West Bengal Election : ਪੱਛਮੀ ਬੰਗਾਲ ‘ਚ 15 ਬੂਥਾਂ ‘ਤੇ ਭਲਕੇ ਮੁੜ ਹੋਵੇਗੀ ਵੋਟਿੰਗ
– ਜਾਣੋ ਕਿਉਂ ਲਿਆ ਚੋਣ ਕਮਿਸ਼ਨ ਨੇ ਇਹ ਵੱਡਾ ਫੈਸਲਾ
ਨਵੀ ਦਿੱਲੀ, 1 ਮਈ 2026 (ਵਿਸ਼ਵ ਵਾਰਤਾ): ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ 2026 ਦੇ ਦੂਜੇ ਪੜਾਅ ਵਿੱਚ ਕੁਝ ਥਾਵਾਂ ‘ਤੇ ਈਵੀਐਮ ਨਾਲ ਛੇੜਛਾੜ ਦੀਆਂ ਘਟਨਾਵਾਂ ‘ਤੇ ਚੋਣ ਕਮਿਸ਼ਨ ਨੇ ਸਖ਼ਤ ਰੁਖ ਅਖਤਿਆਰ ਕੀਤਾ ਹੈ। ਪੱਛਮੀ ਬੰਗਾਲ ਵਿੱਚ 2 ਮਈ ਨੂੰ 15 ਬੂਥਾਂ ‘ਤੇ ਮੁੜ ਵੋਟਾਂ ਪਵਾਈਆਂ ਜਾਣਗੀਆਂ। ਚੋਣ ਕਮਿਸ਼ਨ ਨੇ ਦੱਸਿਆ ਕਿ ਦੱਖਣੀ 24 ਪਰਗਨਾ ਦੇ ਮਗਰਾਹਾਟ ਪੱਛਮੀ ਵਿਧਾਨ ਸਭਾ ਹਲਕੇ ਦੇ 11 ਬੂਥਾਂ ਅਤੇ ਡਾਇਮੰਡ ਹਾਰਬਰ ਵਿਧਾਨ ਸਭਾ ਹਲਕੇ ਦੇ 4 ਬੂਥਾਂ ‘ਤੇ 2 ਮਈ ਨੂੰ ਦੁਬਾਰਾ ਵੋਟਿੰਗ ਹੋਵੇਗੀ।
ਚੋਣ ਕਮਿਸ਼ਨ ਅਨੁਸਾਰ, ਮਗਰਾਹਾਟ ਪੱਛਮੀ ਅਤੇ ਡਾਇਮੰਡ ਹਾਰਬਰ ਦੇ ਰਿਟਰਨਿੰਗ ਅਫ਼ਸਰਾਂ ਅਤੇ ਆਬਜ਼ਰਵਰਾਂ ਤੋਂ ਮਿਲੀਆਂ ਰਿਪੋਰਟਾਂ ਦੇ ਆਧਾਰ ‘ਤੇ ਇਨ੍ਹਾਂ 15 ਬੂਥਾਂ ‘ਤੇ ਮੁੜ ਵੋਟਾਂ ਕਰਵਾਉਣ ਦਾ ਫੈਸਲਾ ਲਿਆ ਗਿਆ ਹੈ। ਵੋਟਿੰਗ ਸਵੇਰੇ 7 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਹੋਵੇਗੀ।
ਦਰਅਸਲ ਚੋਣਾਂ ਦੇ ਦੂਜੇ ਪੜਾਅ ਦੌਰਾਨ ਕਈ ਬੂਥਾਂ ‘ਤੇ ਇਲੈਕਟ੍ਰਾਨਿਕ ਵੋਟਿੰਗ ਮਸ਼ੀਨ (EVM) ਨਾਲ ਛੇੜਛਾੜ ਦੇ ਦੋਸ਼ ਸਾਹਮਣੇ ਆਏ ਸਨ। ਈਵੀਐਮ ਵਿੱਚ ਛੇੜਛਾੜ ਦੇ ਦੋਸ਼ਾਂ ਤੋਂ ਇਲਾਵਾ ਇਹ ਸ਼ਿਕਾਇਤਾਂ ਵੀ ਮਿਲੀਆਂ ਸਨ ਕਿ ਕਈ ਬੂਥਾਂ ਵਿੱਚ ਵੋਟਰ ਆਪਣੇ ਨਾਲ ਮੋਬਾਈਲ ਫ਼ੋਨ ਅੰਦਰ ਲੈ ਗਏ ਅਤੇ ਵੋਟਿੰਗ ਦੌਰਾਨ ਤਸਵੀਰਾਂ ਅਤੇ ਰੀਲਜ਼ ਵੀਡੀਓਜ਼ ਬਣਾਈਆਂ। ਕਮਿਸ਼ਨ ਨੇ ਇਹਨਾਂ ਮਾਮਲਿਆਂ ਦੀ ਵੀ ਪੂਰੀ ਤਰ੍ਹਾਂ ਜਾਂਚ ਕੀਤੀ। ਇਹਨਾਂ ਵੱਖ-ਵੱਖ ਸ਼ਿਕਾਇਤਾਂ ਦੇ ਆਧਾਰ ‘ਤੇ ਕਮਿਸ਼ਨ ਨੇ ਇਹਨਾਂ ਖਾਸ ਬੂਥਾਂ ‘ਤੇ ਦੁਬਾਰਾ ਚੋਣਾਂ ਕਰਵਾਉਣ ਦਾ ਫੈਸਲਾ ਕੀਤਾ ਹੈ।
ਮਗਰਾਹਾਟ ਪੱਛਮੀ ਵਿਧਾਨ ਸਭਾ ਹਲਕੇ ਦੇ ਇਹਨਾਂ ਬੂਥਾਂ ‘ਤੇ ਹੋਵੇਗੀ ਮੁੜ ਵੋਟਿੰਗ:
46-ਉੱਤਰ ਯੇਅਰਪੁਰ ਐਫ.ਪੀ. ਸਕੂਲ, ਕਮਰਾ ਨੰ. 2
126-ਨਜਰਾ ਐਫ.ਪੀ. ਸਕੂਲ, ਕਮਰਾ ਨੰ. 1
127-ਨਜਰਾ ਐਫ.ਪੀ. ਸਕੂਲ, ਕਮਰਾ ਨੰ. 2
128-ਦੇਉਲਾ ਐਫ.ਪੀ. ਸਕੂਲ, ਕਮਰਾ ਨੰ. 1
142-ਘੋਲਾ ਨਯਾਪਾਰਾ ਗਰਲਜ਼ ਹਾਈ ਮਦਰਸਾ, ਕਮਰਾ ਨੰ. 2
214-ਏਕਤਾਰਾ ਮਾਲਯ ਐਫ.ਪੀ. ਸਕੂਲ, ਕਮਰਾ ਨੰ. 1
215-ਏਕਤਾਰਾ ਮਾਲਯ ਐਫ.ਪੀ. ਸਕੂਲ, ਕਮਰਾ ਨੰ. 2
216-ਏਕਤਾਰਾ ਮਾਲਯ ਧੋੜਾ ਐਫ.ਪੀ. ਸਕੂਲ, ਕਮਰਾ ਨੰ. 1
230-ਬਾਹਿਰਪੁਰ ਕੁਰਕੁਰੀਆ ਐਫ.ਪੀ. ਸਕੂਲ, ਕਮਰਾ ਨੰ. 1
231-ਬਾਹਿਰਪੁਰ ਕੁਰਕੁਰੀਆ ਐਫ.ਪੀ. ਸਕੂਲ, ਕਮਰਾ ਨੰ. 2
232-ਬਾਹਿਰਪੁਰ ਕੁਰਕੁਰੀਆ ਐਫ.ਪੀ. ਸਕੂਲ, ਕਮਰਾ ਨੰ. 3
ਡਾਇਮੰਡ ਹਾਰਬਰ ਵਿਧਾਨ ਸਭਾ ਹਲਕੇ ਦੇ ਇਹਨਾਂ ਬੂਥਾਂ ‘ਤੇ ਹੋਵੇਗੀ ਮੁੜ ਵੋਟਿੰਗ:
117-ਬਾਗਦਾ ਜੂਨੀਅਰ ਹਾਈ ਸਕੂਲ
179-ਚੰਦਾ ਐਫ.ਪੀ. ਸਕੂਲ, ਕਮਰਾ ਨੰ. 2
194-ਹੈਂਡੇਯਪੁਰ ਐਫ.ਪੀ. ਸਕੂਲ
243-ਰਾਇਨਗਰ ਐਫ.ਪੀ. ਸਕੂਲ (ਕਮਰਾ ਨੰ. 2)
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
