Punjab: ਡੌਂਕੀ ਰੂਟ ਰਾਹੀਂ ਅਮਰੀਕਾ ਜਾ ਰਹੇ ਨੌਜਵਾਨ ਦੀ ਮੈਕਸੀਕੋ ‘ਚ ਮੌਤ, ਚਾਰ ਮਹੀਨੇ ਬਾਅਦ ਹੋਇਆ ਅੰਤਿਮ ਸਸਕਾਰ
– ਏਜੰਟਾਂ ਨੇ ਜਾਅਲੀ ਦਸਤਾਵੇਜ਼ ਟਾਇਰ ਕਰਕੇ ਉਸ ਨੂੰ ਨੇਪਾਲ ਦਾ ਨਾਗਰਿਕ ਬਣਾ ਦਿੱਤਾ ਸੀ
– ਨੌਜਵਾਨ ਦੀ ਲਾਸ਼ ਚਾਰ ਮਹੀਨਿਆਂ ਤੱਕ ਮੈਕਸੀਕਨ ਮੁਰਦਾਘਰ ਵਿੱਚ ਸੜਦੀ ਰਹੀ
– ਨੌਜਵਾਨ ਨੇਪਾਲੀ ਨਹੀਂ ਭਾਰਤੀ ਸੀ ਸਾਬਿਤ ਕਰਨ ‘ਚ ਚਾਰ ਮਹੀਨੇ ਲੱਗੇ
ਮੋਹਾਲੀ, 14 ਫਰਵਰੀ 2026 (ਵਿਸ਼ਵ ਵਾਰਤਾ) – ਮੋਹਾਲੀ (Punjab) ਦੇ ਸਮਗੋਲੀ ਦੇ ਇੱਕ ਨੌਜਵਾਨ ਦੀ ਮੈਕਸੀਕੋ ਵਿੱਚ ਭੁੱਖਮਰੀ ਅਤੇ ਪਿਆਸ ਨਾਲ ਮੌਤ ਹੋ ਗਈ। ਏਜੰਟਾਂ ਵੱਲੋਂ ਕੀਤੀ ਧੋਖਾਧੜੀ ਕਾਰਨ ਨੌਜਵਾਨ ਦੀ ਲਾਸ਼ ਚਾਰ ਮਹੀਨਿਆਂ ਤੱਕ ਮੈਕਸੀਕਨ ਮੁਰਦਾਘਰ ਵਿੱਚ ਸੜਦੀ ਰਹੀ। ਮ੍ਰਿਤਕ ਦੀ ਪਛਾਣ 28 ਸਾਲਾ ਹਰਦੀਪ ਸਿੰਘ ਵੱਜੋਂ ਹੋਈ ਹੈ।
ਹਰਦੀਪ ਸਿੰਘ ਜੁਲਾਈ 2024 ਵਿੱਚ ਡੌਂਕੀ ਰੂਟ ਰਾਹੀਂ ਘਰ ਛੱਡ ਕੇ ਅਮਰੀਕੀ ਜਾਣ ਦਾ ਸੁਪਨਾ ਲੈ ਕੇ ਘਰੋਂ ਤੁਰਿਆ ਸੀ। ਲਗਭਗ 38 ਲੱਖ ਰੁਪਏ ਖਰਚ ਕਰਨ ਦੇ ਬਾਵਜੂਦ, ਉਹ ਅਮਰੀਕਾ ਨਹੀਂ ਪਹੁੰਚ ਸਕਿਆ ਕਿਉਂਕਿ, ਉਸਨੂੰ ਡੌਂਕੀ ਰੂਟ ਰਾਹੀਂ ਅਮਰੀਕਾ ਭੇਜਦੇ ਸਮੇਂ, ਏਜੰਟਾਂ ਨੇ ਉਸਦੇ ਦਸਤਾਵੇਜ਼ ਨੇਪਾਲ ਦੇ ਬਣਾ ਦਿੱਤੇ ਸੀ। ਨਤੀਜੇ ਵਜੋਂ, ਪਰਿਵਾਰ ਨੇ ਲਾਸ਼ ਨੂੰ ਭਾਰਤ ਵਾਪਸ ਲਿਆਉਣ ਲਈ ਇੱਕ ਲੰਬੀ ਲੜਾਈ ਲੜੀ, ਇਹ ਸਾਬਤ ਕਰਦੇ ਹੋਏ ਕਿ ਮ੍ਰਿਤਕ ਨੇਪਾਲ ਤੋਂ ਨਹੀਂ ਸਗੋਂ ਪੰਜਾਬ (ਭਾਰਤ) ਤੋਂ ਸੀ।
ਉਸਦੇ ਉਂਗਲਾਂ ਦੇ ਨਿਸ਼ਾਨ ਸਹੀ ਢੰਗ ਨਾਲ ਮੇਲ ਕਰਵਾ ਕੇ ਭਾਰਤ ਤੋਂ ਭੇਜੇ ਗਏ ਅਤੇ ਫੇਰ ਕਿਤੇ ਮ੍ਰਿਤਕ ਨੌਜਵਾਨ ਦੀ ਮ੍ਰਿਤਕ ਦੇਹ ਪੰਜਾਬ ਪੁੱਜੀ। ਹੁਣ ਨੌਜਵਾਨ ਦਾ ਪਿੰਡ ਦੇ ਸ਼ਮਸ਼ਾਨਘਾਟ ਵਿੱਚ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ ਹੈ।
ਡੇਰਾਬੱਸੀ ਪੁਲਿਸ ਨੇ ਸਾਢੇ ਚਾਰ ਮਹੀਨੇ ਪਹਿਲਾਂ ਦੋ ਟ੍ਰੈਵਲ ਏਜੰਟਾਂ ਵਿਰੁੱਧ ਮਾਮਲਾ ਦਰਜ ਕੀਤਾ ਸੀ। ਇੱਕ ਦੋਸ਼ੀ ਨੂੰ ਹਾਲ ਹੀ ਵਿੱਚ ਗ੍ਰਿਫ਼ਤਾਰ ਕਰਕੇ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਸੀ, ਜਿੱਥੇ ਉਸਨੂੰ ਤਿੰਨ ਦਿਨਾਂ ਦੀ ਪੁਲਿਸ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
