ਅੱਜ ਦੇ ਸੂਰਜ ਗ੍ਰਹਿਣ ਦਾ ਦੇਸ਼ ਦੇ ਲੋਕਾਂ ‘ਤੇ ਸ਼ੁਭ- ਅਸ਼ੁੱਭ ਦਾ ਕੋਈ ਅਸਰ ਨਹੀਂ
ਜੈਤੋ, 14 ਦਸੰਬਰ (ਰਘੂਨੰਦਨ ਪਰਾਸ਼ਰ) ਸਾਲ 2020 ਦਾ ਆਖਰੀ ਸੂਰਜ ਗ੍ਰਹਿਣ ਅੱਜ ਹੋਣ ਜਾ ਰਿਹਾ ਹੈ। ਇਹ ਗ੍ਰਹਿਣ 14 ਦਸੰਬਰ ਨੂੰ ਭਾਰਤੀ ਸਮੇਂ ਅਨੁਸਾਰ ਸਾਮੀ 7 ਵਜ ਕੇ 3 ਮਿੰਟ 55 ਸੈਕਿੰਡ ਤੇ ਸ਼ੁਰੂ ਹੇਵੇਗਾ ਅਤੇ 15 ਦਸੰਬਰ ਨੂੰ ਰਾਤੀਂ 23 ਵਜ ਕੇ 3 ਮਿੰਟ ਤੇ ਖਤਮ ਹੋਵੇਗਾ। ਇਹ ਗ੍ਰਹਿਣ ਮੱਧ ਅਤੇ ਦੱਖਣੀ ਅਮਰੀਕਾ, ਦੱਖਣੀ ਅਫਰੀਕਾ, ਨਾਮਿਬਯਾ, ਦੱਖਣੀ ਅਫਰੀਕਾ, ਅੰਗੋਲਾ, ਬੋਤਸਵਾਨਾ, ਪ੍ਰਸ਼ਾਂਤ ਅਤੇ ਹਿੰਦ ਮਹਾਂਸਾਗਰ ਵਿਚ ਦਿਖਾਈ ਦੇਵੇਗਾ, ਪਰ ਇਹ ਗ੍ਰਹਿਣ ਭਾਰਤ ਵਿਚ ਦਿਖਾਈ ਨਹੀਂ ਦੇਵੇਗਾ। ਇਸ ਦੌਰਾਨ ਪੰਡਿਤ ਸ਼ਿਵ ਕੁਮਾਰ ਸ਼ਰਮਾ ਨੇ ਕਿਹਾ ਕਿ ਭਾਰਤ ਵਿੱਚ ਇਹ ਗ੍ਰਹਿਣ ਧਾਰਮਿਕ ਨਜ਼ਰੀਏ ਤੋਂ ਮਾਨਤਾ ਨਹੀਂ ਹੈ, ਜਿਸ ਕਾਰਣ ਇਸਦਾ ਸੂਤਕ ਵੀ ਨਹੀਂ ਲੱਗੇਗਾ ਅਤੇ ਨਾ ਹੀ ਕਿਸੇ ਕਿਸਮ ਦਾ ਯਮ ਨਿਯਮ ਬਣਾਉਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਕਿਹਾ ਕਿ ਇਹ ਗ੍ਰਹਿਣ ਕਿਸੇ ਵੀ ਰਾਸ਼ੀ ਨੂੰ ਸ਼ੁਭ ਅਤੇ ਅਸ਼ੁੱਭ ਰੂਪ ਵਿੱਚ ਪ੍ਰਭਾਵਤ ਨਹੀਂ ਕਰੇਗਾ। ਉਨ੍ਹਾਂ ਕਿਹਾ ਕਿ ਸ਼ਾਸਤਰਾਂ ਵਿਚ ਲਿਖਿਆ ਹੈ ਕਿ ਜਿਸ ਦੇਸ਼ ਵਿਚ ਗ੍ਰਹਿਣ ਨਜ਼ਰ ਨਹੀਂ ਆਉਂਦਾ, ਉਸ ਦੇਸ਼ ਵਿਚ ਇਸ ਦੀ ਕੋਈ ਧਾਰਮਿਕ ਮਹੱਤਤਾ ਅਤੇ ਗ੍ਰਹਿਣ ਪ੍ਰਭਾਵ ਨਹੀਂ ਹੁੰਦਾ।
