WPL 2026: ਗੁਜਰਾਤ ਜਾਇੰਟਸ ਦੀ ਜੇਤੂ ਸ਼ੁਰੂਆਤ; ਯੂਪੀ ਵਾਰੀਅਰਜ਼ ਨੂੰ ਹਰਾਇਆ
ਨਵੀ ਦਿੱਲੀ, 10 ਜਨਵਰੀ 2026 (ਵਿਸ਼ਵ ਵਾਰਤਾ): ਮਹਿਲਾ ਪ੍ਰੀਮੀਅਰ ਲੀਗ (WPL) 2026 ਦੇ ਮੈਚ ਨੰਬਰ 2 ਵਿੱਚ, ਗੁਜਰਾਤ ਜਾਇੰਟਸ (GG) ਦਾ ਸਾਹਮਣਾ UP ਵਾਰੀਅਰਜ਼ (UPW) ਨਾਲ ਹੋਇਆ। ਗੁਜਰਾਤ ਜਾਇੰਟਸ ਟੀਮ ਨੇ ਇਸ ਸੀਜ਼ਨ ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ ਹੈ। ਨਵੀਂ ਮੁੰਬਈ ਦੇ ਡੀਵਾਈ ਪਾਟਿਲ ਸਪੋਰਟਸ ਅਕੈਡਮੀ ਵਿੱਚ ਹੋਏ ਇਸ ਮੈਚ ਵਿੱਚ ਗੁਜਰਾਤ ਜਾਇੰਟਸ ਨੇ ਯੂਪੀ ਵਾਰੀਅਰਜ਼ ਨੂੰ 10 ਦੌੜਾਂ ਨਾਲ ਹਰਾਇਆ। ਮੈਚ ਵਿੱਚ ਯੂਪੀ ਵਾਰੀਅਰਜ਼ ਨੂੰ ਜਿੱਤਣ ਲਈ 208 ਦੌੜਾਂ ਦਾ ਟੀਚਾ ਮਿਲਿਆ, ਪਰ ਉਹ ਨਿਰਧਾਰਤ 20 ਓਵਰਾਂ ਵਿੱਚ 8 ਵਿਕਟਾਂ ‘ਤੇ ਸਿਰਫ਼ 197 ਦੌੜਾਂ ਹੀ ਬਣਾ ਸਕੇ।
ਟਾਸ ਹਾਰਨ ਤੋਂ ਬਾਅਦ ਬੱਲੇਬਾਜ਼ੀ ਕਰਦੇ ਹੋਏ ਗੁਜਰਾਤ ਨੇ 20 ਓਵਰਾਂ ਵਿੱਚ 4 ਵਿਕਟਾਂ ‘ਤੇ 207 ਦੌੜਾਂ ਬਣਾਈਆਂ, ਜੋ ਉਨ੍ਹਾਂ ਦਾ ਸਭ ਤੋਂ ਵੱਧ ਸਕੋਰ ਸੀ। ਕਪਤਾਨ ਐਸ਼ਲੇ ਗਾਰਡਨਰ ਨੇ 65 ਅਤੇ ਅਨੁਸ਼ਕਾ ਸ਼ਰਮਾ ਨੇ 44 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ 103 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਸੋਫੀ ਡੇਵਾਈਨ 38 ਦੌੜਾਂ ਬਣਾ ਕੇ ਆਊਟ ਹੋ ਗਈ।
ਦੋਵਾਂ ਟੀਮਾਂ ਦੇ ਪਲੇਇੰਗ-11
ਗੁਜਰਾਤ ਜਾਇੰਟਸ: ਐਸ਼ਲੇ ਗਾਰਡਨਰ (ਕਪਤਾਨ), ਬੇਥ ਮੂਨੀ, ਸੋਫੀ ਡੇਵਾਈਨ, ਜਾਰਜੀਆ ਵਾਰੇਹਮ, ਅਨੁਸ਼ਕਾ ਸ਼ਰਮਾ, ਭਾਰਤੀ ਫੁਲਮਾਲੀ, ਕਨਿਕਾ ਅਹੂਜਾ, ਕਸ਼ਵੀ ਗੌਤਮ, ਤਨੁਜਾ ਕੰਵਰ, ਰਾਜੇਸ਼ਵਰੀ ਗਾਇਕਵਾੜ, ਰੇਣੁਕਾ ਸਿੰਘ ਠਾਕੁਰ।
ਯੂਪੀ ਵਾਰੀਅਰਜ਼: ਮੇਗ ਲੈਨਿੰਗ (ਕਪਤਾਨ), ਡਿਆਂਡਰਾ ਡੌਟਿਨ, ਫੋਬੀ ਲਿਚਫੀਲਡ, ਕਿਰਨ ਨਵਗੀਰੇ, ਹਰਲੀਨ ਦਿਓਲ, ਦੀਪਤੀ ਸ਼ਰਮਾ, ਸ਼ਵੇਤਾ ਸਹਿਰਾਵਤ, ਸੋਫੀ ਏਕਲਸਟੋਨ, ਆਸ਼ਾ ਸੋਭਨਾ, ਸ਼ਿਖਾ ਪਾਂਡੇ, ਕ੍ਰਾਂਤੀ ਗੌਰ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
