ਹੱਕ ਦੀ ਆਵਾਜ਼ : ਸੰਤੋਖ ਸਿੰਘ ਧੀਰ

ਹੱਕ ਦੀ ਆਵਾਜ਼ : ਸੰਤੋਖ ਸਿੰਘ ਧੀਰ

ਚੰਨ ਦਾ ਵੀ ਪੰਧ ਨਾ ਕੋਈ ਦੂਰ ਹੈ। ਪਹੁੰਚਣਾ ਮੰਜ਼ਲ ‘ਤੇ ਜਦ ਮਨਜ਼ੂਰ ਹੈ।

ਇਹ ਹੈ ਮੇਰੇ ਇਸ਼ਕ ਦੀ ਇੱਕੋ ਚਿਣਗ
ਇਹ ਜੋ ਲੱਖਾਂ ਸੂਰਜਾਂ ਦਾ ਨੂਰ ਹੈ ?

ਇਸ਼ਕ ਨੂੰ ਫਤਵਾ ਕੁਰਾਹੀਏ ਹੋਣ ਦਾ
ਖ਼ੂਬ ਤੇਰੇ ਸ਼ਹਿਰ ਦਾ ਦਸਤੂਰ ਹੈ।

ਗੂੰਜ ਉੱਠੀ ਹੱਕ ਦੀ ਅਵਾਜ਼ ਫਿਰ ,
ਸ਼ੋਰ ਜਿਸਦਾ ਵਲਗਣਾਂ ਤੋਂ ਦੂਰ ਹੈ।

ਕੰਬ ਉੱਠੀ ਹੈ ਤੇਰੀ ਸੂਲੀ ਦੀ ਦੇਹ ,
ਆ ਰਿਹਾ ਕੋਈ ਝੂਲਦਾ ਮਨਸੂਰ ਹੈ।

ਥੱਕ ਗਏ ਜੱਲਾਦ ? ਮੁੜ ਗਏ ਘੁੰਡ ? ਬੱਸ ?
ਇਹ ਤਾਂ ਸਿਰ ਲੱਥਾਂ ਦਾ ਪਹਿਲਾ ਪੂਰ ਹੈ।

ਅੰਤ ਉਸ ਮਜਨੂੰ ਦੀ ਲੈਲਾ ਹੋਏਗੀ ,
ਰੱਤ ਦਾ ਕਾਸਾ ਜਿਦ੍ਰਾ ਭਰਪੂਰ ਹੈ।