
ਚੰਡੀਗੜ੍ਹ, 18 ਦਸੰਬਰ ( ਵਿਸ਼ਵ ਵਾਰਤਾ ) – ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਮੁੱਖ ਮੰਤਰੀ ਵਿਆਹ ਸ਼ਗੂਨ ਯੋਜਨਾ ਦੇ ਤਹਿਤ ਦਿੱਤੀ ਜਾਣ ਵਾਲੀ ਆਰਥਿਕ ਮਦਦ ਨੂੰ 41,000 ਰੁਪਏ ਤੋਂ ਵੱਧਾ ਕੇ 51,000 ਰੁਪਏ ਕਰਨ ਦਾ ਐਲਾਨ ਕੀਤਾ ਹੈ।
ਮੁੱਖ ਮੰਤਰੀ ਅੱਜ ਜਿਲਾ ਹਿਸਾਰ ਦੇ ਪਿੰਡ ਖਾਂਡਾਖੇੜੀ ਵਿਚ ਖਜਾਨਾ ਮੰਤਰੀ ਕੈਪਟਨ ਅਭਿਮਨਿਊ ਦੇ 51ਵੇਂ ਜਨਮ ਦਿਨ ‘ਤੇ ਪਰਮ ਮਿਤਰ ਮਾਨਵ ਨਿਰਮਾਣ ਸੰਸਥਾਨ ਵੱਲੋਂ ਆਯੋਜਿਤ ਸਮੂਹਿਕ ਵਿਆਹ ਸਮਾਰੋਹ ਵਿਚ ਨਵੇਂ ਜੋੜਿਆਂ ਨੂੰ ਆਸ਼ੀਰਵਾਦ ਦੇਣ ਪੁੱਜੇ ਸਨ।
ਉਨ੍ਹਾਂ ਨੇ ਨਵੇਂ ਜੋੜਿਆਂ ਨੂੰ ਆਸ਼ੀਰਵਾਦ ਵੱਜੋਂ 51,000 ਰੁਪਏ, ਵਿਆਹ ਪ੍ਰਮਾਣ ਪੱਤਰ, ਗੈਸ ਕੁਨੈਕਸ਼ਨ ਤੇ ਹੋਰ ਘਰੇਲੂ ਵਸਤਾਂ ਅਤੇ ਪੌਦੇ ਭੇਂਟ ਕਰਕੇ ਉਨ੍ਹਾਂ ਨੂੰ ਨਵੇਂ ਜੀਵਨ ਲਈ ਸ਼ੁਭਕਾਮਨਾਵਾਂ ਪ੍ਰਦਾਨ ਕੀਤੀ ਅਤੇ ਖਜਾਨਾ ਮੰਰਤੀ ਦੇ ਇਸ ਯਤਨ ਨੂੰ ਸ਼ਲਾਘਾਯੋਗ ਦੱਸਦੇ ਹੋਏ ਦੂਜੇ ਲੋਕਾਂ ਤੋਂ ਵੀ ਇਸ ਨਾਲ ਪ੍ਰੇਰਣਾ ਲੈਣ ਦੀ ਅਪੀਲ ਕੀਤੀ। ਉਨ੍ਹਾਂ ਨੇ ਅਜਿਹੇ ਕੰਮਾਂ ਵਿਚ ਸਹਿਯੋਗੀ ਬਣੇ ਪਿੰਡ ਖਾਂਡਾਖੇੜੀ ਨੂੰ ਵਿਕਾਸ ਲਈ ਇਕ ਕਰੋੜ ਰੁਪਏ ਦੇਣ ਦਾ ਵੀ ਐਲਾਨ ਕੀਤਾ ਤਾਂ ਜੋ ਦੂਜੇ ਪਿੰਡਾਂ ਨੂੰ ਵੀ ਅਜਿਹੇ ਕੰਮ ਕਰਨ ਲਈ ਪ੍ਰੇਰਣਾ ਮਿਲੇ।
ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਜੀਵਨ ਵਿਚ ਸ਼ੁਭ ਮੌਕਿਆਂ ‘ਤੇ ਇਸ ਤਰ੍ਹਾਂ ਦੇ ਆਯੋਜਨ ਸਮਾਜ ਨੂੰ ਨਵੀਂ ਦਿਸ਼ਾ ਦਿੰਦੇ ਹਨ। ਕੈਪਟਨ ਅਭਿਮਨਿਊ ਨੂੰ ਖਜਾਨਾ ਮੰਤਰੀ ਹੋਣ ਦੇ ਨਾਤੇ ਨਹੀਂ, ਸਗੋਂ ਸਵਰਗੀ ਪਿਤਾ ਚੌਧਰੀ ਮਿਤਰਸੇਨ ਆਰਿਆ ਤੇ ਮਾਤਾ ਪਰਮੇਸ਼ਵਰੀ ਦੇਵੀ ਤੋਂ ਮਿਲੇ ਸੰਸਕਾਰਾਂ ਦੇ ਚਲਦੇ ਅਜਿਹਾ ਸ਼ੁਭ ਕੰਮ ਕਰਨ ਦੀ ਪ੍ਰੇਰਣਾ ਮਿਲੀ ਹੈ। ਸਮੂਹਿਕ ਵਿਆਹ ਸਮਾਰੋਹ ਨੂੰ ਪਵਿੱਤਰ ਕੰਮ ਦੱਸਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਸਮਾਜ ਵਿਚ ਅਜਿਹੇ ਆਯੋਜਨਾਂ ਦੀ ਬਹੁਤ ਲੋਂੜ ਹੈ, ਕਿਉਂਕਿ ਜੋ ਪਰਿਵਾਰ ਆਪਣੀ ਕੁੜੀਆਂ ਦੇ ਵਿਆਹ ਦਾ ਖਰਚ ਸਹਿਣ ਕਰਨ ਵਿਚ ਅਸਮਰਥ ਹੁੰਦੇ ਹਨ, ਉਨ੍ਹਾਂ ਪਰਿਵਾਰਾਂ ਲਈ ਅਜਿਹੇ ਆਯੋਜਨ ਵਧੀਆ ਵਿਕਲਪ ਹਨ। ਸੂਬੇ ਵਿਚ ਸਰਕਾਰ ਵੱਲੋਂ ਅਜਿਹੇ ਪਰਿਵਾਰਾਂ ਨੂੰ ਮੁੱਖ ਮੰਤਰੀ ਵਿਆਹ ਸ਼ਗੁਨ ਯੋਜਨਾ ਦੇ ਤਹਿਤ ਹੁਣ ਤਕ 41,000 ਰੁਪਏ ਦਿੱਤੇ ਜਾਂਦੇ ਸਨ, ਜਿਸ ਨੂੰ ਅੱਜ ਤੋਂ ਵੱਧ ਕੇ 51,000 ਰੁਪਏ ਕੀਤੇ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਕੁੜੀਆਂ ਦਾ ਵਿਆਹ ਤੇ ਕੰਨਿਆਦਾਨ ਇਕ ਪਵਿੱਤਰ ਕੰਮ ਹੈ ਅਤੇ ਸਮਾਜ ਦੇ ਹਰੇਕ ਵਰਗ ਨੂੰ ਇਸ ਵਿਚ ਆਪਣਾ ਸਹਿਯੋਗ ਕਰਨਾ ਚਾਹੀਦਾ ਹੈ। ਵਿਧਵਾ ਤੇ ਤਲਾਕਸ਼ੁਦਾ ਮਹਿਲਾਵਾਂ ਦੀ ਕੁੜੀਆਂ ਦਾ ਵਿਆਹ ਵਿਚ ਪੂਰੇ ਸਮਾਜ ਨੂੰ ਇਕਜੁਟਤਾ ਨਾਲ ਅੱਗੇ ਆਉਣਾ ਚਾਹੀਦਾ ਹੈ ਤਾਂ ਜੋ ਉਨ੍ਹਾਂ ਨੂੰ ਕਰਜਾ ਨਾ ਲੈਣਾ ਪਏ।
ਉਨ੍ਹਾਂ ਕਿਹਾ ਕਿ ਸਰਕਾਰ ਬੇਟੀ ਬਚਾਓ, ਬੇਟੀ ਪੜਾਓ ਦੇ ਤਹਿਤ ਹਰ ਪਹਿਲੂ ਨੂੰ ਗੰਭੀਰਤਾ ਨਾਲ ਪੂਰਾ ਕਰਵਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 22 ਜਨਵਰੀ, 2015 ਨੂੰ ਹਰਿਆਣਾ ਦੀ ਧਰਤੀ ‘ਤੇ ਬੇਟੀ ਬਚਾਓ, ਬੇਟੀ ਪੜਾਓ ਦੀ ਅਪੀਲ ਕੀਤੀ ਸੀ। ਤਿੰਨ ਸਾਲ ਪਹਿਲਾਂ ਸੂਬੇ ਵਿਚ 1000 ਲੜਕਿਆਂ ਦੇ ਪਿੱਛੇ ਜਿੱਥੇ ਕੁੜੀਆਂ ਦੀ ਗਿਣਤੀ 835 ਸੀ , ਉੱਥੇ ਇਸ ਮੁਹਿੰਮ ਦੇ ਚਲਦੇ 1000 ਲੜਕਿਆਂ ‘ਤੇ ਲੜਕੀਆਂ ਦੀ ਜਨਮ ਦਰ 930 ਹੋ ਗਈ ਹੈ, ਜਿਸ ਨੂੰ ਵੱਧਾ ਕੇ 950 ਤਕ ਲੈ ਜਾਣਾ ਹੈ। ਸੂਬੇ ਵਿਚ ਕੰਨਿਆ ਭੂਰਣ ਹੱਤਿਆ ਰੋਕਣ ਲਈ ਸਰਕਾਰ ਨੇ ਸਖਤ ਕਾਨੂੰਨ ਬਣਾਏ, ਜਿਸ ਦੇ ਚਲਦੇ ਹਾਂ-ਪੱਖੀ ਨਤੀਜੇ ਸਾਹਮਣੇ ਆ ਰਹੇ ਹਨ।
ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਇਸ ਮੌਕੇ ਹਾਜਿਰ ਲੋਕਾਂ ਨੂੰ ਸੁੰਹ ਦਿਵਾਈ ਕਿ ਉਹ ਜੀਵਨ ਵਿਚ ਕਦੇ ਵੀ ਨਾ ਤਾਂ ਭੂਰਣ ਹੱਤਿਆ ਕਰਨਗੇ ਅਤੇ ਨਾ ਕਿਸੇ ਨੂੰ ਕਰਨ ਦੇਣਗੇ। ਉਨ੍ਹਾਂ ਨੇ ਬੇਟੀ ਬਚਾਓ, ਬੇਟੀ ਪੜਾਓ ਅਤੇ ਸਵੱਛਤਾ ਮੁਹਿੰਮ ਵਿਚ ਸਹਿਯੋਗ ਦੀ ਸੁੰਹ ਦਿਵਾਈ।
ਖਜਾਨਾ ਮੰਤਰੀ ਨੇ ਇਸ ਮੌਕੇ ‘ਤੇ ਕਿਹਾ ਕਿ ਆਪਣੇ ਜੀਵਨ ਦੇ 50 ਸਾਲ ਪੂਰੇ ਹੋਣ ਦੇ ਮੌਕੇ ‘ਤੇ ਅੱਜ ਸੋਮਵਤੀ ਅਮਾਵਸਿਆ ਦੇ ਸ਼ੁਭ ਮੌਕੇ ‘ਤੇ ਉਨ੍ਹਾਂ ਨੇ 53 ਕੰਨਿਆਂ ਦਾ ਕੰਨਿਆਦਾਨ ਕਰਨ ਦਾ ਪਵਿੱਤਰ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ। ਉਨ੍ਹਾਂ ਨੇ ਆਪਣੇ ਜੀਵਨ ਵਿਚ ਅਜਿਹਾ ਜਨਮ ਦਿਨ ਮਨਾਉਣ ਦਾ ਪਹਿਲੇ ਕਦੇ ਮੌਕਾ ਨਹੀਂ ਮਿਲਿਆ। ਉਨ੍ਹਾਂ ਕਿਹਾ ਕਿ ਮੈਂ ਰਾਜਨੀਤੀ ਵਿਚ ਆਉਂਦੇ ਹੀ ਸੁੰਹ ਲਈ ਸੀ ਕਿ ਜਦ ਕਦੇ ਮੈਨੂੰ ਸਰਕਾਰੀ ਅਹੁੱਦੇ ‘ਤੇ ਰਹਿੰਦੇ ਹੋਏ ਜੋ ਤਨਖਾਹ ਮਿਲੇਗੀ, ਉਸ ਨਾਲ ਮੈਂ ਗਰੀਬ ਕੁੜੀਆਂ ਦਾ ਕੰਨਿਆਦਾਨ ਕਰਾਂਗਾ ਅਤੇ ਇਹ ਸ਼ੁਭ ਮੌਕਾ ਅੱਜ ਮੈਨੂੰ ਮਿਲਿਆ ਹੈ। ਉਨ੍ਹਾਂ ਦਸਿਆ ਕਿ ਪਿਛਲੇ 3 ਸਾਲ ਦੌਰਾਨ ਮੰਤਰੀ ਰਹਿੰਦੇ ਹੋÂੈ ਮੈਨੂੰ ਸਰਕਾਰ ਵੱਲੋਂ ਤਨਖਾਹ ਵੱਜੋਂ 16.65 ਲੱਖ ਰੁਪਏ ਮਿਲੇ, ਜਿਸ ਦੀ ਵਰਤੋਂ ਮੈ ਇਸ ਆਯੋਜਨ ਲਈ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਮੇਰੇ ਇਸ ਕੰਮ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਮਾਤਾ ਪਰਮੇਸ਼ਵਰੀ ਦੇਵੀ ਨੇ ਕਿਹਾ ਕਿ ਇਹ ਇਕ ਨੇਕ ਕੰਮ ਹੈ ਅਤੇ ਕੁੜੀਆਂ ਨੂੰ ਲੋਂੜ ਦਾ ਸਾਮਾਣ ਦੇਣ ਵਿਚ ਕਿਸੇ ਤਰ੍ਹਾਂ ਦੀ ਕੰਜੂਸੀ ਨਾ ਕੀਤੀ ਜਾਵੇਗੀ। ਜੇਕਰ ਤੇਰੀ ਤਨਖਾਹ ਦੀ ਰਕਮ ਘੱਟ ਪਈ ਤਾਂ ਅਸੀਂ ਇਸ ਕੰਮ ਲਈ ਆਪਣੇ ਘਰ ਤੋਂ ਪੈਸਾ ਲਗਾ ਕੇ ਇਸ ਨੂੰ ਪੂਰਾ ਕਰਵਾਂਗੇ। ਉਨ੍ਹਾਂ ਕਿਹਾ ਕਿ ਜਦ ਮੈਂ ਇਸ ਪ੍ਰੋਗ੍ਰਾਮ ਦੇ ਸਬੰਧ ਵਿਚ ਮੁੱਖ ਮੰਤਰੀ ਮਨੋਹਰ ਲਾਲ ਨਾਲ ਮਿਲਿਆ ਤਾਂ ਉਨ੍ਹਾਂ ਨੇ ਵੀ ਇਸ ਤਰ੍ਹਾਂ ਦੀ ਇੱਛਾ ਜਤਾਉਂਦੇ ਹੋਏ ਕਿਹਾ ਕਿ ਜੇਕਰ ਲੋਂੜ ਹੋਵੇ ਤਾਂ ਮੈਂ ਵੀ ਆਪਣੀ ਤਨਖਾਹ ਦੀ ਰਕਮ ਇਸ ਵਿਚ ਦੇਣਾ ਚਾਹਾਂਗਾ।
ਖਾਜਾਨਾ ਮੰਤਰੀ ਨੇ ਕਿਹਾ ਕਿ ਸੂਬਾ ਸਰਕਾਰ ਪਿਛਲੇ ਤਿੰਨ ਸਾਲ ਤੋਂ ਗਰੀਬ, ਕਿਸਾਨ, ਮਜਦੂਰ, ਵਪਾਰੀ, ਕਰਮਚਾਰੀ ਤੇ ਹੋਰ ਸਾਰੇ ਵਰਗਾਂ ਦਾ ਬਰਾਬਰ ਵਿਕਾਸ ਕਰਵਾ ਰਹੀ ਹੈ। ਸੱਭ ਕਾ ਸਾਥ-ਸੱਭ ਕਾ ਵਿਕਾਸ ਇਸ ਸਰਕਾਰ ਦਾ ਮੂਲ ਮੰਤਰ ਹੈ ਅਤੇ ਇਸ ਅਸਲ ਮੰਤਰੀ ਦੇ ਨਾਲ ਸੂਬੇ ਦਾ ਬਰਾਬਰ ਵਿਕਾਸ ਕੀਤਾ ਜਾ ਰਿਹਾ ਹੈ।





















