ਚੰਡੀਗੜ੍ਹ, 24 ਸਤੰਬਰ (ਵਿਸ਼ਵ ਵਾਰਤਾ )-ਕੇਂਦਰ ਸਰਕਾਰ ਵੱਲੋਂ ਪੇਸ਼ ਕੀਤੇ ਗਏ ਕਿਸਾਨ ਵਿਰੋਧੀ ਬਿੱਲਾਂ ਦੇ ਖਿਲਾਫ ਕਿਸਾਨਾਂ ਦਾ ਸਾਥ ਦੇਣ ਲਈ ਆਲ ਇੰਡੀਆ ਜੱਟ ਮਹਾਂ ਸਭਾ ਦੇ ਚੰਡੀਗੜ੍ਹ ਅਤੇ ਪੰਜਾਬ ਦੇ ਅਹੁਦੇਦਾਰਾਂ ਨੇ 25 ਸਤੰਬਰ ਨੂੰ ਕੀਤੇ ਜਾ ਰਹੇ ਕਿਸਾਨਾਂ ਦੇ ਅੰਦੋਲਨ ਵਿੱਚ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕਰਨ ਦਾ ਐਲਾਨ ਕੀਤਾ ਹੈ ਉਪਰੋਕਤ ਜਾਣਕਾਰੀ ਆਲ ਇੰਡੀਆ ਜੱਟ ਮਹਾਂ ਸਭਾ ਦੇ ਕੌਮੀ ਡੈਲੀਗੇਟ ਅਤੇ ਪੰਜਾਬ ਮੰਡੀ ਬੋਰਡ ਦੇ ਡਾਇਰੈਕਟਰ ਰਾਜਿੰਦਰ ਸਿੰਘ ਬਡਹੇੜੀ ਜੋ ਚੰਡੀਗੜ੍ਹ ਦੇ ਸੂਬਾ ਪ੍ਰਧਾਨ ਵੀ ਹਨ ਨੇ ਪੰਜਾਬ ਅਤੇ ਚੰਡੀਗੜ੍ਹ ਦੇ ਅਹੁਦੇਦਾਰਾਂ ਨਾਲ ਗੱਲ-ਬਾਤ ਕਰਨ ਉਪਰੰਤ ਅੱਜ ਅਖਬਾਰਾਂ ਦੇ ਨਾਮ ਬਿਆਨ ਜਾਰੀ ਕਰਦਿਆਂ ਦਿੱਤੀ ਗਈ।ਬਡਹੇੜੀ ਨੇ ਦੱਸਿਆ ਕਿ ਜੱਟ ਭਾਈਚਾਰਾ ਕਿਸਾਨ ਦਾ ਦਰਦ ਸਮਝਦਾ ਕਿਉਕਿ ਸਾਰਾ ਭਾਈਚਾਰਾ ਪਹਿਲਾਂ ਕਿਸਾਨ ਹੈ ਸਿਆਸੀ ਪਾਰਟੀ ਦਾ ਮੈਂਬਰ ਬਾਅਦ ਵਿੱਚ ਹੈ ਤਰਜੀਹੀ ਤੌਰ ‘ਤੇ ਕਿੱਤਾ ਮੁਢਲੀ ਲੋੜ ਹੈ। ਉਹਨਾਂ ਆਖਿਆ ਕਿ ਸੁਖਬੀਰ ਬਾਦਲ, ਹਰਸਿਮਰਤ ਬਾਦਲ ਅਤੇ ਬਿਕਰਮ ਮਜੀਠੀਆ ਨੇ ਕਦੇ ਖੇਤਾਂ ‘ਚ ਪੈਰ ਨਹੀਂ ਪਾਇਆ ਉਹਨਾਂ ਦਾ ਕਿੱਤਾ ਟਰਾਂਸਪੋਰਟ, ਕੇਬਲ ਨੈੱਟਵਰਕ, ਰੇਤਾ ਬਜ਼ਰੀ ਅਤੇ ਹੋਟਲ ਕਾਰੋਬਾਰਾਂ ਨਾਲ ਸੰਬੰਧ ਰੱਖਦਾ ਹੈ ਪ੍ਰਕਾਸ਼ ਸਿੰਘ ਬਾਦਲ ਪੰਜਾਹ ਸਾਲ ਪਹਿਲਾਂ ਕਿਸਾਨ ਸਨ ਪਰ ਆਪਣੇ ਆਪ ਨੂੰ ਕਿਸਾਨਾਂ ਦਾ ਮਸੀਹਾ ਅਖਵਾਉਂਦੇ ਰਹੇ ਕੇਵਲ ਕਿਸਾਨਾਂ ਦੀਆਂ ਵੋਟਾਂ ਹਾਸਲ ਕਰਨ ਲਈ ਕਦੇ ਕਿਸਾਨੀ ਵਾਲ਼ਾ ਕੰਮ ਨਹੀਂ ਕੀਤਾ ।ਬਾਦਲ ਅਤੇ ਮੋਦੀ ਦੋਵੇਂ ਵਪਾਰਕ ਘਰਾਣਿਆਂ ਦੇ ਵੱਡੇ ਹਮਦਰਦ ਹਨ ਅਤੇ ਕਿਸਾਨਾਂ ਦੇ ਵਿਰੋਧੀ ਹਨ ਇਹਨਾਂ ਤਾਂ ਕਾਂਗਰਸ ਕਈ ਗੁਣਾ ਚੰਗੀ ਸਾਬਤ ਹੋਈ ਹੈ ਜਿਸ ਨੇ ਅੱਜ ਕਿਸਾਨ ਦੀ ਮੁਸ਼ਕਲ ਅਤੇ ਲੋੜ ਸਮਝ ਕੇ ਕਿਸਾਨਾਂ ਦੀ ਬਾਂਹ ਫੜੀ ਹੈ ਲੋਕ ਸਭਾ ਮੈਂਬਰਾਂ ਗੁਰਜੀਤ ਸਿੰਘ ਔਜਲਾ ,ਜਸਬੀਰ ਡਿੰਪਾ,ਮੁਨੀਸ਼ ਤਿਵਾੜੀ ਸਮੇਤ ਸਾਰੇ ਕਾਂਗਰਸ ਨਾਲ਼ ਸਬੰਧਤ ਮੈਬਰਾਂ ਨੇ ਬਾਦਲ ਭਾਜਪਾ ਦੇ ਬਣਾਏ ਖ਼ਤਰਨਾਕ ਖੇਤੀ ਬਿੱਲਾਂ ਦਾ ਵਿਰੋਧ ਕੀਤਾ ਫਿਰ ਰਾਜ ਸਭਾ ਵਿੱਚ ਪ੍ਰਤਾਪ ਸਿੰਘ ਬਾਜਵਾ ਨੇ ਅਖੌਤੀ ਖੇਤੀ ਸੋਧ ਬਿੱਲਾਂ ਦੇ ਖ਼ਿਲਾਫ਼ ਅਤੇ ਬਾਹਰ ਸ਼ਮਸ਼ੇਰ ਸਿੰਘ ਦੂਲੋਂ ਅਤੇ ਪ੍ਰਤਾਪ ਸਿੰਘ ਬਾਜਵਾ ਨੇ ਮੱਤਭੇਦ ਭੁਲਾ ਕੇ ਕਿਸਾਨਾਂ ਦੇ ਹੱਕ ਵਿੱਚ ਆਵਾਜ਼ ਬੁਲੰਦ ਕੀਤੀ।ਪੰਜਾਬ ਵਿਧਾਨ ਸਭਾ ਵਿੱਚ ਕੈਪਟਨ ਅਮਰਿੰਦਰ ਸਿੰਘ ਮੁੱਖ ਮੰਤਰੀ ਉਪਰੋਕਤ ਖੇਤੀ ਸੋਧ ਬਿਲਾਂ ਨੂੰ ਰੱਦ ਕਰਨ ਦਾ ਮਤਾ ਪਾਸ ਕਰਵਾ ਚੁੱਕੇ ਹਨ ਅਤੇ ਬਾਹਰ ਵੀ ਕਿਸਾਨਾਂ ਦੀ ਹਮਾਇਤ ਕਰ ਰਹੇ ਹਨ।ਜੋ ਜੱਟ ਮਹਾਂ ਸਭਾ ਦੇ ਕੌਮੀ ਪ੍ਰਧਾਨ ਵੀ ਹਨ ਅਤੇ ਖ਼ੁਦ ਇੱਕ ਕਿਸਾਨ ਹਨ।
