Punjab: ਨਿਹੰਗ ਸਿੰਘ ਘੋੜੇ ਸਮੇਤ ਨਹਿਰ ‘ਚ ਡੁੱਬਿਆ
ਦੋਰਾਹਾ, 9 ਮਈ 2026 – ਲੁਧਿਆਣਾ ਦੇ ਦੋਰਾਹਾ ਨੇੜੇ ਇੱਕ ਦਰਦਨਾਕ ਹਾਦਸਾ ਵਾਪਰਿਆ ਹੈ। ਇਸ ਹਾਦਸੇ ‘ਚ ਨਿਹੰਗ ਸਿੰਘ ਆਪਣੇ ਘੋੜੇ ਸਮੇਤ ਨਹਿਰ ਵਿੱਚ ਡੁੱਬ ਗਿਆ। ਇਹ ਹਾਦਸਾ ਦੋਰਾਹਾ ਨੇੜੇ ਲੰਘ ਰਹੀ ਨਹਿਰ ‘ਚ ਵਾਪਰਿਆ। ਜਾਣਕਾਰੀ ਮੁਤਾਬਕ ਨਿਹੰਗ ਸਿੰਘ ਨਹਿਰ ‘ਚ ਆਪਣੇ ਘੋੜੇ ਨੂੰ ਨਹਾ ਰਿਹਾ ਅਤੇ ਜਦੋਂ ਨਿਹੰਗ ਸਿੰਘ ਘੋੜੇ ਸਮੇਤ ਨਹਿਰ ‘ਚ ਉਤਰਿਆ ਤਾਂ ਘੋੜਾ ਨਹਿਰ ‘ਚ ਹੀ ਪਏ ਹੋਏ ਡੂੰਘੇ ਟੋਏ ‘ਚ ਫਸ ਗਿਆ ਤੇ ਪਲਟ ਗਿਆ, ਦੋਵਾਂ ਨੂੰ ਹੀ ਇਸ ਤੋਂ ਬਾਅਦ ਸੰਭਲਣ ਦਾ ਮੌਕਾ ਹੀ ਨਹੀਂ ਮਿਲਿਆ ਅਤੇ ਦੋਵੇਂ ਹੀ ਡੁੱਬ ਗਏ। ਇਸ ਹਾਦਸੇ ਸਮੇਂ ਨਿਹੰਗ ਸਿੰਘ ਘੋੜੇ ਦੇ ਉੱਪਰ ਹੀ ਬੈਠਾ ਸੀ ਅਤੇ ਇਸ ਹਾਦਸੇ ‘ਚ ਨਿਹੰਗ ਸਿੰਘ ਅਤੇ ਘੋੜੇ ਦੀ ਮੌਤ ਹੋ ਗਈ ਹੈ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਸਥਾਨਕ ਲੋਕ ਅਤੇ ਪੁਲਿਸ ਮੌਕੇ ‘ਤੇ ਪਹੁੰਚ ਗਏ। ਬਚਾਅ ਟੀਮਾਂ ਵੱਲੋਂ ਨਿਹੰਗ ਸਿੰਘ ਅਤੇ ਘੋੜੇ ਨੂੰ ਬਾਹਰ ਕੱਢਿਆ ਗਿਆ, ਪਰ ਉਦੋਂ ਤੱਕ ਦੋਵਾਂ ਦੀ ਹੀ ਮੌਤ ਹੋ ਚੁੱਕੀ ਸੀ। ਦੱਸ ਦਈਏ ਕਿ ਨਹਿਰ ਨੇੜੇ ਹੀ ਨਿਹੰਗ ਸਿੰਘਾਂ ਦਾ ਪੜਾਅ ਲੱਗਿਆ ਹੋਇਆ ਸੀ ਅਤੇ ਨਿਹੰਗ ਸਿੰਘ ਆਪਣੇ ਘੋੜੇ ਨੂੰ ਨਹਿਲਾਉਣ ਲਈ ਨਹਿਰ ‘ਚ ਗਿਆ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
