ਪੰਜਾਬ ਵਿੱਚ ਬਿਜਲੀ ਦਰਾਂ ਵਿੱਚ ਵਾਧੇ ਲਈ ਅਕਾਲੀ-ਭਾਜਪਾ ਜ਼ਿੰਮੇਵਾਰ : ਜਾਖੜ

ਚੰਡੀਗੜ, 28 ਅਕਤੂਬਰ (ਵਿਸ਼ਵ ਵਾਰਤਾ)- ਪੰਜਾਬ ਰਾਜ ਬਿਜਲੀ ਰੈਗੂਲੇਟਰੀ ਕਮਿਸ਼ਨ ਵਲੋਂ ਹਾਲ ਹੀ ਵਿੱਚ ਬਿਜਲੀ ਦਰਾਂ ਵਿੱਚ ਕੀਤੇ ਵਾਧੇ ਉੱਤੇ ਸਿਆਸਤ ਕਰਨ ਲਈ ਸ਼੍ਰੋਮਣੀ ਅਕਾਲੀ ਦਲ ਦੀ ਖੱਲ ਲਾਹੁੰਦੇ ਹੋਏ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਤੇ ਗੁਰਦਾਸਪੁਰ ਤੋਂ ਲੋਕ ਸਭਾ ਮੈਂਬਰ ਸੁਨੀਲ ਜਾਖੜ ਨੇ ਕਿਹਾ ਹੈ ਕਿ ਅਕਾਲੀਆਂ ਨੂੰ ਪੰਜਾਬ ‘ਚ ਧਰਨੇ ਦੇਣ ਦੀ ਥਾਂ ਦਿੱਲੀ ਵਿਖੇ ਧਰਨੇ ਲਾਉਣੇ ਚਾਹੀਦੇ ਹਨ ਕਿਉਂਕਿ ਪ੍ਰਧਾਨ ਮੰਤਰੀ ਅਤੇ ਹੋਰ ਸੀਨੀਅਰ ਭਾਜਪਾ ਆਗੂ ਤੇ ਬਾਦਲ ਪੰਜਾਬ ਦੇ ਲੋਕਾਂ ਉੱਤੇ ਬੋਝ ਪਾਉਣ ਦੇ ਅਸਲੀ ਦੋਸ਼ੀ ਹਨ।
ਸ਼ਨੀਵਾਰ ਨੂੰ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਨੇ ਕਿਹਾ ਕਿ ਬਿਜਲੀ ਦਰਾਂ ਵਿੱਚ ਵਾਧਾ ਕਰਕੇ ਲੋਕਾਂ ਤੇ ਬੋਝ ਪਾਉਣ ਲਈ ਬਾਦਲਾਂ ਨੇ ਮਜ਼ਬੂਰ ਕੀਤਾ ਹੈ, ਜਿਨ•ਾਂ ਨੇ ਬੀ.ਜੇ.ਪੀ. ਦੀ ਕੇਂਦਰ ਸਰਕਾਰ ਅਤੇ ਪੀ. ਐਸ. ਪੀ. ਸੀ. ਐਲ. ਦੇ ਨਾਲ ਹਰ ਸਾਲ ਸੂਬੇ ‘ਚ ਬਿਜਲੀ ਦਰਾਂ ‘ਚ ਵਾਧਾ ਕਰਨ ਵਾਸਤੇ ਤਿੰਨ ਧਿਰੀ ਸਹਿਮਤੀ ਪੱਤਰ ‘ਤੇ ਹਸਤਾਖਰ ਕੀਤੇ ਹਨ। ਉਨ•ਾਂ ਕਿਹਾ ਕਿ ਇਸ ਦੇ ਵਾਸਤੇ ਅਸਲੀ ਦੋਸ਼ੀ ਸੁਖਬੀਰ ਬਾਦਲ ਹੈ ਜਿਨ•ਾਂ ਨੇ 4 ਮਾਰਚ 2016 ਨੂੰ ”ਊਦੈ ਸਕੀਮ” ਹੇਠ ਸਹਿਮਤੀ ਪੱਤਰ ਉੱਤੇ ਸਹੀ ਪਾਈ ਹੈ। ਇਹ ਹਸਤਾਖਰ ਗੱਠਜੋੜ ਦੇ ਭਾਈਵਾਲ ਤੇ ਕੇਂਦਰੀ ਬਿਜਲੀ ਮੰਤਰੀ ਪਿਊਸ਼ ਗੋਇਲ ਦੀ ਹਾਜ਼ਰੀ ਵਿੱਚ ਕੀਤੇ ਗਏ ਹਨ। ਇਸ ਵਿੱਚ ਭਾਰਤ ਸਰਕਾਰ ਦੀ ਉਜਵਲ ਡਿਸਕਾਮ ਅਸ਼ੋਰੇਂਸ ਸਕੀਮ ਨੂੰ ਲਾਗੂ ਕਰਨ ਲਈ ਪੰਜਾਬ ਵਿੱਚ ਹਰ ਸਾਲ ਬਿਜਲੀ ਦਰਾਂ ਵਧਾਉਣ ਤੇ ਸਹਿਮਤੀ ਦਿੱਤੀ ਗਈ ਹੈ।
ਊਦੈ ਸਹਿਮਤੀ ਪੱਤਰ ਦੇ ਅਨੁਸਾਰ ਬਾਦਲ ਸਾਲ 2016-17 ਦੇ ਲਈ ਬਿਜਲੀ ਦਰਾਂ ‘ਚ 5 ਫੀਸਦੀ ਅਤੇ ਸਾਲ 2017-18 ਦੇ ਲਈ 9 ਫੀਸਦੀ ਵਾਧਾ ਕਰਨ ਲਈ ਸਹਿਮਤ ਹੋਏ ਸਨ। ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਸਿਆਸੀ ਮਜ਼ਬੂਰੀਆਂ ਦੇ ਕਾਰਨ ਬਾਦਲਾਂ ਨੇ ਪਿਛਲੇ ਦਸ ਸਾਲਾਂ ਦੇ ਸੈਸ਼ਨ ਦੌਰਾਨ ਬਿਜਲੀ ਦਰਾਂ ਵਿੱਚ 77 ਫੀਸਦੀ ਵਾਧਾ ਕੀਤਾ ਪਰ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਸਿਆਸੀ ਮਜ਼ਬੂਰੀਆਂ ਦੇ ਕਾਰਨ 2016-17 ਦੌਰਾਨ ਕੋਈ ਵਾਧਾ ਨਹੀਂ ਕੀਤਾ। ਇਥੋਂ ਤੱਕ ਇਨ•ਾਂ ਨੇ ਇਸ ਵਿੱਤੀ ਸਾਲ ਦੌਰਾਨ ਸਿਆਸੀ ਖੇਡ ਖੇਡਦੇ ਹੋਏ 0.65 ਫੀਸਦੀ ਬਿਜਲੀ ਦਰਾਂ ਘਟਾਈਆਂ।
ਸ੍ਰੀ ਜਾਖੜ ਨੇ ਕਿਹਾ ਕਿ ਜੇ ਸ਼੍ਰੋਮਣੀ ਅਕਾਲੀ ਦਲ ਨੂੰ ਪੰਜਾਬ ਅਤੇ ਪੰਜਾਬ ਦੇ ਲੋਕਾਂ ਦੀ ਸਚਮੁੱਖ ਹੀ ਚਿੰਤਾਂ ਹੈ ਤਾਂ ਉਨ•ਾਂ ਨੂੰ ਲੋਕਾਂ ਨੂੰ ਗੁਮਰਾਹ ਕਰਨਾ ਬੰਦ ਕਰਨਾ ਚਾਹੀਦਾ ਹੈ ਅਤੇ ਉਨ•ਾਂ ਨੂੰ ਆਪਣੇ ਪ੍ਰਸਤਾਵਿਤ ਧਰਨੇ ਬਾਦਲਾਂ, ਮੋਦੀ ਅਤੇ ਪਿਊਸ਼ ਗੋਇਲ ਦੇ ਘਰਾਂ ਦੇ ਬਾਹਰ ਦੇਣੇ ਚਾਹੀਦੇ ਹਨ ਜੋ ਕਿ ਬਿਜਲੀ ਦਰਾਂ ਦੇ ਇਸ ਵਾਧੇ ਦੇ ਅਸਲੀ ਦੋਸ਼ੀ ਹਨ। ਉਨ•ਾਂ ਕਿਹਾ ਕਿ ਪੀ. ਐਸ. ਈ. ਆਰ. ਸੀ. ਵਲੋਂ ਹਾਲ ਹੀ ਵਿੱਚ ਬਿਜਲੀ ਦਰਾਂ ‘ਚ ਕੀਤਾ ਵਾਧਾ ਊਦੈ ਸਹਿਮਤੀ ਪੱਤਰ ਦੇ ਅਨੁਸਾਰ ਕੀਤਾ ਗਿਆ ਹੈ। ਉਨ•ਾਂ ਕਿਹਾ ਕਿ ਇਸ ਵਾਧੇ ਲਈ ਕਾਂਗਰਸ ਅਤੇ ਕੈਪਟਨ ਅਮਰਿੰਦਰ ਸਿੰਘ ‘ਤੇ ਦੋਸ਼ ਲਾ ਕੇ ਬਾਦਲ ਲੋਕਾਂ ਨੂੰ ਮੂਰਖ ਬਨਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਉਨ•ਾਂ ਕਿਹਾ ਕਿ ਇਸ ਸਹਿਮਤੀ ਪੱਤਰ ਉੱੇਤੇ ਹਸਤਾਖਰ ਕਰਨ ਨਾਲ ਪੰਜਾਬ ਨੂੰ ਕਿਸੇ ਵੀ ਤਰ•ਾਂ ਦਾ ਕੋਈ ਲਾਭ ਨਹੀਂ ਹੋਇਆ ਉਨ•ਾਂ ਕਿਹਾ ਕਿ ਅਸਲ ‘ਚ ਬਾਦਲਾਂ ਨੇ ਇਸ ਸਹਿਮਤੀ ਪੱਤਰ ਉੱਤੇ ਮੋਦੀ ਦੇ ਦਬਾਅ ਹੇਠ ਸਹੀ ਪਾਈ ਸੀ ਉਨ•ਾਂ ਨੇ ਅਜਿਹਾ ਇਸ ਕਰਕੇ ਕੀਤਾ ਸੀ ਕਿਉਂਕਿ ਉਹ ਆਪਣੇ ਵਿਰੁੱਧ ਕੁਝ ਜਾਂਚਾਂ ਖੁੱਲਣ ਤੋਂ ਡਰਦੇ ਸਨ।
ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਨੇ ਕਿਹਾ ਕਿ ਸੂਬੇ ਵਿੱਚ ਬਿਜਲੀ ਦਰਾਂ ਵੱਧ ਹੋਣ ਦਾ ਇੱਕ ਹੋਰ ਕਾਰਨ ਇਹ ਵੀ ਹੈ ਕਿ ਬਾਦਲ ਸਰਕਾਰ ਨੇ ਗੈਰ ਤਰਕਸੰਗਤ ਉੱਚ ਦਰਾਂ ਉੱਤੇ ਨਿੱਜੀ ਥਰਮਲ ਪਲਾਂਟਾਂ ਤੋਂ ਬਿਜਲੀ ਖਰੀਦ ਸਮਝੌਤੇ ਕਰਨ ਵਾਸਤੇ ”ਗੈਰ ਤਰਕਸੰਗਤ” ਫੈਸਲੇ ਲਏ। ਉਨ•ਾਂ ਕਿਹਾ ਕਿ ਅਕਾਲੀ/ਭਾਜਪਾ ਸਰਕਾਰ ਨੇ 1980 ਮੈਗਾਵਾਟ ਤਲਵੰਡੀ ਸਾਬੋ ਥਰਮਲ ਪਲਾਂਟ ਲਈ ਸਟੈਰੇਲਾਈਟ ਨਾਲ, 1400 ਮੈਗਾਵਾਟ ਥਰਮਲ ਪਲਾਂਟ ਲਈ ਐਲ. ਐਂਡ ਟੀ. ਨਾਲ ਅਤੇ 500 ਮੈਗਾਵਾਟ ਗੋਇੰਦਵਾਲ ਸਾਹਿਬ ਥਰਮਲ ਪਲਾਂਟ ਲਈ ਜੀ.ਵੀ.ਕੇ. ਨਾਲ ਬਿਜਲੀ ਖਰੀਦ ਸਮਝੋਤੇ ਕੀਤੇ ਅਤੇ ਉਨ•ਾਂ ਨੂੰ ਪ੍ਰਤੀ ਯੂਨਿਟ ਬਿਜਲੀ ਵਾਸਤੇ ਉੱਚ ਦਰਾਂ ਦੇਣ ਲਈ ਸਹਿਮਤੀ ਪ੍ਰਗਟਾਈ।
ਉਨ•ਾਂ ਕਿਹਾ ਕਿ ਡਾ. ਮਨਮੋਹਨ ਸਿੰਘ ਦੀ ਅਗਵਾਈ ਵਾਲੀ ਕਾਂਗਰਸ ਸਰਕਾਰ ਵਲੋਂ ਇਸੇ ਸਮੇਂ ਦੌਰਾਨ ਇਕੋ ਸਮਰੱਥਾ ਅਤੇ ਤਕਨਾਲੋਜੀ ਵਾਲੇ ਦੇਸ਼ ਵਿੱਚ ਲਾਏ ਹੋਰਨਾਂ ਥਰਮਲ ਪਲਾਂਟਾਂ ਦੇ ਮੁਕਾਬਲੇ ਬਾਦਲ ਸਰਕਾਰ ਨੇ ਇਨ•ਾਂ ਪਲਾਂਟਾਂ ਨੂੰ ਉੱਚ ਦਰਾਂ ਨਿਰਧਾਰਿਤ ਕਰਨ ਲਈ ਸਹਿਮਤੀ ਦਿੱਤੀ। ਉਨ•ਾਂ ਦੱਸਿਆ ਕਿ ਪੰਜਾਬ ਤਲਵੰਡੀ ਲਈ 1.35 ਰੁਪਏ ਪ੍ਰਤੀ ਯੂਨਿਟ, ਰਾਜਪੁਰਾ ਲਈ 1.50 ਰੁਪਏ ਪ੍ਰਤੀ ਯੂਨਿਟ ਅਤੇ ਗੋਇੰਦਵਾਲ ਸਾਹਿਬ ਥਰਮਲ ਪਲਾਂਟ  ਲਈ 1.93 ਰੁਪਏ ਪ੍ਰਤੀ ਯੂਨਿਟ ਦੇ ਹਿਸਾਬ ਨਾਲ ਦਰਾਂ ਦਾ ਭੁਗਤਾਨ ਨਿਰਧਾਰਿਤ ਕੀਤਾ। ਮੁੰਦਰਾ ਥਰਮਲ ਪਲਾਂਟ ਵਿਖੇ ਬਿਜਲੀ ਦਰਾਂ ਸਿਰਫ 90 ਪੈਸੇ ਪ੍ਰਤੀ ਯੂਨਿਟ ਅਤੇ ਸਾਸਨ ਥਰਮਲ ਪਲਾਂਟ ਵਿਖੇ 17 ਪੈਸੇ ਪ੍ਰਤੀ ਯੂਨਿਟ ਹਨ।
ਉਨ•ਾਂ ਕਿਹਾ ਕਿ ਇਨ•ਾਂ ਆਂਕੜਿਆਂ ਦੀ ਪੁਸ਼ਟੀ ਪੀ. ਐਸ. ਈ. ਆਰ. ਸੀ. ਵਲੋਂ ਹਾਲ ਹੀ ਵਿੱਚ 2017-18 ਲਈ ਵਧਾਈਆਂ ਬਿਜਲੀ ਦਰਾਂ ਦੇ ਆਰਡਰ ਵਿੱਚ ਪੰਨਾ ਨੰ. 185, ਲੜੀ ਨੰ. 55, ਪੰਨਾ ਨੰ. 186, ਲੜੀ ਨੰ. 56, 58, 59 ਅਤੇ 60 ਤੋਂ ਕੀਤੀ ਜਾ ਸਕਦੀ ਹੈ। ਉਨ•ਾਂ ਕਿਹਾ ਕਿ ਸਾਲ 2017-18 ਲਈ ਪੀ. ਐਸ. ਈ. ਆਰ. ਸੀ. ਬਿਜਲੀ ਦਰਾਂ ਦੇ ਹੁਕਮ ਪੰਨਾ ਨੰ. 185-186 ਦੇ ਅਨੁਸਾਰ ਪੰਜਾਬ ਤਲਵੰਡੀ ਥਰਮਲ ਪਲਾਂਟ ਤੋਂ 3293 ਕਰੌੜ ਦੀ ਲਾਗਤ ਨਾਲ 6095 ਐਮ. ਯੂ. ਦੀ ਖਰੀਦ ਕਰੇਗਾ ਜੋ 5.40 ਰੁਪਏ ਪ੍ਰਤੀ ਯੂਨਿਟ ਹੋਵੇਗੀ। ਇਸੇ ਤਰ•ਾਂ ਗੋਇੰਦਵਾਲ ਸਾਹਿਬ ਤੋਂ 1064 ਕਰੌੜ ਰੁਪਏ ਦੀ 1223 ਐਮ. ਯੂ. ਬਿਜਲੀ ਲਈ ਜਾਵੇਗੀ ਜੋ 8.70 ਪ੍ਰਤੀ ਰੁਪਏ ਯੂਨਿਟ ਹੋਵੇਗੀ ਇਸੇ ਤਰ•ਾਂ ਹੀ ਰਾਜਪੁਰਾ ਥਰਮਲ ਪਲਾਂਟ ਤੋਂ 3302 ਕਰੋੜ ਰੁਪਏ ਦੀ 8694 ਐਮ.ਯੂ. ਬਿਜਲੀ 3.80 ਪੈਸੇ ਪ੍ਰਤੀ ਯੂਨਿਟ ਪਵੇਗੀ। ਉਨ•ਾਂ ਕਿਹਾ ਕਿ ਇਸ ਦੇ ਮੁਕਾਬਲੇ ਸਾਸਨ ਤੋਂ ਸਾਸਨ ਦੀ 4724 ਐਮ.ਯੂ. ਬਿਜਲੀ 1.32 ਰੁਪਏ ਪ੍ਰਤੀ ਯੂਨਿਟ ਅਤੇ ਮੁੰਦਰਾਂ ਦੀ 3162 ਐਮ.ਯੂ. 2.20 ਰੁਪਏ ਪ੍ਰਤੀ ਯੂਨਿਟ ਹੈ।
ਉਨ•ਾਂ ਕਿਹਾ ਕਿ ਅਕਾਲੀ/ਭਾਜਪਾ ਸਰਕਾਰ ਅਤੇ ਨਵਿਆਉਣ ਯੋਗ ਊਰਜਾ ਤੇ ਪੇਡਾ ਦੇ ਮੰਤਰੀ ਬਿਕਰਮ ਸਿੰਘ ਮਜੀਠੀਆ, ਬਿਜਲੀ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਸੌਰ ਊਰਜਾ ਅਤੇ ਬਾਇਓਮਾਸ ਪਾਵਰ ਪਲਾਂਟਾਂ ਨਾਲ ਵੀ ਉੱਚ ਦਰਾਂ ਉੱਤੇ ਬਿਜਲੀ ਖਰੀਦਣ ਦਾ ਸਮਝੌਤਾ ਕੀਤਾ। ਪੀ.ਐਸ.ਈ.ਆਰ.ਸੀ. ਬਿਜਲੀ ਦਰਾਂ ਦੇ ਆਰਡਰ ਪੰਨਾ ਨੰ. 185 ਦਾ ਜ਼ਿਕਰ ਕਰਦੇ ਹੋਏ ਜਾਖੜ ਨੇ ਕਿਹਾ ਕਿ ਸਾਲ 2017-18 ਲਈ ਪੰਜਾਬ 1712 ਐਮ.ਯੂ. ਸੌਰ ਊਰਜਾ ਵਾਸਤੇ 1010 ਕਰੋੜ ਰੁਪਏ ਦਾ ਭੁਗਤਾਨ ਕਰੇਗਾ ਅਤੇ ਇਹ ਬਿਜਲੀ 5.90 ਰੁਪਏ ਪ੍ਰਤੀ ਯੂਨਿਟ ਪਵੇਗੀ। ਇਸੇ ਤਰ•ਾਂ ਹੀ ਗੈਰ ਸੌਰ ਊਰਜਾ ਬਾਇਓਮਾਸ ਆਦਿ ਦੀ 1459 ਐਮ.ਯੂ. ਬਿਜਲੀ 776 ਕਰੋੜ ਰੁਪਏ ਦੀ ਖਰੀਦੀ ਜਾਵੇਗੀ ਜੋ 5.32 ਰੁਪਏ ਪ੍ਰਤੀ ਯੂਨਿਟ ਪਵੇਗੀ।
ਇਕ ਸਵਾਲ ਦੇ ਜਵਾਬ ਵਿੱਚ ਕਾਂਗਰਸ ਦੇ ਪ੍ਰਧਾਨ ਨੇ ਕਿਹਾ ਕਿ ਇਨ•ਾਂ ਨਿੱਜੀ ਖਰੀਦ ਸਮਝੌਤਿਆਂ ਦਾ ਕੈਪਟਨ ਅਮਰਿੰਦਰ ਸਿੰਘ ਸਰਕਾਰ ਵਲੋਂ ਜਾਇਜ਼ਾ ਲਿਆ ਜਾ ਰਿਹਾ ਹੈ ਅਤੇ ਆਉਂਦੇ ਮਹੀਨਿਆਂ ਦੌਰਾਨ ਬਿਜਲੀ ਦਰਾਂ ਨੂੰ ਤਰਕ ਸੰਗਤ ਬਨਾਉਣ ਦੀਆਂ ਸਾਰੀਆਂ ਕੋਸ਼ਿਸ਼ਾ ਕੀਤੀਆਂ ਜਾਣਗੀਆਂ।
ਉਨ•ਾਂ ਕਿਹਾ ਕਿ ਬਾਦਲ ਸਰਕਾਰ ਦੇ ਪਛਵਾੜਾ ਕੈਪਟਨ ਕੋਲ ਮਾਈਨ ਨੂੰ ਕਾਰਜਸ਼ੀਲ ਕਰਨ ਲਈ ਅਸਫਲ ਰਹੀ ਇਹ ਮਾਈਨ ਝਾਰਖੰਡ ਵਿਖੇ ਅਲਾਟ ਕੀਤੀ ਗਈ ਸੀ ਇਸ ਦੇ ਕਾਰਨ ਹੀ ਪੰਜਾਬ ਵਿੱਚ ਬਿਜਲੀ ਦਰਾਂ ਦੀ ਜ਼ਿਆਦਾ ਕੀਮਤ ਹੋਈ। ਉਨ•ਾਂ ਕਿਹਾ ਕਿ ਅਕਾਲੀ/ਭਾਜਪਾ ਸਰਕਾਰ ਪੰਛਵਾੜਾ ਕੋਲ ਮਾਈਨ ਤੋਂ ਸਸਤਾ ਕੋਇਲਾ ਪ੍ਰਾਪਤ ਕਰਨ ਵਾਸਤੇ ਨਾਕਾਮ ਰਹੀ ਜੋ ਕਿ ਅਪ੍ਰੈਲ 2015 ਦੌਰਾਨ ਅਲਾਟ ਕੀਤੀ ਗਈ ਸੀ। ਇਸਦੇ ਕਾਰਨ ਵੱਧ ਲਾਗਤ ਵਾਲਾ ਕੋਇਲਾ ਖਰੀਦਣਾ ਪਿਆ ਅਤੇ ਨਿੱਜੀ ਥਰਮਲ ਪਲਾਂਟਾਂ ਅਤੇ ਹੋਰ ਨਿੱਜੀ ਉੱਦਮੀਆਂ ਤੋਂ ਵੱਧ ਲਾਗਤ ਦੀ ਬਿਜਲੀ ਲਈ ਗਈ।
ਉਨ•ਾਂ ਕਿਹਾ ਕਿ ਜੇ ਅਕਾਲੀ/ਭਾਜਪਾ ਸਰਕਾਰ ਅਲਾਟ ਕੀਤੀਆਂ ਕੋਇਲੇ ਦੀਆਂ ਖਾਣਾਂ ਵਿਚੋਂ ਕੋਇਲਾ ਕੱਢਣਾ ਸ਼ੁਰੂ ਕਰ ਦਿੰਦੀ ਤਾਂ ਇਹ ਬਿਜਲੀ ਬਹੁਤ ਸਸਤੀ ਪੈਣੀ ਸੀ ਅਤੇ ਇਹ ਕੋਇਲਾ ਕੋਲ ਇੰਡੀਆ ਵਲੋਂ ਸਸਤੇ ਭਾਅ ਤੇ ਪ੍ਰਾਪਤ ਹੋਣਾ ਸੀ। ਇਸ ਦੇ ਕਾਰਨ ਬਿਜਲੀ ਉਤਪਾਦਨ ਦੀ ਲਾਗਤ ਵੀ ਘੱਟਣੀ ਸੀ ਉਨ•ਾਂ ਕਿਹਾ ਕਿ ਇਸ ਦੇ ਕਾਰਨ ਸੂਬੇ ਨੂੰ ਹਰ ਸਾਲ 400 ਤੋਂ 500 ਕਰੋੜ ਰੁਪਏ ਦਾ ਨੁਕਸਾਨ ਹੋ ਰਿਹਾ ਹੈ।
ਸ੍ਰੀ ਜਾਖੜ ਨੇ ਦੋਸ਼ ਲਾਇਆ ਕਿ ਬਾਦਲਾਂ ਨੇ ਅਡਾਨੀਆਂ ਦੇ ਹਿੱਤਾਂ ਦੇ ਵਾਸਤੇ ਕੋਇਲੇ ਦੀ ਇਹ ਖਾਣ ਕਾਰਜਸ਼ੀਲ ਨਹੀਂ ਕੀਤੀ। ਉਨ•ਾਂ ਦੀ ਕੰਪਨੀ ਉੱਚ ਦਰਾਂ ਤੇ ਕੋਇਲਾ ਖਰੀਦਦੀ ਸੀ ਜਿਸ ਦੇ ਕਾਰਨ ਸਰਕਾਰੀ ਖਜ਼ਾਨੇ ਉੱਪਰ ਹਜ਼ਾਰ ਕਰੋੜਾ ਦਾ ਭਾਰ ਪਿਆ। ਉਨ•ਾਂ ਕਿਹਾ ਕਿ ਅਕਾਲੀਆਂ ਨੇ ਭਾਜਪਾ ਨਾਲ ਰਲ ਕੇ ਸੂਬੇ ਦੇ ਲੋਕਾਂ ਨੂੰ ਲੁੱਟਿਆ ਅਤੇ ਇਸ ਨੂੰ ਦਿਵਾਲੀਆ ਬਣਾਇਆ। ਇਸਦੇ ਕਾਰਨ ਉਨ•ਾਂ ਨੂੰ ਬਾਦਲ ਦੇ ਜੇਬ ਵਿੱਚ ਕਰੋੜਾਂ ਰੁਪਏ ਜਾਣ ਦੀ ਸੰਭਾਵਨਾ ਤੋਂ ਵੀ ਇੰਨਕਾਰ ਨਹੀਂ ਕੀਤਾ।
ਉਨ•ਾਂ ਕਿਹਾ ਕਿ ਇਕ ਦਹਾਕੇ ਦੇ ਲੰਮੇ ਬਾਦਲ ਸਰਕਾਰ ਦੇ ਸਾਸ਼ਨ ਦੌਰਾਨ ਬਿਜਲੀ ਮੰਤਰੀ ਪੂਰੀ ਸ਼ਕਤੀਸ਼ਾਲੀ ਸਨ ਜਿਨ•ਾਂ ਨੇ ਕੇ.ਡੀ. ਚੌਧਰੀ ਨੂੰ 7 ਸਾਲ ਪੀ.ਐਸ.ਪੀ.ਸੀ.ਐਲ ਦੇ ਚੇਅਰਮੈਨ ਨਿਯੁਕਤ ਕਰੀ ਰੱਖਿਆ। ਉਨ•ਾਂ ਦੋਸ਼ ਲਾਇਆ ਕਿ ਬਾਦਲਾਂ ਦੇ ਲੱਠ ਮਾਰ ਵਜੋਂ ਭੂਮਿਕਾ ਨਿਭਾਈ ਅਤੇ ਬਿਜਲੀ ਦੇ ਖੇਤਰ ਵਿੱਚ ਪੰਜਾਬ ਨੂੰ ਵੱਡਾ ਨੁਕਸਾਨ ਪਹੁੰਚਾਇਆ।
ਜਾਖੜ ਨੇ ਕਿਹਾ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਸਾਲ 2002-07 ਤੱਕ ਦੇ ਸਾਸ਼ਨ ਦੌਰਾਨ 22.51 ਫੀਸਦੀ ਵਾਧਾ ਹੋਇਆ ਜੋ ਪ੍ਰਤੀ ਸਾਲ ਔਸਤਨ 4.5 ਫੀਸਦੀ ਸੀ। ਇਸਦੇ ਉਲਟ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਦੇ 10 ਸਾਲ ਦੇ ਸਾਸ਼ਨ ਦੌਰਾਨ 77.33 ਫੀਸਦੀ ਵਾਧਾ ਹੋਇਆ ਜੋ ਔਸਤਨ ਪ੍ਰਤੀ ਸਾਲ 7.73 ਫੀਸਦੀ ਬਣਦਾ ਹੈ।
ਮਜੀਠੀਆ ਵਿਰੁੱਧ ਕਾਰਵਾਈ ਸ਼ੁਰੂ ਕਰਨ ਦੀ ਕੁਝ ਕਾਂਗਰਸੀ ਵਿਧਾਇਕਾਂ ਦੀ ਮੰਗ ਸਬੰਧੀ ਪੁੱਛੇ ਗਏ ਸਵਾਲ ਦੇ ਜਵਾਬ ‘ਚ ਜਾਖੜ ਨੇ ਕਿਹਾ ਕਿ ਮੁੱਖ ਮੰਤਰੀ ਨੇ ਇਸ ਸਬੰਧ ਵਿੱਚ ਪੂਰੀ ਤਰ•ਾਂ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਸਬੂਤਾਂ ਤੋਂ ਬਿਨ•ਾਂ ਕੋਈ ਕਾਰਵਾਈ ਨਹੀਂ ਕਰਨਗੇ। ਉਨ•ਾਂ ਕਿਹਾ ਕਿ ਮਜੀਠੀਏ ਵਿਰੁੱਧ ਦੋਸ਼ ਹਨ ਪਰ ਇਸ ਦੇ ਲਈ ਅਦਾਲਤ ਦੇ ਵਿੱਚ ਸਬੂਤ ਚਾਹੀਦੇ ਹਨ। ਉਨ•ਾਂ ਕਿਹਾ ਕਿ ਕਾਂਗਰਸ ਕਾਹਲੀ ਦੇ ਵਿੱਚ ਕੋਈ ਕਾਰਵਾਈ ਨਹੀਂ ਕਰੇਗੀ ਅਤੇ 2002 ਵਾਲੀ ਗਲਤੀ ਨਹੀਂ ਦਹੁਰਾਏਗੀ।
ਉਨ•ਾਂ ਕਿਹਾ ਕਿ ਸਾਡੀ ਸੋਚ ਉੱਤੇ ਕਿਸੇ ਨੂੰ ਕੋਈ ਸ਼ੱਕ ਨਹੀਂ ਹੋਣਾ ਚਾਹੀਦਾ ਕਿ ਇਨ•ਾਂ ਲੋਕਾਂ ਨੇ ਪੰਜਾਬ ਨੂੰ ਤਬਾਹ ਕਰ ਕੇ ਰੱਖ ਦਿੱਤਾ ਹੈ।
ਕੋਲਿਆਂਵਾਲੀ ਦੇ ਮਾਮਲੇ ਵਿੱਚ ਗਲਤ ਬਿਆਨ ਦੇਣ ਅਤੇ ਪੁਲਸ ਦੇ ਜਾਂਚ ਨੂੰ ਪ੍ਰਭਾਵਿਤ ਕਰਨ ਲਈ ਦਖਲ ਅੰਦਾਜ਼ੀ ਨਾ ਕਰਨ ਦੀ ਬਾਦਲ ਨੂੰ ਸਲਾਹ ਦਿੰਦੇ ਹੋਏ ਜਾਖੜ ਨੇ ਕੈਪਟਨ ਅਮਰਿੰਦਰ ਸਿੰਘ ਨੇ ਫੈਸਲੇ ਦਾ ਸੁਆਗਤ ਕੀਤਾ ਹੈ ਜਿਸ ਵਿੱਚ ਉਨ•ਾਂ ਕਿਹਾ ਹੈ ਕਿ ਪ੍ਰਸ਼ਾਸਨ ਦੇ ਸਪੱਸ਼ਟੀਕਰਨ ਨਾ ਕਰਨ ਦੀ ਗੱਲ ਆਖੀ ਹੈ। ਉਨ•ਾਂ ਕਿਹਾ ਕਿ ਪੰਜਾਬ ਦੇ ਇਤਿਹਾਸ ਵਿੱਚ ਇਸ ਤਰ•ਾਂ ਦੀਆਂ ਗੱਲਾਂ ਕਦੇ ਵੀ ਨਹੀਂ ਵਾਪਰੀਆਂ।