ਪੰਜਾਬ ਚੋਣਾਂ ਵਿਚਾਲੇ ਹੈਲੀਕਾਪਟਰ ਬਣਿਆ ਨਵਾਂ ਮੁੱਦਾ
ਦੋ ਵਾਰ ਰੋਕਿਆ ਗਿਆ ਮੁੱਖ ਮੰਤਰੀ ਚੰਨੀ ਦਾ ਚੌਪਰ
ਪ੍ਰਧਾਨ ਮੰਤਰੀ ਮੋਦੀ ਨੇ ਵੀ ਦੱਸੀ ਚੌਪਰ ਰੋਕੇ ਜਾਣ ਦੀ ਕਹਾਣੀ,ਰਾਹੁਲ ਗਾਂਧੀ ਨੂੰ ਲਿਆ ਨਿਸ਼ਾਨੇ ‘ਤੇ
ਚੰਡੀਗੜ੍ਹ,14 ਫਰਵਰੀ(ਵਿਸ਼ਵ ਵਾਰਤਾ) ਪ੍ਰਧਾਨ ਮੰਤਰੀ ਮੋਦੀ ਦੀ ਰੈਲੀ ਦੇ ਮੱਦੇਨਜ਼ਰ ਅੱਜ ਮੁੱਖ ਮੰਤਰੀ ਚੰਨੀ ਦੇ ਹੈਲੀਕਾਪਟਰ ਨੂੰ ਦੋ ਵਾਰ ਰੋਕਿਆ ਗਿਆ । ਸਵੇਰੇ ਉਹਨਾਂ ਨੂੰ ਚੰਡੀਗੜ੍ਹ ਤੋਂ ਹੁਸ਼ਿਆਰਪੁਰ ਹੈਲੀਕਾਪਟਰ ਰਾਂਹੀ ਜਾਣ ਦੀ ਇਜ਼ਾਜ਼ਤ ਨਹੀਂ ਮਿਲੀ ਸੀ। ਹੁਣ ਉਹਨਾਂ ਦਾ ਚੌਪਰ ਸੁਜਾਨਪੁਰ ਵਿਖੇ ਰੋਕਿਆ ਗਿਆ ਹੈ। ਜਿਸ ਤੋਂ ਬਾਅਦ ਮੁੱਖ ਮੰਤਰੀ ਚੰਨੀ ਨੇ ਕਿਹਾ ਕਿ ਉਹ ਸੂਬੇ ਦੇ ਮੁੱਖ ਮੰਤਰੀ ਹਨ ਕੋਈ ਅੱਤਵਾਦੀ ਨਹੀਂ ਹਨ। ਇਸ ਵਿਚਾਲੇ ਆਪਣੇ ਭਾਸ਼ਣ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਉਹਨਾਂ ਦਾ ਵੀ ਚੌਪਰ ਉਦੋਂ ਰੋਕਿਆ ਗਿਆ ਸੀ ਜਦੋਂ ਉਹ ਗੁਜਰਾਤ ਦੇ ਮੁੱਖ ਮੰਤਰੀ ਸਨ।
