ਦਿੱਲੀ ਟੈਸਟ ਡਰਾਅ, ਭਾਰਤ ਨੇ ਲੜੀ 1-0 ਨਾਲ ਜਿੱਤੀ

ਨਵੀਂ ਦਿੱਲੀ, 6 ਦਸੰਬਰ : ਭਾਰਤ ਅਤੇ ਸ੍ਰੀਲੰਕਾ ਵਿਚਾਲੇ ਦਿੱਲੀ ਟੈਸਟ ਅੱਜ ਡਰਾਅ ਹੋ ਗਿਆ| ਇਸ ਤਰ੍ਹਾਂ ਭਾਰਤ ਨੇ ਇਸ ਸੀਰੀਜ਼ ਉਤੇ 1-0 ਨਾਲ ਕਬਜ਼ਾ ਕਰ ਲਿਆ ਹੈ|
ਇਸ ਤੋਂ ਪਹਿਲਾਂ ਭਾਰਤ ਨੂੰ ਮੈਚ ਦੇ ਪੰਜਵੇਂ ਦਿਨ ਜਿੱਤ ਲਈ 7 ਵਿਕਟਾਂ ਦੀ ਲੋੜ ਸੀ ਅਤੇ ਸ੍ਰੀਲੰਕਾਈ ਟੀਮ ਨੂੰ ਜਿੱਤਣ ਲਈ 410 ਦੌੜਾਂ ਦੀ| ਪਰ ਇਹ ਮੈਚ ਬਿਨਾਂ ਕਿਸੇ ਨਤੀਜੇ ਦੇ ਹੀ ਖਤਮ ਹੋ ਗਿਆ| ਸ੍ਰੀਲੰਕਾ ਦੇ ਬੱਲੇਬਾਜਾਂ ਨੇ ਬਿਹਤਰੀਨ ਪ੍ਰਦਰਸ਼ਨ ਕੀਤਾ, ਜਿਸ ਦੀ ਬਦੌਲਤ ਇਹ ਮੈਚ ਡਰਾਅ ਰਿਹਾ| ਧਨੰਜਿਆ ਡੀ ਸਿਲਵਾ, ਜਿਸ ਨੇ 119 ਦੌੜਾਂ ਦੀ ਪਾਰੀ ਖੇਡੀ, ਰਿਟਾਇਰ ਹਰਟ ਹੋ ਗਿਆ| ਇਸ ਤੋਂ ਬਾਅਦ ਲਕਮਲ 0 ਅਤੇ ਮੈਥੀਊਜ਼ 1 ਦੌੜਾਂ ਬਣਾ ਕੇ ਜਡੇਜਾ ਦਾ ਸ਼ਿਕਾਰ ਬਣੇ| ਬਾਅਦ ਵਿਚ ਦਿਨੇਸ਼ ਚਾਂਦੀਮਲ ਨੇ 36 ਦੌੜਾਂ ਅਤੇ ਰੋਸ਼ੇਨ ਸਿਲਵਾ ਨੇ 74 ਅਤੇ ਡਿਕਵੇਲਾ ਨੇ 44 ਦੌੜਾਂ ਦੀ ਨਾਬਾਦ ਪਾਰੀ ਖੇਡ ਕੇ ਆਪਣੀ ਟੀਮ ਨੂੰ ਮੈਚ ਹਾਰਨ ਤੋਂ ਬਚਾ ਲਿਆ|
ਭਾਰਤ ਵੱਲੋਂ ਜਡੇਜਾ ਨੇ ਦੂਸਰੀ ਪਾਰੀ ਵਿਚ 3 ਜਦੋਂ ਕਿ ਸ਼ਮੀ ਤੇ ਅਸ਼ਵਿਨ ਨੇ 1-1 ਵਿਕਟ ਹਾਸਿਲ ਕੀਤੀ|