Sports: ਪਹਿਲਵਾਨ ਵਿਨੇਸ਼ ਫੋਗਾਟ ਦੀਆਂ ਮੁਸ਼ਕਲਾਂ ਵਧੀਆਂ, ਨੋਟਿਸ ਹੋਇਆ ਜਾਰੀ
ਨਵੀਂ ਦਿੱਲੀ, 6 ਮਈ 2026 – ਭਾਰਤੀ ਪਹਿਲਵਾਨ ਵਿਨੇਸ਼ ਫੋਗਾਟ ਨੂੰ ਇੰਟਰਨੈਸ਼ਨਲ ਟੈਸਟਿੰਗ ਏਜੰਸੀ (ITA) ਨੇ ਦਸੰਬਰ 2025 ਵਿੱਚ ਡੋਪ ਟੈਸਟ ਤੋਂ ਖੁੰਝਣ ਲਈ ਨੋਟਿਸ ਜਾਰੀ ਕੀਤਾ ਹੈ। ਇਹ ਉਦੋਂ ਆਇਆ ਹੈ ਜਦੋਂ ਉਹ ਨੈਸ਼ਨਲ ਓਪਨ ਰੈਂਕਿੰਗ ਟੂਰਨਾਮੈਂਟ ਰਾਹੀਂ ਆਪਣੀ ਵਾਪਸੀ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਆਈਟੀਏ ਦੇ ਅਨੁਸਾਰ, ਡੋਪਿੰਗ ਕੰਟਰੋਲ ਅਫਸਰ (DCO) 18 ਦਸੰਬਰ, 2025 ਨੂੰ ਟੈਸਟਿੰਗ ਲਈ ਸਮੇਂ ਸਿਰ ਪਹੁੰਚ ਗਏ ਸੀ, ਪਰ ਉਹ ਵਿਨੇਸ਼ ਇਸ ਦੌਰਾਨ ਵਿਨੇਸ਼ ਨੂੰ ਲੋਕੇਟ ਨਹੀਂ ਕਰ ਸਕੇ। ਜਿਸ ਤੋਂ ਬਾਅਦ ਮਾਮਲੇ ਦੀ ਸਮੀਖਿਆ ਕਰਨ ਤੋਂ ਬਾਅਦ, 4 ਮਈ, 2026 ਨੂੰ ਉਸਨੂੰ ਇੱਕ ਅਧਿਕਾਰਤ ਨੋਟਿਸ ਭੇਜਿਆ ਗਿਆ।
ਨਿਯਮਾਂ ਦੇ ਅਨੁਸਾਰ, ਰਜਿਸਟਰਡ ਟੈਸਟਿੰਗ ਪੂਲ (RTP) ਵਿੱਚ ਸ਼ਾਮਲ ਐਥਲੀਟਾਂ ਨੂੰ ਬਿਨਾਂ ਕਿਸੇ ਪੂਰਵ ਸੂਚਨਾ ਦੇ ਟੈਸਟਿੰਗ ਲਈ ਉਪਲਬਧ ਹੋਣ ਲਈ ਰੋਜ਼ਾਨਾ ਸਵੇਰੇ 6 ਵਜੇ ਤੋਂ ਰਾਤ 11 ਵਜੇ ਦੇ ਵਿਚਕਾਰ ਇੱਕ ਘੰਟੇ ਦਾ ਸਲਾਟ ਵੱਖਰਾ ਰੱਖਣਾ ਜ਼ਰੂਰੀ ਹੈ। ਵਿਨੇਸ਼ ਇਸ ਨਿਯਮ ਦੀ ਪਾਲਣਾ ਕਰਨ ਵਿੱਚ ਅਸਫਲ ਰਹੀ।
ਆਪਣੇ ਬਚਾਅ ਵਿੱਚ, ਵਿਨੇਸ਼ ਨੇ ਕਿਹਾ ਕਿ ਉਹ ਉਸ ਦਿਨ ਬੰਗਲੁਰੂ ਤੋਂ ਚੰਡੀਗੜ੍ਹ ਜਾ ਰਹੀ ਸੀ। ਉਸਨੇ ਇਹ ਵੀ ਦੱਸਿਆ ਕਿ ਉਸਨੇ ਹਾਲ ਹੀ ਵਿੱਚ ਇੱਕ ਬੱਚੇ ਨੂੰ ਜਨਮ ਦਿੱਤਾ ਹੈ। ਰਿਪੋਰਟਾਂ ਅਨੁਸਾਰ, ਟੈਸਟ ਤੋਂ ਖੁੰਝਣ ਤੋਂ ਬਾਅਦ ਉਸਨੇ ਡੀਸੀਓ ਨਾਲ ਸਹਿਯੋਗ ਕੀਤਾ। ਉਸਨੇ ਇਹ ਵੀ ਕਿਹਾ ਕਿ ਉਹ ਹਰਿਆਣਾ ਵਿਧਾਨ ਸਭਾ ਦੇ ਸਰਦ ਰੁੱਤ ਸੈਸ਼ਨ ਨਾਲ ਸਬੰਧਤ ਮੀਟਿੰਗ ਲਈ ਚੰਡੀਗੜ੍ਹ ਵਿੱਚ ਸੀ।
ਹਾਲਾਂਕਿ, ਆਈਟੀਏ ਉਸ ਦੀਆਂ ਦਲੀਲਾਂ ਤੋਂ ਸਹਿਮਤ ਨਹੀਂ ਸੀ। ਏਜੰਸੀ ਨੇ ਕਿਹਾ ਕਿ ਵਿਨੇਸ਼ ਇਹ ਸਾਬਤ ਨਹੀਂ ਕਰ ਸਕੀ ਕਿ ਉਸਦੀ ਕੋਈ ਲਾਪਰਵਾਹੀ ਨਹੀਂ ਸੀ, ਖਾਸ ਕਰਕੇ ਕਿਉਂਕਿ ਉਸਨੇ ਟੈਸਟ ਤੋਂ ਪਹਿਲਾਂ ਜਾਂ ਉਸ ਦਿਨ ਐਸਐਮਐਸ, ਈਮੇਲ ਜਾਂ ਐਪ ਰਾਹੀਂ ਆਪਣਾ ਸਥਾਨ ਅਪਡੇਟ ਨਹੀਂ ਕੀਤਾ ਸੀ।
ਵਿਨੇਸ਼ ਕੋਲ ਹੁਣ ਇਸ ਫੈਸਲੇ ਦੀ ਪ੍ਰਸ਼ਾਸਕੀ ਸਮੀਖਿਆ ਕਰਨ ਲਈ 4 ਮਈ ਤੋਂ ਇੱਕ ਹਫ਼ਤਾ ਹੈ। ਜੇਕਰ ਇਹ ਸਾਬਤ ਹੋ ਜਾਂਦਾ ਹੈ ਕਿ ਇਹ ਗਲਤੀ ਲਾਪਰਵਾਹੀ ਕਾਰਨ ਹੋਈ ਸੀ, ਤਾਂ ਆਈਟੀਏ ਦਾ ਫੈਸਲਾ ਅੰਤਿਮ ਮੰਨਿਆ ਜਾਵੇਗਾ। ਹੁਣ ਲਈ ਵਿਸਨੇਸ਼ ਲਈ ਰਾਹਤ ਵਾਲੀ ਗੱਲ ਇਹ ਹੈ ਕਿ, ਯੂਨਾਈਟਿਡ ਵਰਲਡ ਰੈਸਲਿੰਗ (UWW) ਅਤੇ ਵਰਲਡ ਐਂਟੀ-ਡੋਪਿੰਗ ਏਜੰਸੀ ਦੇ ਨਿਯਮਾਂ ਅਨੁਸਾਰ, ਇੱਕ ਵਾਰ ਟੈਸਟ ਮਿਸ ਕਰਨ ਨਾਲ ਮੁਅੱਤਲੀ ਨਹੀਂ ਹੁੰਦੀ। ਹਾਲਾਂਕਿ, ਜੇਕਰ ਅਜਿਹਾ 12 ਮਹੀਨਿਆਂ ਦੇ ਅੰਦਰ ਤਿੰਨ ਵਾਰ ਹੁੰਦਾ ਹੈ, ਤਾਂ ਖਿਡਾਰੀ ਨੂੰ ਦੋ ਸਾਲ ਤੱਕ ਦੀ ਪਾਬੰਦੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
