ਬਾਬਾ ਬੋਹੜ ਦੀ ਯਾਦ ਚ ਬੋਲੀ ਬੀਬਾ ਬਾਦਲ,’ਬਾਦਲ ਸਾਹਿਬ ਮੇਰੇ ਕਵਰਿੰਗ ਉਮੀਦਵਾਰ ਹੁੰਦੇ ਤੇ ਮੇਰੀ ਸਾਰੀ ਚੋਣ ਦੇਖ ਲੈਂਦੇ’
ਬਠਿੰਡਾ, 28 ਅਪਰੈਲ : ਸ਼੍ਰੋਮਣੀ ਅਕਾਲੀ ਦਲ ਦੀ ਲੋਕ ਸਭਾ ਉਮੀਦਵਾਰ ਹਰਸਿਮਰਤ ਕੌਰ ਬਾਦਲ ਵੱਲੋਂ ਲਗਾਤਾਰ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ, ਉਨ੍ਹਾਂ ਵੱਲੋਂ ਅੱਜ ਨੌਜਵਾਨਾਂ ਨਾਲ ਵੱਡੀ ਮੀਟਿੰਗ ਵੀ ਕੀਤੀ ਗਈ।ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹਰਸਿਮਰਤ ਕੌਰ ਬਾਦਲ ਨੇ ਕਿਹਾ ਕਿ ਸਮੁੱਚੀ ਨੌਜਵਾਨੀ ਸਾਡੇ ਨਾਲ ਹੈ,ਹਰ ਸਿਮਰਤ ਬਾਦਲ ਦਾ ਕਹਿਣਾ ਹੈ ਕਿ ਇਸ ਚੋਣ ਪ੍ਰਚਾਰ ਵਿੱਚ ਵੱਡੇ ਬਾਦਲ ਸਾਹਬ ਨੂੰ ਬਹੁਤ ਯਾਦ ਕੀਤਾ ਜਾ ਰਿਹਾ ਹੈ ਕਿ ਵੱਡੇ ਬਾਦਲ ਪੰਜਾਬ ਦੇ ਬਾਬਾ ਬੋਹੜ ਸੀ ਅਤੇ ਉਸਨੇ 70 ਸਾਲ ਸੇਵਾ ਕੀਤੀ।
ਬਾਦਲ ਸਾਹਿਬ ਨੇ ਹਮੇਸ਼ਾ ਪੰਜਾਬ ਲਈ ਕੰਮ ਕੀਤਾ ਅਤੇ ਪੰਜਾਬ ਵਿੱਚ ਪ੍ਰਚਾਰ ਵੀ ਕੀਤਾ ਪਰ ਅੱਜ ਦੇ ਮੁੱਖ ਮੰਤਰੀ ਕੋਲ ਪੰਜਾਬ ਲਈ ਸਮਾਂ ਨਹੀਂ ਹੈ। ਜੇ ਅੱਜ ਬਾਦਲ ਸਾਹਿਬ ਦੀ ਸਰਕਾਰ ਹੁੰਦੀ ਤਾਂ ਪੰਜਾਬ ਵਿੱਚ ਬਹੁਤ ਤਰੱਕੀ ਹੋਣੀ ਸੀ ਬਾਦਲ ਸਾਹਿਬ ਮੇਰੇ ਕਵਰਿੰਗ ਉਮੀਦਵਾਰ ਹੁੰਦੇ ਤੇ ਮੇਰੀ ਸਾਰੀ ਚੋਣ ਦੇਖ ਲੈਂਦੇ ਸੀ।
