Sports: ‘ਸਿਕਸਰ ਕਿੰਗ’ ਯੁਵਰਾਜ ਸਿੰਘ ਫੇਰ ਕਰ ਸਕਦੇ ਨੇ IPL ਵਿੱਚ ਵਾਪਸੀ !
ਚੰਡੀਗੜ੍ਹ, 20 ਜੂਨ (ਵਿਸ਼ਵ ਵਾਰਤਾ): ਟੀਮ ਇੰਡੀਆ ਦੇ ਸਾਬਕਾ ਆਲਰਾਊਂਡਰ ਯੁਵਰਾਜ ਸਿੰਘ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਵਿੱਚ ਇੱਕ ਨਵੀਂ ਭੂਮਿਕਾ ਨਿਭਾ ਸਕਦੇ ਹਨ। TOI ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਦਿੱਲੀ ਕੈਪੀਟਲਜ਼ (DC) IPL 2027 ਤੋਂ ਯੁਵਰਾਜ ਨੂੰ ਆਪਣੇ ਸਪੋਰਟ ਸਟਾਫ ਵਿੱਚ ਸ਼ਾਮਲ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਇਹ ਯੁਵਰਾਜ ਦੇ ਕੋਚਿੰਗ ਕਰੀਅਰ ਦਾ ਪਹਿਲਾ ਵੱਡਾ ਅਤੇ ਉੱਚ-ਪ੍ਰੋਫਾਈਲ ਅਸਾਈਨਮੈਂਟ ਹੋਵੇਗਾ।
ਦੱਸ ਦਈਏ ਕਿ ਦਿੱਲੀ ਕੈਪੀਟਲਜ਼ ਦਾ ਪ੍ਰਬੰਧਨ ਅਗਲੇ ਦੋ ਸਾਲਾਂ ਲਈ ਜੇਐਸਡਬਲਯੂ ਗਰੁੱਪ ਕਰੇਗਾ। ਇਸ ਦੇ ਨਾਲ ਹੀ ਸਾਬਕਾ ਭਾਰਤੀ ਕਪਤਾਨ ਸੌਰਵ ਗਾਂਗੁਲੀ ਦੇ ਕੈਪੀਟਲਜ਼ ਵਿੱਚ ਕ੍ਰਿਕਟ ਡਾਇਰੈਕਟਰ ਦੀ ਭੂਮਿਕਾ ਵਿੱਚ ਵਾਪਸ ਆਉਣ ਦੀ ਉਮੀਦ ਹੈ। ਇਸ ਦੇ ਨਾਲ ਹੀ ਸਾਬਕਾ ਆਲਰਾਊਂਡਰ ਯੁਵਰਾਜ ਸਿੰਘ ਨੂੰ ਵੀ ਵੱਡੀ ਜ਼ਿੰਮੇਵਾਰੀ ਮਿਲਣ ਦੇ ਚਰਚੇ ਹਨ। ਲੀਗ ਦੇ ਨਜ਼ਦੀਕੀ ਸੂਤਰਾਂ ਅਨੁਸਾਰ, ਉਹ ਦਿੱਲੀ ਕੈਪੀਟਲਜ਼ ਦਾ ਬੱਲੇਬਾਜ਼ੀ ਕੋਚ ਬਣ ਸਕਦੇ ਹਨ। ਫਰੈਂਚਾਇਜ਼ੀ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਇਹ ਵੀ ਸੰਕੇਤ ਦਿੱਤਾ ਹੈ ਕਿ ਯੁਵਰਾਜ ਨੂੰ ਟੀਮ ਵਿੱਚ ਸ਼ਾਮਲ ਕਰਨ ਬਾਰੇ ਗੰਭੀਰ ਵਿਚਾਰ-ਵਟਾਂਦਰਾ ਚੱਲ ਰਿਹਾ ਹੈ।
ਦੱਸ ਦਈਏ ਕਿ ਯੁਵਰਾਜ ਸਿੰਘ ਭਾਵੇਂ ਅਜੇ ਕਿਸੇ ਵੀ ਆਈਪੀਐਲ ਟੀਮ ਦੇ ਅਧਿਕਾਰਤ ਕੋਚ ਨਹੀਂ ਬਣੇ ਹਨ, ਪਰ ਨੌਜਵਾਨ ਖਿਡਾਰੀਆਂ ਨੂੰ ਨਿਖਾਰਨ ਦੀ ਉਨ੍ਹਾਂ ਦੀ ਭੂਮਿਕਾ ਕੋਈ ਲੁਕੀ ਨਹੀਂ ਹੋਈ ਹੈ। ਭਾਰਤ ਦੇ ਨੌਜਵਾਨ ਸਿਤਾਰੇ ਅਭਿਸ਼ੇਕ ਸ਼ਰਮਾ, ਸ਼ੁਭਮਨ ਗਿੱਲ ਅਤੇ ਪ੍ਰਭਸਿਮਰਨ ਸਿੰਘ ਨੇ ਕਈ ਵਾਰ ਕਿਹਾ ਹੈ ਕਿ ਯੁਵਰਾਜ ਸਿੰਘ ਨੇ ਉਨ੍ਹਾਂ ਦੀ ਖੇਡ ਅਤੇ ਮਾਨਸਿਕਤਾ ਨੂੰ ਬਿਹਤਰ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ। ਖਾਸ ਕਰਕੇ ਅਭਿਸ਼ੇਕ ਦੇ ਕਰੀਅਰ ਵਿੱਚ ਯੁਵਰਾਜ ਦੀ ਭੂਮਿਕਾ ਨੂੰ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ। ਕ੍ਰਿਕਟ ਜਗਤ ਵਿੱਚ, ਯੁਵਰਾਜ ਨੂੰ ਸਿਰਫ਼ ਇੱਕ ਕੋਚ ਵਜੋਂ ਹੀ ਨਹੀਂ ਸਗੋਂ ਇੱਕ ਸਲਾਹਕਾਰ ਵਜੋਂ ਦੇਖਿਆ ਜਾਂਦਾ ਹੈ ਜੋ ਖਿਡਾਰੀਆਂ ਨੂੰ ਸਿਰਫ਼ ਤਕਨੀਕ ਹੀ ਨਹੀਂ ਸਗੋਂ ਦਬਾਅ ਨੂੰ ਸੰਭਾਲਣ ਅਤੇ ਵੱਡੇ ਪੱਧਰ ‘ਤੇ ਪ੍ਰਦਰਸ਼ਨ ਕਰਨ ਦੀ ਕਲਾ ਵੀ ਸਿਖਾਉਂਦੇ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
