ਬੁਢਲਾਡਾ 7, ਅਪ੍ਰੈਲ(ਵਿਸ਼ਵ ਵਾਰਤਾ): ਸਥਾਨਕ ਸ਼ਹਿਰ ਵਿੱਚ ਕਰੋਨਾ ਵਾਇਰਸ ਦੇ 3 ਵਿਅਕਤੀਆਂ ਦੇ ਕੇਸ ਪਾਜਟਿਵ ਆਉਣ ਤੋਂ ਬਾਅਦ ਪੁਲਿਸ ਵੱਲੋਂ ਦੋ ਹਫਤਿਆਂ ਤੋਂ ਸੀਲ ਵਾਰਡ ਨੰਬਰ 4 ਮਸਜਿਦ ਇਲਾਕਾ ਦੇ 300 ਦੇ ਕਰੀਬ ਪਰਿਵਾਰਾਂ ਨੂੰ ਰੋਜ਼ ਮਰਾ ਦੀ ਵਰਤੋਂ ਵਿੱਚ ਆਉਣ ਵਾਲਾ ਰਾਸ਼ਨ, ਸੈਨੀਟਾਈਜਰ ਦੀਆਂ ਪੰਜ ਗੱਡੀਆਂ ਐਸ ਐਸ ਪੀ ਮਾਨਸਾ ਡਾ. ਨਰਿੰਦਰ ਭਾਰਗਵ ਵੱਲੋਂ ਰਵਾਨਾ ਕੀਤੀਆਂ ਗਈਆ. ਇਸ ਮੋਕੇ ਤੇ ਐਸ ਡੀ ਐਮ ਅਦਿੱਤਿਆ ਡੇਚਲਵਾਲ, ਹਲਕਾ ਇੰਚਾਰਜ ਰਣਜੀਤ ਕੋਰ ਭੱਟੀ ਆਦਿ ਹਾਜ਼ਰ ਸਨ. ਇਸ ਮੋਕੇ ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਡਾ. ਭਾਰਗਵ ਨੇ ਕਿਹਾ ਕਿ ਇਤਿਆਹਤ ਵਜੋਂ ਮਸਜਿਦ ਇਲਾਕਾ ਪਿਛਲੇ 2 ਹਫਤਿਆਂ ਤੋਂ ਪੂਰੀ ਤਰ੍ਹਾਂ ਸੀਲ ਕਰ ਦਿੱਤਾ ਗਿਆ ਸੀ ਇਸ ਦੋਰਾਨ ਇਸ ਇਲਾਕੇ ਦੇ ਲੋਕਾਂ ਨੇ ਵਿਲੇਜ਼ ਅਫਸਰ ਦੇ ਵਟਸਅੱਪ ਨੰਬਰ ਤੇ ਜ਼ਰੂਰੀ ਵਸਤਾਂ ਦੀ ਮੰਗ ਕੀਤੀ ਗਈ ਸੀ ਜਿਸ ਤੇ ਫੈਸਲਾ ਕੀਤਾ ਗਿਆ ਕਿ ਹਰ ਘਰ ਵਿੱਚ ਰੋਜ਼ਮਰਾਂ ਦਾ ਸਮਾਨ ਅਤੇ ਸੈਨੀਟਾਇਜ਼ਰ ਪੁਲਿਸ ਦੀ ਵਿਸ਼ੇਸ਼ ਟੀਮ ਵੱਲੋਂ ਪਹੁੰਚਾਉਣ ਦਾ ਫੈਸਲਾ ਕੀਤਾ ਗਿਆ ਹੈ. ਜਿਸ ਤਹਿਤ ਅੱਜ 300 ਪਰਿਵਾਰਾਂ ਲਈ ਪੈਕਟ ਬਣਾ ਕੇ ਪੰਜ ਗੱਡੀਆ ਰਵਾਨਾ ਕੀਤੀਆਂ ਗਈਆ ਹਨ ਤੋਂ ਇਲਾਵਾ ਹਰੇਕ ਪਰਿਵਾਰ ਨੂੰ ਸੈਨੀਟਾਈਜ਼ਰ ਵੀ ਦਿੱਤਾ ਜਾਵੇਗਾ. ਉਨ੍ਹਾਂ ਕਿਹਾ ਕਿ ਜਿਲ੍ਹੈ ਦੇ ਲੋਕਾਂ ਵੱਲੋਂ ਕਰਫਿਊ ਅਤੇ ਲੋਕ ਡਾਊਨ ਦੋਰਾਨ ਜਿੱਥੇ ਜਿਲ੍ਹੇ ਵਾਸੀਆਂ ਦਾ ਧੰਨਵਾਦ ਕਰਦਾ ਹਾਂ ਉੱਥੇ ਪੰਜਾਬ ਪੁਲਿਸ ਦੇ ਹਰ ਮੁਲਾਜਮ ਨੇ ਆਪਣੀ ਜਾਨ ਜ਼ੋਖਮ ਵਿੱਚ ਪਾ ਕੇ ਲੋਕਾਂ ਦੀ ਸੁਰੱਖਿਆ ਲਈ ਕਬਜ਼ ਬਣ ਕੇ ਇਮਾਨਦਾਰੀ ਨਾਲ ਆਪਣੀ ਡਿਊਟੀ ਨਿਭਾ ਰਹੇ ਹਨ ਜ਼ੋ ਸਲਾਘਾਯੋਗ ਹੈ. ਇਸ ਮੋਕੇ ਤੇ ਹਲਕਾ ਇੰਚਾਰਜ ਰਣਜੀਤ ਕੋਰ ਭੱਟੀ ਨੇ ਕਿਹਾ ਕਿ ਕਰੋਨਾ ਵਾਇਰਸ ਮਹਾਮਾਰੀ ਦੇ ਖਿਲਾਫ ਪੰਜਾਬ ਪੁਲਿਸ ਆਪਣੀ ਜਾਨ ਜ਼ੋਖਮ ਵਿੱਚ ਪਾ ਕੇ ਲੋਕਾਂ ਦੀ ਸਲਾਮਤੀ ਲਈ ਲੜ ਰਹੀ ਹੈ ਜਿਸ ਦੇ ਹਰ ਜਵਾਨ ਨੂੰ ਮੈਂ ਸੈਲੀਉਟ ਕਰਦੀ ਹਾਂ. ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਤੋਂ ਇਲਾਵਾ ਪੰਜਾਬ ਦੀ ਜਨਤਾ ਵੀ ਪੁਲਿਸ ਦੇ ਨਾਲ ਹੈ. ਇਸ ਮੋਕੇ ਤੇ ਡੀ ਐਸ ਪੀ ਬੁਢਲਾਡਾ ਜ਼ਸਪਿੰਦਰ ਸਿੰਘ, ਐਸ ਐਚ ਓ ਇੰਸਪੈਕਟਰ ਗੁਰਦੀਪ ਸਿੰਘ, ਵਿਲੇਜ਼ ਅਫਸਰ ਗੁਰਜੰਟ ਸਿੰਘ, ਬਲਵੰਤ ਸਿੰਘ ਭੀਖੀ, ਡੀ ਐਸ ਪੀ ਮਾਨਸਾ ਆਦਿ ਹਾਜ਼ਰ ਸਨ.
ਕੀ ਹੈ ਪੈਕਟ *ਚ: ਪੁਲਿਸ ਵੱਲੋਂ 300 ਪਰਿਵਾਰਾਂ ਨੂੰ ਦਿੱਤੇ ਪੈਕਟਾ ਵਿੱਚ ਆਟਾ, ਖੰਡ, ਚਾਹ ਪੱਤੀ, ਲੂਣ, ਮਿਰਚ, ਦਾਲਾ, ਫਰੂਟ ਅਤੇ ਇੱਕ ਸਮੇਂ ਦਾ ਲੰਗਰ ਦੀ ਵੰਡ ਕੀਤੀ ਗਈ ਹੈ.
ਫੋਟੋ: ਬੁਢਲਾਡਾ: ਸੀਲ ਕੀਤੇ ਇਲਾਕੇ ਲਈ ਰਾਸ਼ਨ ਸਮੇਤ ਪੁਲਿਸ ਟੀਮ ਨੂੰ ਰਵਾਨਾਂ ਕਰਦੇ ਹੋਏ ਐਸ ਐਸ ਪੀ.