ਉੱਘੇ ਸਾਹਿਤਕਾਰ ਤੇ ਸਮਾਜਸੇਵੀ ਰਿਪੁਦਮਨ ਸਿੰਘ ਰੂਪ ਨਹੀਂ ਰਹੇ
ਮ੍ਰਿਤਕ ਦੇਹ ਅੱਜ ਪੀ.ਜੀ.ਆਈ. ਚੰਡੀਗੜ੍ਹ ਨੂੰ ਕੀਤੀ ਜਾਵੇਗੀ ਦਾਨ
ਚੰਡੀਗੜ੍ਹ, 26 ਮਈ (ਵਿਸ਼ਵ ਵਾਰਤਾ) ਉੱਘੇ ਸਾਹਿਤਕਾਰ ਐਡਵੋਕੇਟ ਰਿਪੁਦਮਨ ਸਿੰਘ ਰੂਪ 91 ਵਰਿਆਂ ਦੀ ਉਮਰ ਵਿੱਚ ਬੀਤੀ ਰਾਤ ਅਕਾਲ ਚਲਾਣਾ ਕਰ ਗਏ ਹਨ। ਉਹ ਉੱਘੇ ਸਾਹਿਤਕਾਰ ਹੀ ਨਹੀਂ ਬਲਕਿ ਇੱਕ ਸਮਾਜਸੇਵੀ ਵੀ ਸਨ। ਉਹਨਾਂ ਨੇ ਸਾਹਿਤ ਨੂੰ ਬਹੁਤ ਹੀ ਚੰਗੀਆਂ ਕਿਤਾਬਾਂ ਦਿੱਤੀਆਂ। ਉਹਨਾਂ ਦੇ ਜਾਣ ਨਾਲ ਸਾਹਿਤ ਜਗਤ ਵਿੱਚ ਸੋਗ ਦੀ ਲਹਿਰ ਹੈ। ਉਹਨਾਂ ਦੇ ਬੇਟੇ ਰੰਜੀਵਨ ਸਿੰਘ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਿੱਚ ਸੀਨੀਅਰ ਵਕੀਲ ਹਨ ਅਤੇ ਸੰਜੀਵਨ ਸਿੰਘ ਉੱਘੇ ਲੇਖਕ ਅਤੇ ਨਾਟਕਕਾਰ ਹਨ।
ਐਡਵੋਕੇਟ ਰਿਪੁਦਮਨ ਸਿੰਘ ਰੂਪ ਦੀ ਮ੍ਰਿਤਕ ਦੇਹ ਨੂੰ ਅੰਤਿਮ ਦਰਸ਼ਨਾਂ ਲਈ ਅੱਜ ਉਨ੍ਹਾਂ ਦੇ ਗ੍ਰਹਿ 2249, ਫੇਜ਼-10 ਮੁਹਾਲੀ ਦੇ ਲਾਗਲੇ ਪਾਰਕ ਵਿੱਚ ਸਵੇਰ 10.00 ਤੋਂ 11.30 ਵਜੇ ਤੱਕ ਰੱਖਿਆ ਜਾਵੇਗਾ। ਉਪਰੰਤ , ਉਹਨਾਂ ਦੀ ਆਖਰੀ ਇੱਛਾ ਅਨੁਸਾਰ , ਉਨ੍ਹਾਂ ਦਾ ਸਰੀਰ ਪੀ.ਜੀ.ਆਈ. ਚੰਡੀਗੜ੍ਹ ਵਿਖੇ ਖੋਜ ਕਾਰਜਾਂ ਹਿੱਤ ਦਾਨ ਕੀਤਾ ਜਾਵੇਗਾ।
