ਅਮਰੀਕਾ-ਈਰਾਨ ਤਣਾਅ ਵਿਚਾਲੇ ਭਾਰਤ ਲਈ ਰਾਹਤ! ਦੋ ਹੋਰ LPG ਜਹਾਜ਼ਾਂ ਨੇ ਸੁਰੱਖਿਅਤ ਪਾਰ ਕੀਤਾ ਹੋਮੁਰਜ਼ ਸਟ੍ਰੇਟ
ਨਵੀ ਦਿੱਲੀ, 14 ਮਈ 2026 (ਵਿਸ਼ਵ ਵਾਰਤਾ): ਅਮਰੀਕਾ-ਈਰਾਨ ਤਣਾਅ ਦੇ ਵਿਚਕਾਰ ਭਾਰਤ ਆ ਰਹੇ ਦੋ ਹੋਰ ਐਲ.ਪੀ.ਜੀ. ਜਹਾਜ਼ਾਂ ਨੇ ਹੋਮੁਰਜ਼ ਜਲਡਮਰੂ ਨੂੰ ਸਫਲਤਾਪੂਰਵਕ ਪਾਰ ਕਰ ਲਿਆ ਹੈ। ਕੇਂਦਰ ਸਰਕਾਰ ਨੇ ਕਿਹਾ ਹੈ ਕਿ ਭਾਰਤ ਲਈ LPG ਲੈ ਕੇ ਆ ਰਹੇ ਦੋ ਜਹਾਜ਼ ਸੁਰੱਖਿਅਤ ਤਰੀਕੇ ਨਾਲ ਹੋਮੁਰਜ਼ ਸਟ੍ਰੇਟ ਪਾਰ ਕਰ ਚੁੱਕੇ ਹਨ। ਬੰਦਰਗਾਹ, ਸ਼ਿਪਿੰਗ ਅਤੇ ਜਲ ਮਾਰਗ ਮੰਤਰਾਲੇ ਦੇ ਵਧੀਕ ਸਕੱਤਰ ਮੁਕੇਸ਼ ਮੰਗਲ ਨੇ ਦੱਸਿਆ ਕਿ ਦੋਵੇਂ ਜਹਾਜ਼ ਇੰਡੀਅਨ ਆਇਲ ਕਾਰਪੋਰੇਸ਼ਨ (IOC) ਦੇ ਤਾਲਮੇਲ ਨਾਲ ਚਲਾਏ ਜਾ ਰਹੇ ਸਨ।
ਮੀਡੀਆ ਰਿਪੋਰਟਸ ਮੁਤਾਬਿਕ ਪਹਿਲਾ ਜਹਾਜ਼ ਮਾਰਸ਼ਲ ਆਈਲੈਂਡਜ਼ ਦੇ ਝੰਡੇ ਵਾਲਾ LPG ਕੈਰੀਅਰ ਹੈ, ਜਿਸ ਵਿੱਚ ਲਗਭਗ 19,965 ਮੀਟ੍ਰਿਕ ਟਨ LPG ਹੈ। ਇਹ 13 ਮਈ ਨੂੰ ਹੋਮੁਰਜ਼ ਸਟ੍ਰੇਟ ਪਾਰ ਕਰ ਚੁੱਕਾ ਹੈ ਅਤੇ 16 ਮਈ ਨੂੰ ਕਾਂਡਲਾ ਬੰਦਰਗਾਹ ਪਹੁੰਚਣ ਦੀ ਉਮੀਦ ਹੈ।ਦੂਜਾ ਜਹਾਜ਼ ‘NV ਸਨਸ਼ਾਈਨ’ ਵੀਅਤਨਾਮ ਦੇ ਝੰਡੇ ਵਾਲਾ LPG ਕੈਰੀਅਰ ਹੈ। ਇਸ ਵਿੱਚ ਕਰੀਬ 46 ਹਜ਼ਾਰ ਮੀਟ੍ਰਿਕ ਟਨ LPG ਹੈ। ਇਹ 14 ਮਈ ਨੂੰ ਹੋਮੁਰਜ਼ ਸਟ੍ਰੇਟ ਪਾਰ ਕਰ ਚੁੱਕਾ ਹੈ ਅਤੇ 18 ਮਈ ਨੂੰ ਨਿਊ ਮੰਗਲੁਰੂ ਬੰਦਰਗਾਹ ਪਹੁੰਚ ਸਕਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
