Sourav Ganguly ਮੁੜ ਬਣੇ CAB ਦੇ ਪ੍ਰਧਾਨ
– 6 ਸਾਲਾਂ ਬਾਅਦ ਹੋਈ ਘਰ ਵਾਪਸੀ
ਨਵੀ ਦਿੱਲੀ, 23 ਸਤੰਬਰ 2025 (ਵਿਸ਼ਵ ਵਾਰਤਾ): ਸੌਰਵ ਗਾਂਗੁਲੀ ਨੇ ਇੱਕ ਵਾਰ ਫਿਰ ਕ੍ਰਿਕਟ ਐਸੋਸੀਏਸ਼ਨ ਆਫ ਬੰਗਾਲ (CAB) ਦੀ ਵਾਗਡੋਰ ਸੰਭਾਲ ਲਈ ਹੈ। ਸੌਰਵ ਗਾਂਗੁਲੀ 6 ਸਾਲਾਂ ਬਾਅਦ ਕ੍ਰਿਕਟ ਐਸੋਸੀਏਸ਼ਨ ਆਫ ਬੰਗਾਲ (CAB) ਦੇ ਪ੍ਰਧਾਨ ਨਿਯੁਕਤ ਕੀਤੇ ਗਏ ਹਨ। ਉਨ੍ਹਾਂ ਨੂੰ CAB ਦੀ ਸਾਲਾਨਾ ਆਮ ਮੀਟਿੰਗ (AGM) ਵਿੱਚ ਬਿਨਾਂ ਵਿਰੋਧ ਦੁਬਾਰਾ ਪ੍ਰਧਾਨ ਚੁਣਿਆ ਗਿਆ।
ਆਪਣੇ ਕਾਰਜਕਾਲ ਦੌਰਾਨ ਗਾਂਗੁਲੀ ਨੇ ਈਡਨ ਗਾਰਡਨ ਸਟੇਡੀਅਮ ਦੀ ਬੈਠਣ ਦੀ ਸਮਰੱਥਾ ਨੂੰ 100,000 ਤੱਕ ਵਧਾਉਣ ਦਾ ਟੀਚਾ ਰੱਖਿਆ ਹੈ। ਵਰਤਮਾਨ ਵਿੱਚ ਇਹ 68,000 ਹੈ। ਇਸ ‘ਤੇ ਕੰਮ ਆਉਣ ਵਾਲੇ ਟੀ-20 ਵਿਸ਼ਵ ਕੱਪ ਤੋਂ ਬਾਅਦ ਸ਼ੁਰੂ ਹੋਵੇਗਾ। ਗਾਂਗੁਲੀ ਦੇ ਅਨੁਸਾਰ, ਉਹ ਇਸ ਮੈਗਾ ਈਵੈਂਟ ਦੌਰਾਨ ਕੋਲਕਾਤਾ ਵਿੱਚ ਵੱਡੇ ਮੈਚਾਂ ਦੀ ਮੇਜ਼ਬਾਨੀ ਕਰਨ ਦੀ ਕੋਸ਼ਿਸ਼ ਕਰਨਗੇ। ਗਾਂਗੁਲੀ ਪਹਿਲਾਂ 2015 ਤੋਂ 2019 ਤੱਕ ਐਸੋਸੀਏਸ਼ਨ ਦੇ ਪ੍ਰਧਾਨ ਵਜੋਂ ਸੇਵਾ ਨਿਭਾ ਚੁੱਕੇ ਹਨ।
ਗਾਂਗੁਲੀ ਪਹਿਲਾਂ 2015 ਤੋਂ 2019 ਤੱਕ CAB ਪ੍ਰਧਾਨ ਰਹਿ ਚੁੱਕੇ ਹਨ। ਫਿਰ ਉਨ੍ਹਾਂ ਨੇ 2019 ਤੋਂ 2022 ਤੱਕ BCCI ਪ੍ਰਧਾਨ ਵਜੋਂ ਸੇਵਾ ਨਿਭਾਈ। ਉਦੋਂ ਤੋਂ, ਉਹ T20 ਫਰੈਂਚਾਇਜ਼ੀ ਸਰਕਟ ਵਿੱਚ ਕਈ ਟੀਮਾਂ ਨਾਲ ਜੁੜੇ ਹੋਏ ਹਨ। ਉਹ 2021 ਵਿੱਚ ICC ਪੁਰਸ਼ ਕ੍ਰਿਕਟ ਕਮੇਟੀ ਦੇ ਚੇਅਰਮੈਨ ਬਣੇ। ਉਨ੍ਹਾਂ ਨੂੰ ਅਨਿਲ ਕੁੰਬਲੇ ਦੀ ਥਾਂ ‘ਤੇ ਇਸ ਅਹੁਦੇ ‘ਤੇ ਨਿਯੁਕਤ ਕੀਤਾ ਗਿਆ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
