ਭਾਰਤ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਜ਼ਹੀਰ ਖਾਨ ਚੇਨਈ ਸੁਪਰ ਕਿੰਗਜ਼ ਦੇ Head Coach ਨਿਯੁਕਤ
ਚੇਨਈ, 21 ਸਤੰਬਰ (ਵਿਸ਼ਵ ਵਾਰਤਾ) : ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੀ ਪੰਜ ਵਾਰ ਦੀ ਚੈਂਪੀਅਨ ਟੀਮ, ਚੇਨਈ ਸੁਪਰ ਕਿੰਗਜ਼ (CSK) ਨੇ ਸੋਮਵਾਰ ਨੂੰ ਭਾਰਤ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਜ਼ਹੀਰ ਖਾਨ ਨੂੰ 2027 ਸੀਜ਼ਨ ਲਈ ਆਪਣਾ ਨਵਾਂ ਮੁੱਖ ਕੋਚ ਨਿਯੁਕਤ ਕੀਤਾ।
ਜ਼ਹੀਰ ਨੇ ਸਟੀਫਨ ਫਲੇਮਿੰਗ ਦੀ ਜਗ੍ਹਾ ਲਈ ਹੈ, ਜਿਨ੍ਹਾਂ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਅਸਤੀਫਾ ਦੇ ਦਿੱਤਾ ਸੀ ਜਦੋਂ ਟੀਮ ਲਗਾਤਾਰ ਤੀਜੀ ਵਾਰ ਪਲੇਅ-ਆਫ ਵਿੱਚ ਪਹੁੰਚਣ ਵਿੱਚ ਅਸਫਲ ਰਹੀ ਸੀ। ਫਰੈਂਚਾਇਜ਼ੀ ਵੱਲੋਂ ਸੋਮਵਾਰ ਨੂੰ ਜਾਰੀ ਬਿਆਨ ਵਿੱਚ ਜ਼ਹੀਰ ਨੇ ਕਿਹਾ, “IPL ਦੇ ਇਤਿਹਾਸ ਦੀਆਂ ਸਭ ਤੋਂ ਸਫਲ ਟੀਮਾਂ ਵਿੱਚੋਂ ਇੱਕ ਦਾ ਹਿੱਸਾ ਬਣਨਾ ਮਾਣ ਵਾਲੀ ਗੱਲ ਹੈ। ਇੱਕ ਕ੍ਰਿਕਟਰ ਵਜੋਂ, ਮੈਂ ਮੈਦਾਨ ‘ਤੇ CSK ਦਾ ਸਾਹਮਣਾ ਕੀਤਾ ਹੈ ਅਤੇ ਉਨ੍ਹਾਂ ਮੁਕਾਬਲਿਆਂ ਦਾ ਪੂਰਾ ਆਨੰਦ ਲਿਆ ਹੈ। ਚੇਪੌਕ ਵਿਖੇ ‘ਸੁਪਰਫੈਨਜ਼’ (Superfans) ਦੁਆਰਾ ਬਣਾਇਆ ਗਿਆ ਮਾਹੌਲ ਇਸ ਨੂੰ ਹੋਰ ਵੀ ਖਾਸ ਬਣਾਉਂਦਾ ਹੈ। ਮੈਂ ਇੰਨੇ ਸ਼ਾਨਦਾਰ ਇਤਿਹਾਸ ਵਾਲੀ ਇਸ ਪ੍ਰਮੁੱਖ ਫਰੈਂਚਾਇਜ਼ੀ ਨਾਲ ਜੁੜਨ ਲਈ ਬਹੁਤ ਉਤਸੁਕ ਹਾਂ।”
ਆਪਣੇ 14 ਸਾਲਾਂ ਦੇ ਸ਼ਾਨਦਾਰ ਅੰਤਰਰਾਸ਼ਟਰੀ ਕਰੀਅਰ ਦੌਰਾਨ, ਜ਼ਹੀਰ ਨੇ 92 ਟੈਸਟ, 200 ਵਨਡੇ ਅਤੇ 17 ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ ਅਤੇ ਸਾਰੇ ਫਾਰਮੈਟਾਂ ਵਿੱਚ ਕੁੱਲ 610 ਵਿਕਟਾਂ ਹਾਸਲ ਕੀਤੀਆਂ। IPL ਵਿੱਚ, ਖੱਬੇ ਹੱਥ ਦੇ ਇਸ ਤਜਰਬੇਕਾਰ ਗੇਂਦਬਾਜ਼ ਨੇ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ, ਮੁੰਬਈ ਇੰਡੀਅਨਜ਼ ਅਤੇ ਦਿੱਲੀ ਕੈਪੀਟਲਜ਼ ਲਈ ਖੇਡਿਆ ਅਤੇ 100 ਮੈਚਾਂ ਵਿੱਚ 27.27 ਦੀ ਔਸਤ ਨਾਲ 102 ਵਿਕਟਾਂ ਲਈਆਂ।
ਜ਼ਹੀਰ, ਜੋ 2011 ਦੇ ਵਨਡੇ ਵਿਸ਼ਵ ਕੱਪ ਜਿੱਤਣ ਵਾਲੀ ਭਾਰਤੀ ਮੁਹਿੰਮ ਦੇ ਮੁੱਖ ਨਾਇਕਾਂ ਵਿੱਚੋਂ ਇੱਕ ਸਨ, CSK ਲਈ ਰਣਨੀਤਕ ਸੂਝ-ਬੂਝ ਅਤੇ ਕੋਚਿੰਗ ਦਾ ਭਰਪੂਰ ਤਜਰਬਾ IPL 2025 ਵਿੱਚ ਲਖਨਊ ਸੁਪਰ ਜਾਇੰਟਸ ਨਾਲ ਸਲਾਹਕਾਰ (ਮੈਂਟਰ) ਦੀ ਭੂਮਿਕਾ ਸੰਭਾਲਣ ਤੋਂ ਪਹਿਲਾਂ, ਉਹ ਮੁੰਬਈ ਇੰਡੀਅਨਜ਼ ਵਿੱਚ ‘ਡਾਇਰੈਕਟਰ ਆਫ਼ ਕ੍ਰਿਕਟ ਆਪਰੇਸ਼ਨਜ਼’ ਅਤੇ ‘ਹੈੱਡ ਆਫ਼ ਗਲੋਬਲ ਡਿਵੈਲਪਮੈਂਟ’ ਵਜੋਂ ਸੇਵਾਵਾਂ ਨਿਭਾ ਚੁੱਕੇ ਹਨ।
