Punjab: ਸਿਰਫ 20 ਹਜ਼ਾਰ ਰੁਪਏ ਲਈ ਹੋਇਆ ਬਜ਼ੁਰਗ NRI ਔਰਤ ਦਾ ਕਤਲ
– ਪੁਲਿਸ ਜਾਂਚ ‘ਚ ਹੋਏ ਅਹਿਮ ਖੁਲਾਸੇ
ਖੰਨਾ, 8 ਫਰਵਰੀ 2026 (ਵਿਸ਼ਵ ਵਾਰਤਾ) – ਲੁਧਿਆਣਾ (Punjab) ਦੇ ਵਿੱਚ ਖੰਨਾ ਇੱਕ NRI ਮਹਿਲਾ ਦੀ ਲਾਸ਼ ਉਸ ਦੇ ਘਰ ਦੇ ਬਾਥਰੂਮ ਵਿੱਚੋਂ ਮਿਲੀ ਸੀ। ਲਾਸ਼ ਦੇ ਹੱਥ-ਪੈਰ ਅਤੇ ਮੂੰਹ ਬੰਨ੍ਹੇ ਹੋਏ ਸਨ ਅਤੇ ਸਰੀਰ ‘ਤੇ ਸੱਟਾਂ ਦੇ ਨਿਸ਼ਾਨ ਵੀ ਹਨ। ਮ੍ਰਿਤਕਾ ਦੀ ਪਛਾਣ ਸੁਰਜੀਤ ਸਿੰਘ ਦੀ ਪਤਨੀ ਜਗਪਾਲ ਕੌਰ (81) ਵਜੋਂ ਹੋਈ ਹੈ। ਮਹਿਲਾ ਲੰਬੇ ਸਮੇਂ ਤੋਂ ਕੈਨੇਡਾ ਵਿੱਚ ਰਹਿੰਦੀ ਸੀ ਅਤੇ ਅਕਤੂਬਰ 2025 ਵਿੱਚ ਹੀ ਪੰਜਾਬ ਆਈ ਸੀ। ਉਸ ਨੇ ਅਪ੍ਰੈਲ 2026 ਵਿੱਚ ਕੈਨੇਡਾ ਵਾਪਸ ਜਾਣਾ ਸੀ। ਉਸ ਦੇ 2 ਬੱਚੇ ਹਨ, ਜੋ ਕੈਨੇਡਾ ਵਿੱਚ ਹੀ ਰਹਿੰਦੇ ਹਨ।
ਬਜ਼ੁਰਗ NRI ਔਰਤ ਦੇ ਮਾਮਲੇ ‘ਚ ਪੰਜਾਬ ਪੁਲਿਸ ਨੇ ਜਾਂਚ ਤੋਂ ਬਾਅਦ ਵੱਡਾ ਖੁਲਾਸਾ ਕੀਤਾ ਹੈ। ਜਾਂਚ ‘ਚ ਸਾਹਮਣੇ ਆਇਆ ਕਿ ਖੰਨਾ ‘ਚ ਇੱਕ ਕਿਰਾਏਦਾਰ ਨੇ ਸਿਰਫ਼ 20 ਹਜ਼ਾਰ ਰੁਪਏ ਦਾ ਕਰਜ਼ ਚੁਕਾਉਣ ਲਈ 81 ਸਾਲਾ ਐਨਆਰਆਈ ਔਰਤ ਜਗਪਾਲ ਕੌਰ ਦਾ ਕਤਲ ਕਰ ਦਿੱਤਾ। ਉਹ ਆਪਣੇ ਕਰਜ਼ੇ ਨੂੰ ਲਾਹੁਣ ਲਈ ਬਜ਼ੁਰਗ NRI ਔਰਤ ਦੇ ਘਰ ਤੋਂ ਪੈਸੇ ਚੋਰੀ ਕਰਨਾ ਚਾਹੁੰਦਾ ਸੀ।
ਇਸ ਸਾਜ਼ਿਸ਼ ਨੂੰ ਅੰਜਾਮ ਦੇਣ ਲਈ, ਉਹ ਨੰਗੇ ਪੈਰੀਂ ਔਰਤ ਦੇ ਘਰ ਵਿੱਚ ਲੁਕ ਗਿਆ। ਪਰ ਔਰਤ ਅਚਾਨਕ ਹੀ ਉੱਥੇ ਆ ਗਈ ਜਿੱਥੇ ਉਹ ਲੁਕਿਆ ਹੋਇਆ ਸੀ। ਗ੍ਰਿਫ਼ਤਾਰੀ ਦੇ ਡਰੋਂ, ਉਸਨੇ ਉਸ ਨਾਲ ਕੁੱਟਮਾਰ ਕੀਤੀ ਅਤੇ ਫਿਰ ਉਸਦਾ ਮੂੰਹ ਤੌਲੀਏ ਨਾਲ ਬੰਦ ਕਰ ਦਿੱਤਾ ਤਾਂ ਜੋ ਉਹ ਰੌਲਾ ਨਾ ਪਾ ਸਕੇ। ਜਦੋਂ ਔਰਤ ਕਿਰਾਏਦਾਰ ਨਾਲ ਹੱਥੋਂ-ਪਾਈ ਕਰ ਰਹੀ ਸੀ ਔਰਤ ਦਾ ਸਿਰ ਕੰਧ ਨਾਲ ਟਕਰਾ ਗਿਆ, ਜਿਸ ਕਾਰਨ ਉਹ ਡਿੱਗ ਪਈ। ਦੋਸ਼ੀ ਨੇ ਫਿਰ ਉਸਦੇ ਹੱਥ ਤੌਲੀਏ ਨਾਲ ਬੰਨ੍ਹ ਦਿੱਤੇ ਅਤੇ ਉਸਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਫਿਰ ਉਹ ਆਪਣੇ ਕੱਪੜੇ ਬਦਲ ਕੇ ਵਾਪਸ ਆ ਗਿਆ।
ਬਜ਼ੁਰਗ ਔਰਤ ਘਰ ਵਿੱਚ ਇਕੱਲੀ ਰਹਿੰਦੀ ਸੀ। ਮੁਲਜ਼ਮ ਰਾਹੁਲ ਤਿੰਨ ਸਾਲਾਂ ਤੋਂ ਨਾਲ ਵਾਲੇ ਘਰ ‘ਚ ਕਿਰਾਏ ‘ਤੇ ਰਹਿ ਰਿਹਾ ਸੀ। ਬਜ਼ੁਰਗ ਔਰਤ ਉਸਨੂੰ ਛੋਟੇ-ਮੋਟੇ ਕੰਮ ਕਰਨ ਲਈ ਕਹਿੰਦੀ ਸੀ। ਉਹ ਬਜ਼ੁਰਗ ਔਰਤ ਦੇ ਘਰ ਅਕਸਰ ਆਉਂਦਾ-ਜਾਂਦਾ ਸੀ। ਜਦੋਂ ਵੀ ਰਾਹੁਲ ਆਉਂਦਾ ਸੀ, ਬਜ਼ੁਰਗ ਔਰਤ ਆਪਣੇ ਕਮਰੇ ਵਿੱਚ ਰਹਿੰਦੀ ਸੀ। ਉਹ ਪੈਸੇ ਉੱਥੇ ਅਲਮਾਰੀ ਵਿੱਚ ਰੱਖਦੀ ਸੀ। ਉਹ ਕਈ ਵਾਰ ਘਰ ਗਿਆ ਪਰ ਉਸ ਨੂੰ ਚੋਰੀ ਦਾ ਮੌਕਾ ਨਹੀਂ ਮਿਲਿਆ। ਇਸ ਲਈ ਉਸਨੇ ਰਾਤ ਨੂੰ ਘਰ ਵਿੱਚ ਵੜ ਕੇ ਲੁਕਣ ਦੀ ਯੋਜਨਾ ਬਣਾਈ।
ਪੁਲਿਸ (Punjab) ਜਾਂਚ ਵਿੱਚ ਪਤਾ ਲੱਗਾ ਕਿ ਦੋਸ਼ੀ ਮੂਲ ਰੂਪ ਵਿੱਚ ਉੱਤਰ ਪ੍ਰਦੇਸ਼ ਦੇ ਅਲੀਗੜ੍ਹ ਦਾ ਰਹਿਣ ਵਾਲਾ ਹੈ। ਉਹ ਮਜ਼ਦੂਰ ਵਜੋਂ ਕੰਮ ਕਰਦਾ ਸੀ। ਉਸਦੇ 2 ਬੱਚੇ ਹਨ। ਉਸਨੂੰ ਮਜ਼ਦੂਰ ਸਮਝ ਕੇ, ਐਨਆਰਆਈ ਔਰਤ ਨੇ ਉਸਨੂੰ ਆਪਣੇ ਘਰ ਵਿੱਚ ਕਿਰਾਏਦਾਰ ਵਜੋਂ ਰੱਖਿਆ ਹੋਇਆ ਸੀ। ਉਹ ਕਿਰਾਏ ਵਜੋਂ ਲਗਭਗ 1500 ਰੁਪਏ ਦਿੰਦਾ ਸੀ। ਮ੍ਰਿਤਕ ਐਨਆਰਆਈ ਔਰਤ ਦੇ 2 ਬੱਚੇ ਹਨ, ਇੱਕ ਪੁੱਤਰ ਅਤੇ ਇੱਕ ਧੀ। ਦੋਵੇਂ ਕੈਨੇਡਾ ਵਿੱਚ ਰਹਿੰਦੇ ਹਨ। ਪੁੱਤਰ ਅਤੇ ਧੀ ਕਾਰੋਬਾਰ ਕਰਦੇ ਹਨ।
ਖੰਨਾ (Punjab) ਦੀ ਐਸਐਸਪੀ ਡਾ. ਦਰਪਨ ਆਹਲੂਵਾਲੀਆ ਨੇ ਦੱਸਿਆ ਕਿ ਰਾਹੁਲ ਘਟਨਾ ਵਾਲੇ ਦਿਨ ਆਪਣਾ ਮੋਬਾਈਲ ਫ਼ੋਨ ਘਰ ਛੱਡ ਗਿਆ ਸੀ ਤਾਂ ਜੋ ਲੋਕੇਸ਼ਨ ਟਰੇਸ ਨਾ ਹੋ ਸਕੇ। ਉਹ ਨੰਗੇ ਪੈਰੀਂ ਆਇਆ ਤਾਂ ਜੋ ਆਵਾਜ਼ ਨਾ ਹੋਵੇ। ਉਸਨੇ ਕੈਮਰੇ ‘ਤੇ ਪਛਾਣ ਤੋਂ ਬਚਣ ਲਈ ਆਪਣਾ ਚਿਹਰਾ ਵੀ ਢੱਕਿਆ ਹੋਇਆ ਸੀ। ਕਤਲ ਵਾਲੀ ਰਾਤ, 31 ਜਨਵਰੀ ਨੂੰ, ਹਲਕੀ ਬਾਰਿਸ਼ ਹੋਈ, ਜਿਸ ਕਾਰਨ ਕੰਧਾਂ ਅਤੇ ਗਲੀਆਂ ਗਿੱਲੀਆਂ ਹੋ ਗਈਆਂ। ਜਦੋਂ ਰਾਹੁਲ ਕੰਧ ‘ਤੇ ਚੜ੍ਹ ਕੇ ਅੰਦਰ ਗਿਆ, ਤਾਂ ਕੰਧ ‘ਤੇ ਉਸਦੇ ਨੰਗੇ ਪੈਰਾਂ ਦੇ ਨਿਸ਼ਾਨ ਸਾਫ਼ ਦਿਖਾਈ ਦੇ ਰਹੇ ਸਨ। ਕਤਲ ਤੋਂ ਬਾਅਦ, ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਇੱਕ ਫੋਰੈਂਸਿਕ ਟੀਮ ਨੇ ਛੱਤ ਦਾ ਮੁਆਇਨਾ ਕੀਤਾ ਅਤੇ ਪੈਰਾਂ ਦੇ ਨਿਸ਼ਾਨ ਲੱਭੇ। ਉਨ੍ਹਾਂ ਨੇ ਨਮੂਨੇ ਸੁਰੱਖਿਅਤ ਰੱਖੇ।
ਜਾਂਚ ਦੌਰਾਨ, ਪੁਲਿਸ (Punjab) ਨੇ ਨੇੜੇ ਰਹਿਣ ਵਾਲੇ ਲੋਕਾਂ ਤੋਂ ਪੁੱਛਗਿੱਛ ਸ਼ੁਰੂ ਕੀਤੀ। ਉਨ੍ਹਾਂ ਨੇ ਇੱਕ ਪੈਰਾਂ ਦਾ ਨਿਸ਼ਾਨ ਦੇਖੇ, ਮੁਲਜ਼ਮ ਦੀ ਇੱਕ ਉਂਗਲ ਆਮ ਨਾਲੋਂ ਵੱਡੀ ਸੀ। ਜਦੋਂ ਰਾਹੁਲ ਦੇ ਪੈਰਾਂ ਦੀ ਜਾਂਚ ਕੀਤੀ ਗਈ, ਤਾਂ ਉਸਦੇ ਪੈਰਾਂ ਦੇ ਨਹੁੰ ਬਿਲਕੁਲ ਉਸੇ ਆਕਾਰ ਦੇ ਪਾਏ ਗਏ। ਇਸ ਨਾਲ ਪੁਲਿਸ ਦਾ ਸ਼ੱਕ ਹੋਰ ਡੂੰਘਾ ਹੋ ਗਿਆ। ਪੁਲਿਸ ਨੇ ਤੁਰੰਤ ਰਾਹੁਲ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਪਹਿਲਾਂ ਤਾਂ ਉਸਨੇ ਅਣਜਾਣ ਬਣਨ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, ਜਦੋਂ ਸਖ਼ਤੀ ਨਾਲ ਪੁੱਛਗਿੱਛ ਕੀਤੀ ਗਈ, ਤਾਂ ਉਸਨੇ ਅਪਰਾਧ ਕਬੂਲ ਕਰ ਲਿਆ। ਉਸਨੇ ਪੁਲਿਸ ਨੂੰ ਸਾਰੀ ਕਹਾਣੀ ਦੱਸੀ। ਪੁਲਿਸ ਨੇ ਹੁਣ ਉਸਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਹੈ, ਰਿਮਾਂਡ ‘ਤੇ ਲਿਆ ਹੈ, ਅਤੇ ਹੋਰ ਜਾਂਚ ਕੀਤੀ ਜਾ ਰਹੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
