਮਾਮਲੇ ਵਿੱਚ ਸਾਬਕਾ ਵਿਧਾਇਕ ਪਰਮਿੰਦਰ ਪਿੰਕੀ ਨੇ ਆਪਣੀ ਸੁਰੱਖਿਆ ਵਾਪਸੀ ਦੀ ਮੰਗ ਨੂੰ ਲੈ ਕੇ ਹਾਈਕੋਰਟ ਦਾ ਦਰਵਾਜਾ ਖੜਕਾਇਆ ਸੀ। ਇਸ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਪੰਜਾਬ ਸਰਕਾਰ ਨੂੰ ਪਿੰਕੀ ਦੀ ਸੁਰੱਖਿਆ ਵਿੱਚ 2 ਹੋਰ ਮੁਲਾਜ਼ਮ ਤੈਨਾਤ ਕਰਨ ਦੇ ਹੁਕਮ ਦਿੱਤੇ ਹਨ। ਦੱਸ ਦਈਏ ਕਿ ਇਸਤੋਂ ਪਹਿਲਾਂ ਪਿੰਕੀ ਦੀ ਸੁਰੱਖਿਆ ਵਿੱਚ 28ਮੁਲਾਜ਼ਮ ਤੈਨਾਤ ਸਨ।
