White House ਦੀ ਪ੍ਰੈੱਸ ਸਕੱਤਰ ਕੈਰੋਲਿਨ ਲੇਵਿਟ ਬਣੀ ਮਾਂ; ਧੀ ਨਾਲ ਫੋਟੋ ਕੀਤੀ ਸਾਂਝੀ
– ਇਰਾਨ ਨੇ ਵਧਾਈ ਸੰਦੇਸ਼ ਰਾਹੀਂ ਯਾਦ ਕਰਵਾਇਆ ਮੀਨਾਬ ਦੇ ਸਕੂਲ ‘ਤੇ ਹੋਇਆ ਹਮਲਾ!
ਅਮਰੀਕਾ, 10 ਮਈ 2026 (ਵਿਸ਼ਵ ਵਾਰਤਾ)– ਈਰਾਨ ਨੇ ਵ੍ਹਾਈਟ ਹਾਊਸ ਦੀ ਪ੍ਰੈੱਸ ਸਕੱਤਰ ਕੈਰੋਲਿਨ ਲੇਵਿਟ ਨੂੰ ਉਨ੍ਹਾਂ ਦੀ ਬੇਟੀ ਦੇ ਜਨਮ ‘ਤੇ ਵਧਾਈ ਦਿੱਤੀ ਹੈ। ਲੇਵਿਟ ਨੇ ਬੀਤੇ ਦਿਨੀ ਦੱਸਿਆ ਸੀ ਕਿ ਉਹ ਮਾਂ ਬਣ ਗਈ ਹੈ ਅਤੇ ਉਸ ਨੇ ਇਕ ਬੇਟੀ ਨੂੰ ਜਨਮ ਦਿੱਤਾ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੀ ਬੇਟੀ ਦੀ ਤਸਵੀਰ ਸਾਂਝੀ ਕਰਕੇ ਆਪਣੀ ਖ਼ੁਸ਼ੀ ਦਾ ਇਜ਼ਹਾਰ ਕੀਤਾ ਸੀ।
ਲੇਵਿਟ ਨੂੰ ਵਧਾਈ ਦਿੰਦੇ ਹੋਏ ਆਰਮੇਨੀਆ ਸਥਿਤ ਈਰਾਨੀ ਦੂਤਾਵਾਸ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘X’ ‘ਤੇ ਇਕ ਬਹੁਤ ਹੀ ਸਖ਼ਤ ਸੰਦੇਸ਼ ਪੋਸਟ ਕੀਤਾ ਹੈ। ਆਰਮੇਨੀਆ ਸਥਿਤ ਈਰਾਨੀ ਦੂਤਾਵਾਸ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ ਕਿ, “ਤੁਹਾਨੂੰ ਬਹੁਤ-ਬਹੁਤ ਵਧਾਈ। ਬੱਚੇ ਮਾਸੂਮ ਅਤੇ ਪਿਆਰੇ ਹੁੰਦੇ ਹਨ। ਪਰ ਉਹ 168 ਬੱਚੇ ਵੀ ਤੁਹਾਡੇ ਬੱਚੇ ਵਾਂਗ ਹੀ ਮਾਸੂਮ ਸਨ। ਜਿਨ੍ਹਾਂ ਨੂੰ ਤੁਹਾਡੇ ਬੌਸ (ਅਮਰੀਕੀ ਰਾਸ਼ਟਰਪਤੀ) ਨੇ ਮੀਨਾਬ ਦੇ ਸਕੂਲ ਵਿੱਚ ਮਾਰ ਦਿੱਤਾ ਅਤੇ ਤੁਸੀਂ ਉਸ ਹਮਲੇ ਨੂੰ ਜਾਇਜ਼ ਠਹਿਰਾਇਆ ਸੀ। ਜਦੋਂ ਤੁਸੀਂ ਆਪਣੇ ਬੱਚੇ ਨੂੰ ਚੁੰਮਦੇ ਹੋ, ਤਾਂ ਉਨ੍ਹਾਂ ਬੱਚਿਆਂ ਦੀਆਂ ਮਾਵਾਂ ਬਾਰੇ ਵੀ ਜ਼ਰੂਰ ਸੋਚਿਓ।”
ਈਰਾਨ ਦਾ ਦੋਸ਼ ਹੈ ਕਿ ਲੇਵਿਟ ਨੇ ਉਸ ਹਮਲੇ ਨੂੰ ਸਹੀ ਠਹਿਰਾਇਆ ਸੀ। ਦੱਸ ਦਈਏ ਕਿ ਮੀਨਾਬ ਦੇ ਉਸ ਸਕੂਲ ‘ਤੇ ਹੋਏ ਹਮਲੇ ਵਿੱਚ 73 ਲੜਕੇ ਅਤੇ 47 ਲੜਕੀਆਂ ਦੀ ਮੌਤ ਹੋਈ ਸੀ। ਸਥਾਨਕ ਮੀਡੀਆ ਅਨੁਸਾਰ, ਹਮਲੇ ਵਿੱਚ ਕੁੱਲ 168 ਲੋਕ ਮਾਰੇ ਗਏ ਸਨ, ਜਿਨ੍ਹਾਂ ਵਿੱਚ 26 ਅਧਿਆਪਕ, 7 ਮਾਪੇ ਅਤੇ ਇੱਕ ਬੱਸ ਡਰਾਈਵਰ ਵੀ ਸ਼ਾਮਲ ਸੀ। ਇਹ ਹਮਲਾ ਉਸ ਸਮੇਂ ਹੋਇਆ ਸੀ ਜਦੋਂ ਅਮਰੀਕਾ ਅਤੇ ਇਸਰਾਈਲ ਨੇ ਈਰਾਨ ਵਿਰੁੱਧ ਫੌਜੀ ਕਾਰਵਾਈ ਕੀਤੀ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
