West Bengal: ਚੋਣ ਪ੍ਰਚਾਰ ਦੌਰਾਨ ਅਚਾਨਕ ਸੜਕ ਕਿਨਾਰੇ ਦੁਕਾਨ ‘ਤੇ ਰੁਕੇ ਪੀਐਮ ਮੋਦੀ
– ਚੱਖਿਆ ‘ਝਾਲਮੁੜੀ’ ਦਾ ਸੁਆਦ
ਨਵੀ ਦਿੱਲੀ, 19 ਅਪ੍ਰੈਲ 2026 (ਵਿਸ਼ਵ ਵਾਰਤਾ) : ਪੀਐਮ ਮੋਦੀ ਅੱਜ ਪੱਛਮੀ ਬੰਗਾਲ ਦੇ ਦੌਰੇ ‘ਤੇ ਸਨ। ਝਾੜਗਰਾਮ ਵਿੱਚ ਉਨ੍ਹਾਂ ਨੇ ਰੈਲੀ ਕੀਤੀ। ਇਸ ਦੌਰਾਨ ਰਸਤੇ ਵਿੱਚ ਉਹ ਇੱਕ ਦੁਕਾਨ ‘ਤੇ ਰੁਕੇ ਅਤੇ ਝਾਲਮੁੜੀ ਖਾਧੀ।
ਪੀਐਮ ਮੋਦੀ ਦਾ ਕਾਫਲਾ ਰੁਕਦੇ ਹੀ ਉੱਥੇ ਅਚਾਨਕ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋ ਗਈ। ਲੋਕਾਂ ਨੇ ‘ਜੈ ਸ਼੍ਰੀ ਰਾਮ’ ਦੇ ਨਾਅਰੇ ਲਗਾਉਣੇ ਸ਼ੁਰੂ ਕਰ ਦਿੱਤੇ। ਆਪਣੀ ਗੱਡੀ ਵਿੱਚੋਂ ਨਿਕਲ ਕੇ ਪੀਐਮ ਮੋਦੀ ਝਾਲਮੁੜੀ ਦੀ ਦੁਕਾਨ ‘ਤੇ ਗਏ। ਉੱਥੇ ਉਨ੍ਹਾਂ ਨੇ ਝਾਲਮੁੜੀ ਬਣਵਾਈ। ਝਾਲਮੁੜੀ ਬਣਾਉਂਦੇ ਸਮੇਂ ਦੁਕਾਨਦਾਰ ਨੇ ਪੁੱਛਿਆ ਕਿ ਕੀ ਤੁਸੀਂ ਪਿਆਜ਼ ਖਾਂਦੇ ਹੋ? ਪੀਐਮ ਨੇ ਜਵਾਬ ਦਿੱਤਾ- “ਹਾਂ ਪਿਆਜ਼ ਖਾਂਦਾ ਹਾਂ, ਪਰ ਦਿਮਾਗ ਨਹੀਂ।” ਇਹ ਸੁਣ ਕੇ ਦੁਕਾਨਦਾਰ ਹੱਸਣ ਲੱਗ ਪਿਆ।
ਇਸ ਦੌਰਾਨ ਪੀਐਮ ਨੇ ਮੌਕੇ ‘ਤੇ ਮੌਜੂਦ ਕੁਝ ਬੱਚਿਆਂ ਨੂੰ ਵੀ ਝਾਲਮੁੜੀ ਖੁਆਈ ਅਤੇ ਖੁਦ ਵੀ ਝਾਲਮੁੜੀ ਦਾ ਆਨੰਦ ਲਿਆ। ਪੀਐਮ ਨੇ ਦੁਕਾਨਦਾਰ ਨਾਲ ਇਸ ਮੁਲਾਕਾਤ ਦੀ ਲਗਭਗ 40 ਸੈਕਿੰਡ ਦੀ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸਾਂਝੀ ਕੀਤੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
