ਹੁਣ 24 ਘੰਟਿਆਂ ਬਾਅਦ ਗਾਇਬ ਨਹੀਂ ਹੋਵੇਗਾ Whatsapp ਸਟੇਟਸ!
– ਜਾਣੋ ਕਿਵੇਂ ਕੰਮ ਕਰੇਗਾ ਵਟਸਐਪ ਦਾ ਇਹ ਨਵਾਂ ਤੇ ਖਾਸ ਆਰਕਾਈਵ ਫੀਚਰ
ਚੰਡੀਗੜ੍ਹ, 11 ਜੂਨ 2026 (ਵਿਸ਼ਵ ਵਾਰਤਾ) : ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਆਪਣੇ ਯੂਜ਼ਰਸ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਨਵੇਂ-ਨਵੇਂ ਫੀਚਰਸ ਲਿਆਉਂਦਾ ਰਹਿੰਦਾ ਹੈ। ਹੁਣ ਕੰਪਨੀ ਇੱਕ ਅਜਿਹਾ ਫੀਚਰ ਲਿਆਉਣ ਦੀ ਤਿਆਰੀ ਵਿੱਚ ਹੈ, ਜੋ ਖ਼ਾਸ ਕਰਕੇ ਸਟੇਟਸ ਲਗਾਉਣ ਵਾਲਿਆਂ ਲਈ ਹੈ।
ਅਜੇ ਤੱਕ ਜੇਕਰ ਤੁਸੀਂ ਕੋਈ ਬਹੁਤ ਹੀ ਫੋਟੋ ਜਾਂ ਵੀਡੀਓ ਵਟਸਐਪ ਸਟੇਟਸ ‘ਤੇ ਲਗਾਉਂਦੇ ਹੋ, ਤਾਂ ਉਹ 24 ਘੰਟਿਆਂ ਬਾਅਦ ਗਾਇਬ ਹੋ ਜਾਂਦਾ ਹੈ, ਜਿਸ ਤੋਂ ਬਾਅਦ ਉਸਦਾ ਕੋਈ ਬੈਕਅੱਪ ਵੀ ਨਹੀਂ ਬਚਦਾ। ਯੂਜ਼ਰਸ ਦੀ ਇਸੇ ਮੁਸ਼ਕਲ ਨੂੰ ਦੂਰ ਕਰਨ ਲਈ ਵਟਸਐਪ ਹੁਣ ਤੱਕ ਦਾ ਸਭ ਤੋਂ ਵੱਡਾ ਅਤੇ ਧਮਾਕੇਦਾਰ ਅਪਡੇਟ ਲੈ ਕੇ ਆ ਰਿਹਾ ਹੈ। ਹੁਣ ਤੁਹਾਡਾ ਸਟੇਟਸ 24 ਘੰਟਿਆਂ ਬਾਅਦ ਪੂਰੀ ਤਰ੍ਹਾਂ ਗਾਇਬ ਨਹੀਂ ਹੋਵੇਗਾ, ਬਲਕਿ ਹਮੇਸ਼ਾ ਲਈ ਤੁਹਾਡੇ ਕੋਲ ਸੇਵ ਰਹੇਗਾ।
ਨਵੇਂ ਫੀਚਰ ਦੇ ਆਉਣ ਤੋਂ ਬਾਅਦ ਸਭ ਕੁਝ ਬਦਲਣ ਵਾਲਾ ਹੈ, ਵਟਸਐਪ ਦੇ ਇਸ ਨਵੇਂ ਫੀਚਰ ਦੀ ਵਰਤੋਂ ਕਰਨ ਲਈ ਯੂਜ਼ਰ ਨੂੰ ਸਭ ਤੋਂ ਪਹਿਲਾਂ ਵਟਸਐਪ ਦੀ ਸੈਟਿੰਗ ਵਿੱਚ ਜਾਣਾ ਪਵੇਗਾ।
ਜਿਵੇਂ ਹੀ ਤੁਹਾਡੇ ਸਟੇਟਸ ਦੇ 24 ਘੰਟੇ ਪੂਰੇ ਹੋਣਗੇ, ਉਹ ਆਪਣੇ-ਆਪ ਡਿਲੀਟ ਹੋਣ ਦੀ ਬਜਾਏ ਇੱਕ ਪ੍ਰਾਈਵੇਟ ਆਰਕਾਈਵ (Archive) ਫੋਲਡਰ ਵਿੱਚ ਚਲਾ ਜਾਵੇਗਾ। ਇਸ ਆਰਕਾਈਵ ਫੋਲਡਰ ਨੂੰ ਸਿਰਫ਼ ਤੁਸੀਂ ਹੀ ਦੇਖ ਸਕੋਗੇ। ਇਸਦਾ ਐਕਸੈਸ ਦੂਜਿਆਂ ਕੋਲ ਨਹੀਂ ਹੋਵੇਗਾ। ਤੁਸੀਂ ਜਦੋਂ ਚਾਹੋ ਇਸ ਫੋਲਡਰ ਵਿੱਚ ਜਾ ਕੇ ਆਪਣੇ ਪੁਰਾਣੇ ਸਟੇਟਸ ਨੂੰ ਫਿਰ ਤੋਂ ਦੇਖ ਸਕਦੇ ਹੋ, ਉਸ ਨੂੰ ਆਰਗੇਨਾਈਜ਼ ਕਰ ਸਕਦੇ ਹੋ ਜਾਂ ਫਿਰ ਤੋਂ ਰੀ-ਪੋਸਟ ਕਰ ਸਕਦੇ ਹੋ।
ਇਸ ਨਵੇਂ ਫ਼ੀਚਰ ਲਈ ਤੁਹਾਨੂੰ ਵਟਸਐਪ ਦੀ ਸੈਟਿੰਗ ਵਿੱਚ ‘ਸਟੋਰੇਜ ਐਂਡ ਡੇਟਾ’ ਦੇ ਆਪਸ਼ਨ ‘ਤੇ ਕਲਿੱਕ ਕਰਨਾ ਹੋਵੇਗਾ। ਇੱਥੇ ਹੀ ਇਸ ਫੀਚਰ ਨੂੰ ਆਨ (ਚਾਲੂ) ਕਰਨ ਦਾ ਆਪਸ਼ਨ ਮਿਲੇਗਾ। ਫੀਚਰ ਆਨ ਹੋਣ ਤੋਂ ਬਾਅਦ ਆਰਕਾਈਵ ਕੀਤੇ ਗਏ ਸਟੇਟਸ ਨੂੰ ‘ਅਪਡੇਟਸ’ ਟੈਬ ਦੇ ਅੰਦਰ ‘ਸਟੇਟਸ ਆਰਕਾਈਵ’ (Status Archive) ਮੇਨੂ ਵਿੱਚ ਜਾ ਕੇ ਦੇਖਿਆ ਜਾ ਸਕੇਗਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
