Turkey : ਫੌਜੀ ਹੈਲੀਕਾਪਟਰ ਹਾਦਸੇ ਵਿੱਚ ਪੰਜ ਦੀ ਮੌਤ
ਅੰਕਾਰਾ, 10 ਦਸੰਬਰ (ਵਿਸ਼ਵ ਵਾਰਤਾ) : ਤੁਰਕੀ ਦੇ ਦੱਖਣ-ਪੱਛਮੀ ਇਸਪਾਰਤਾ ਸੂਬੇ( Turkey’s southwest Isparta province) ਵਿਚ ਸੋਮਵਾਰ ਨੂੰ ਇਕ ਸਿਖਲਾਈ ਉਡਾਣ ਦੌਰਾਨ ਇਕ ਫੌਜੀ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਕਾਰਨ ਪੰਜ ਸੈਨਿਕਾਂ ਦੀ ਮੌਤ ਹੋ ਗਈ ਅਤੇ ਇਕ ਹੋਰ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਿਆ।ਇੱਕ ਸਮਾਚਾਰ ਏਜੰਸੀ ਨੇ ਸਥਾਨਕ ਪ੍ਰਸਾਰਕ ਐਨਟੀਵੀ ਦੇ ਹਵਾਲੇ ਨਾਲ ਦੱਸਿਆ ਕਿ ਸੂਬੇ ਦੇ ਗਵਰਨਰ ਅਬਦੁੱਲਾ ਏਰਿਨ ਨੇ ਕਿਹਾ ਕਿ ਬ੍ਰਿਗੇਡੀਅਰ ਜਨਰਲ ਈਸਾ ਬੇਦਿਲੀ, ਜੋ ਇਸਪਾਰਟਾ ਆਰਮੀ ਏਵੀਏਸ਼ਨ ਸਕੂਲ ਦਾ ਕਮਾਂਡਰ ਵੀ ਹੈ, ਮਾਰੇ ਗਏ ਲੋਕਾਂ ਵਿੱਚ ਸ਼ਾਮਲ ਹੈ। ਐਂਬੂਲੈਂਸਾਂ ਅਤੇ ਫਾਇਰਫਾਈਟਰਾਂ ਸਮੇਤ ਐਮਰਜੈਂਸੀ ਰਿਸਪਾਂਸ ਟੀਮਾਂ ਨੂੰ ਤੁਰੰਤ ਕੇਸੀਬੋਰਲੂ ਜ਼ਿਲੇ ਦੇ ਇੱਕ ਗੈਸ ਸਟੇਸ਼ਨ ਦੇ ਨੇੜੇ ਘਟਨਾ ਸਥਾਨ ਲਈ ਰਵਾਨਾ ਕੀਤਾ ਗਿਆ ਸੀ।
ਤੁਰਕੀ ਆਰਮਡ ਫੋਰਸਿਜ਼ ਦੇ ਬਿਆਨ ਦੇ ਅਨੁਸਾਰ, ਇੱਕ ਏਐਸ 532 ਕੂਗਰ ਕਿਸਮ ਦੇ ਹੈਲੀਕਾਪਟਰ ਨੇ 13 ਕਰਮਚਾਰੀਆਂ ਨੂੰ ਲੈ ਕੇ ਸੇਨੋਬਾ, ਸਿਰਨਾਕ ਵਿੱਚ ਇੱਕ ਫੌਜੀ ਕਮਾਂਡ ਤੋਂ ਉਡਾਣ ਭਰੀ। ਥੋੜ੍ਹੀ ਦੇਰ ਬਾਅਦ, ਹੈਲੀਕਾਪਟਰ ਇੱਕ ਹਾਈ-ਵੋਲਟੇਜ ਲਾਈਨ ਨਾਲ ਟਕਰਾ ਗਿਆ ਅਤੇ ਕਰੈਸ਼ ਹੋ ਗਿਆ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
