PhonePe ਵਰਤਣ ਵਾਲੇ ਦੇਣ ਧਿਆਨ! ਹੁਣ ਇਨਐਕਟਿਵ ਵਾਲਿਟ ‘ਤੇ ਲੱਗੇਗਾ ਭਾਰੀ ਜੁਰਮਾਨਾ, ਜਾਣੋ ਨਵੇਂ ਨਿਯਮ
ਨਵੀ ਦਿੱਲੀ, 20 ਜੂਨ 2026 (ਵਿਸ਼ਵ ਵਾਰਤਾ): ਜੇਕਰ ਤੁਸੀਂ ਵੀ ਆਨਲਾਈਨ ਪੇਮੈਂਟ ਜਾਂ ਰੀਚਾਰਜ ਕਰਨ ਲਈ ਫੋਨਪੇ (PhonePe) ਐਪ ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਜ਼ਰੂਰੀ ਹੈ। ਹੁਣ ਤੱਕ ਡਿਜੀਟਲ ਵਾਲਿਟ ਦੀ ਵਰਤੋਂ ਕਰਨਾ ਪੂਰੀ ਤਰ੍ਹਾਂ ਮੁਫ਼ਤ ਹੁੰਦਾ ਸੀ, ਪਰ ਹੁਣ ਬੈਂਕਾਂ ਵਾਂਗ ਫੋਨਪੇ ਵੀ ਤੁਹਾਡੇ ਕੋਲੋਂ ਮੇਨਟੇਨੈਂਸ ਚਾਰਜ ਵਸੂਲਣ ਦੀ ਤਿਆਰੀ ਵਿੱਚ ਹੈ।
ਕੰਪਨੀ ਨੇ ਆਪਣੀਆਂ ਯੂਜ਼ੇਜ ਗਾਈਡਲਾਈਨਜ਼ ਨੂੰ ਅਪਡੇਟ ਕਰ ਦਿੱਤਾ ਹੈ, ਜਿਸ ਮੁਤਾਬਕ ਹੁਣ ਇਨਐਕਟਿਵ (Inactive) ਜਾਂ ਬੰਦ ਪਏ ਵਾਲਿਟਸ ‘ਤੇ ਹਰ ਤਿੰਨ ਮਹੀਨਿਆਂ ਵਿੱਚ ₹100 ਦਾ ਜੁਰਮਾਨਾ ਲਗਾਇਆ ਜਾਵੇਗਾ।
ਕੰਪਨੀ ਦੇ ਨਵੇਂ ਨਿਯਮਾਂ ਮੁਤਾਬਕ, ਜੇਕਰ ਕਿਸੇ ਯੂਜ਼ਰ ਦਾ PhonePe ਵਾਲਿਟ ਲਗਾਤਾਰ 365 ਦਿਨਾਂ (1 ਸਾਲ) ਤੱਕ ਵਰਤਿਆ ਨਹੀਂ ਜਾਂਦਾ ਹੈ, ਤਾਂ ਉਸਨੂੰ ‘ਡੋਰਮੈਂਟ’ (Dormant) ਜਾਂ ਇਨਐਕਟਿਵ ਮੰਨ ਲਿਆ ਜਾਵੇਗਾ। ਅਜਿਹੇ ਵਾਲਿਟਸ ਵਿੱਚੋਂ ਹਰ ਤਿਮਾਹੀ ₹100 ਦਾ ਚਾਰਜ ਕੱਟਿਆ ਜਾਵੇਗਾ।
ਕੰਪਨੀ ਦੇ ਨਿਯਮਾਂ ਅਤੇ ਸ਼ਰਤਾਂ ਅਨੁਸਾਰ, 15 ਦਿਨਾਂ ਦੇ ਨੋਟਿਸ ਪੀਰੀਅਡ ਦੌਰਾਨ ਯੂਜ਼ਰਸ ਨੂੰ ਕਈ ਵਾਰ ਅਲਰਟਭੇਜਿਆ ਜਾਵੇਗਾ। ਇਸ ਤੋਂ ਬਾਅਦ ਵੀ ਜੇਕਰ ਵਾਲਿਟ ਐਕਟਿਵ ਨਹੀਂ ਹੁੰਦਾ ਹੈ, ਤਾਂ ਵਾਲਿਟ ਦੇ ਬੈਲੇਂਸ ਵਿੱਚੋਂ ਫੀਸ ਕੱਟ ਲਈ ਜਾਵੇਗੀ। ਸਿਰਫ਼ ਐਪ ਨੂੰ ਖੋਲ੍ਹਣਾ ਜਾਂ ਸਿੱਧੇ ਬੈਂਕ ਤੋਂ ਯੂ.ਪੀ.ਆਈ. ਪੇਮੈਂਟ ਕਰਨਾ ਵਾਲਿਟ ਦੀ ਐਕਟੀਵਿਟੀ ਵਿੱਚ ਨਹੀਂ ਗਿਣਿਆ ਜਾਵੇਗਾ। ਜੇਕਰ ਤੁਸੀਂ ਪੂਰੇ ਸਾਲ ਵਿੱਚ ਵਾਲਿਟ ਵਿੱਚ ਨਾ ਤਾਂ ਪੈਸੇ ਜਮ੍ਹਾਂ ਕੀਤੇ ਅਤੇ ਨਾ ਹੀ ਵਾਲਿਟ ਬੈਲੇਂਸ ਨਾਲ ਕੋਈ ਰੀਚਾਰਜ ਜਾਂ ਮਰਚੈਂਟ ਪੇਮੈਂਟ ਕੀਤੀ, ਤਾਂ ਐਪ ਦੀ ਵਰਤੋਂ ਕਰਨ ਦੇ ਬਾਵਜੂਦ ਤੁਹਾਡਾ ਵਾਲਿਟ ਇਨਐਕਟਿਵ ਮੰਨਿਆ ਜਾਵੇਗਾ।
ਕੰਪਨੀ ਦੇ ਇਸ ਫੈਸਲੇ ਦਾ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ਅਤੇ ਰੈਡਿਟ (Reddit) ‘ਤੇ ਤਿੱਖਾ ਵਿਰੋਧ ਹੋ ਰਿਹਾ ਹੈ। ਕਈ ਯੂਜ਼ਰਸ ਨੇ ਸਕ੍ਰੀਨਸ਼ਾਟ ਸਾਂਝੇ ਕਰਕੇ ਦੱਸਿਆ ਹੈ ਕਿ ਉਨ੍ਹਾਂ ਨੂੰ ਵਾਲਿਟ ਰੀਚਾਰਜ ਕਰਨ ਜਾਂ ਟ੍ਰਾਂਜੈਕਸ਼ਨ ਕਰਨ ਦੇ ਐੱਸ.ਐੱਮ.ਐੱਸ. (SMS) ਮਿਲਣੇ ਸ਼ੁਰੂ ਹੋ ਗਏ ਹਨ, ਤਾਂ ਜੋ ਉਹ ਇਸ ਪੈਨਲਟੀ ਤੋਂ ਬਚ ਸਕਣ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
