T20 World Cup: ਆਇਰਲੈਂਡ ਨੇ ਓਮਾਨ ਨੂੰ ਹਰਾਇਆ
ਨਵੀਂ ਦਿੱਲੀ, 14 ਫਰਵਰੀ 2026 (ਵਿਸ਼ਵ ਵਾਰਤਾ) – ਆਈਸੀਸੀ ਟੀ-20 ਵਿਸ਼ਵ ਕੱਪ (T20 World Cup) ਦੇ 22ਵੇਂ ਮੈਚ ਵਿੱਚ, ਆਇਰਲੈਂਡ ਨੇ ਓਮਾਨ ਨੂੰ ਹਰ ਦਿੱਤਾ ਹੈ। ਓਮਾਨ ਨੇ ਕੋਲੰਬੋ ਦੇ ਸਿੰਹਲੀਜ਼ ਸਪੋਰਟਸ ਕਲੱਬ ਵਿੱਚ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਜੋ ਕਿ ਉਨ੍ਹਾਂ ਲਈ ਸਹੀ ਸਾਬਤ ਨਹੀਂ ਹੋਇਆ। ਆਇਰਲੈਂਡ ਨੇ 20 ਓਵਰਾਂ ਵਿੱਚ 5 ਵਿਕਟਾਂ ‘ਤੇ 235 ਦੌੜਾਂ ਬਣਾਈਆਂ ਅਤੇ 236 ਦੌੜਾਂ ਦਾ ਟੀਚਾ ਦਿੱਤਾ। ਜਵਾਬ ਵਿੱਚ, ਓਮਾਨ ਨੇ 18 ਓਵਰਾਂ ‘ਚ 139 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਅਤੇ ਆਇਰਲੈਂਡ ਨੇ ਇਹ ਮੈਚ 96 ਦੌੜਾਂ ਨਾਲ ਜਿੱਤ ਲਿਆ।
ਆਇਰਲੈਂਡ ਲਈ ਕਪਤਾਨ ਲੋਰਕਨ ਟਕਰ ਅਤੇ ਗੈਰੇਥ ਡੇਲਾਨੀ ਨੇ ਅਰਧ ਸੈਂਕੜੇ ਲਗਾਏ। ਟਕਰ ਨੇ 51 ਗੇਂਦਾਂ ‘ਤੇ ਅਜੇਤੂ 94 ਦੌੜਾਂ ਬਣਾਈਆਂ। ਡੇਲਾਨੀ ਨੇ 30 ਗੇਂਦਾਂ ‘ਤੇ 56 ਦੌੜਾਂ ਬਣਾਈਆਂ। ਜਾਰਜ ਡੌਕਰੇਲ ਨੇ ਆਖਰੀ ਓਵਰ ਵਿੱਚ ਲਗਾਤਾਰ ਤਿੰਨ ਛੱਕੇ ਮਾਰ ਕੇ ਸਿਰਫ਼ ਨੌਂ ਗੇਂਦਾਂ ‘ਤੇ ਅਜੇਤੂ 35 ਦੌੜਾਂ ਬਣਾਈਆਂ। ਓਮਾਨ ਲਈ ਸ਼ਕੀਲ ਅਹਿਮਦ ਨੇ ਤਿੰਨ ਵਿਕਟਾਂ ਲਈਆਂ। ਸ਼ਾਹ ਫੈਸਲ ਅਤੇ ਆਮਿਰ ਕਲੀਮ ਨੇ ਇੱਕ-ਇੱਕ ਵਿਕਟ ਲਈ।
ਓਮਾਨ ਵੱਲੋਂ ਓਪਨਰ ਆਮਿਰ ਕਲੀਮ ਨੇ 50 ਦੌੜਾਂ ਅਤੇ ਹਮਦ ਮਿਰਜ਼ਾ ਨੇ 46 ਦੌੜਾਂ ਦਾ ਯੋਗਦਾਨ ਦਿੱਤਾ। ਇਸ ਤੋਂ ਬਿਨਾਂ ਸਿਰਫ ਸੂਫ਼ਯਾਨ ਮਹਿਮੂਦ ਹੀ 10 ਬਣਾ ਸਕੇ ਹੋਰ ਕੋਈ ਵੀ ਬੱਲੇਬਾਜ਼ ਦਹਾਈ ਦੇ ਅੰਕੜੇ ਨੂੰ ਛੂਹ ਵੀ ਨਹੀਂ ਸਕਿਆ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
