Tamil Nadu ‘ਚ ਨਵੀਂ ਸਰਕਾਰ ਦੇ ਗਠਨ ਤੋਂ ਬਾਅਦ ਵਿਭਾਗਾਂ ਦੀ ਵੰਡ
– ਮੁੱਖ ਮੰਤਰੀ ਵਿਜੇ ਨੇ ਆਪਣੇ ਕੋਲ ਰੱਖੇ ਸਭ ਤੋਂ ਵੱਧ ਅਤੇ ਅਹਿਮ ਮੰਤਰਾਲੇ
– ਕਿਸਨੂੰ ਮਿਲਿਆ ਕਿਹੜਾ ਵਿਭਾਗ?ਇਥੇ ਪੜ੍ਹੋ ਸਾਰੀ ਸੂਚੀ
ਨਵੀ ਦਿੱਲੀ, 16 ਮਈ 2026 (ਵਿਸ਼ਵ ਵਾਰਤਾ) : ਤਾਮਿਲਨਾਡੂ ਵਿੱਚ ਨਵੀਂ ਸਰਕਾਰ ਦੇ ਗਠਨ ਤੋਂ ਬਾਅਦ ਹੁਣ ਮੰਤਰੀਆਂ ਦੇ ਵਿਭਾਗਾਂ ਦੀ ਵੰਡ ਕਰ ਦਿੱਤੀ ਗਈ ਹੈ। ਸੂਬਾ ਸਕੱਤਰੇਤ ਲੋਕ ਭਵਨ ਵੱਲੋਂ ਜਾਰੀ ਅਧਿਕਾਰਤ ਸੂਚੀ ਅਨੁਸਾਰ, ਮੁੱਖ ਮੰਤਰੀ ਸੀ. ਜੋਸਫ਼ ਵਿਜੇ ਸਮੇਤ ਕੁੱਲ 10 ਮੰਤਰੀਆਂ ਨੂੰ ਉਨ੍ਹਾਂ ਦੇ ਮੰਤਰਾਲੇ ਸੌਂਪ ਦਿੱਤੇ ਗਏ ਹਨ। ਇਸ ਤੋਂ ਪਹਿਲਾਂ 10 ਮਈ ਨੂੰ ਟੀਵੀਕੇ ਮੁਖੀ ਅਤੇ ਅਦਾਕਾਰ ਤੋਂ ਨੇਤਾ ਬਣੇ ਸੀ. ਜੋਸਫ਼ ਵਿਜੇ ਨੇ ਤਾਮਿਲਨਾਡੂ ਦੇ ਨਵੇਂ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ ਸੀ।
ਮੁੱਖ ਮੰਤਰੀ ਸੀ. ਜੋਸਫ਼ ਵਿਜੇ ਕੋਲ ਪਬਲਿਕ/ਲੋਕ, ਜਨਰਲ ਐਡਮਿਨਿਸਟ੍ਰੇਸ਼ਨ/ਸਧਾਰਨ ਪ੍ਰਸ਼ਾਸਨ, ਭਾਰਤੀ ਪ੍ਰਸ਼ਾਸਨਿਕ ਸੇਵਾ (IAS), ਭਾਰਤੀ ਪੁਲਿਸ ਸੇਵਾ (IPS), ਭਾਰਤੀ ਵਣ ਸੇਵਾ (IFS), ਜ਼ਿਲ੍ਹਾ ਮਾਲ ਅਫ਼ਸਰ, ਪੁਲਿਸ, ਗ੍ਰਹਿ, ਵਿਸ਼ੇਸ਼ ਪ੍ਰੋਗਰਾਮ ਲਾਗੂਕਰਨ, ਮਹਿਲਾ ਭਲਾਈ, ਯੁਵਾ ਭਲਾਈ, ਬੱਚਿਆਂ, ਬਜ਼ੁਰਗਾਂ ਅਤੇ ਦਿਵਿਆਂਗ ਵਿਅਕਤੀਆਂ ਦੀ ਭਲਾਈ, ਨਗਰ ਨਿਗਮ ਪ੍ਰਸ਼ਾਸਨ, ਸ਼ਹਿਰੀ ਅਤੇ ਜਲ ਸਪਲਾਈ ਵਿਭਾਗ ਹੋਣਗੇ।
ਕਿਸਨੂੰ ਮਿਲਿਆ ਕਿਹੜਾ ਵਿਭਾਗ? ਪੂਰੀ ਸੂਚੀ –
ਐਨ. ਆਨੰਦ – ਪੇਂਡੂ ਵਿਕਾਸ ਅਤੇ ਜਲ ਸਰੋਤ ਮੰਤਰੀ।
ਆਧਵ ਅਰਜੁਨ – ਲੋਕ ਨਿਰਮਾਣ (PWD) ਅਤੇ ਖੇਡ ਵਿਕਾਸ ਮੰਤਰੀ।
ਡਾ. ਕੇ.ਜੀ. ਅਰੁਣਰਾਜ – ਸਿਹਤ, ਮੈਡੀਕਲ ਸਿੱਖਿਆ ਅਤੇ ਪਰਿਵਾਰ ਭਲਾਈ ਮੰਤਰੀ।
ਕੇ.ਏ. ਸੇਂਗੋਟੈਅਨ – ਵਿੱਤ ਮੰਤਰੀ।
ਪੀ. ਵੈਂਕਟਰਾਮਨਨ – ਖੁਰਾਕ ਅਤੇ ਨਾਗਰਿਕ ਸਪਲਾਈ ਮੰਤਰੀ।
ਆਰ. ਨਿਰਮਲਕੁਮਾਰ – ਊਰਜਾ ਸਰੋਤ ਅਤੇ ਕਾਨੂੰਨ ਮੰਤਰੀ।
ਰਾਜਮੋਹਨ – ਸਕੂਲੀ ਸਿੱਖਿਆ, ਤਾਮਿਲ ਵਿਕਾਸ, ਸੂਚਨਾ ਅਤੇ ਲੋਕ ਸੰਪਰਕ ਮੰਤਰੀ।
ਡਾ. ਟੀ.ਕੇ. ਪ੍ਰਭੂ – ਕੁਦਰਤੀ ਸਰੋਤ ਮੰਤਰੀ।
ਸੇਲਵੀ ਐਸ. ਕੀਰਤਨਾ – ਉਦਯੋਗ ਮੰਤਰੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
