Perth : ‘ਚੁੱਲ੍ਹਾ ਇੰਡੀਅਨ ਰੈਸਟੋਰੈਂਟ’ ਦੇ ਸ਼ੈੱਫ ਦੀ ਅਚਾਨਕ ਦਿਲ ਦਾ ਦੌਰਾ ਪੈਣ ਨਾਲ ਮੌਤ
– ਪਰਿਵਾਰ ਵੱਲੋਂ ਦੁੱਖ ਦੀ ਘੜੀ ‘ਚ ਆਰਥਿਕ ਮਦਦ ਦੀ ਅਪੀਲ
ਆਸਟ੍ਰੇਲੀਆ, 26 ਜੂਨ (ਵਿਸ਼ਵ ਵਾਰਤਾ): ਪਰਥ ਦੇ ਪ੍ਰਸਿੱਧ ਰੈਸਟੋਰੈਂਟ ਦੇ ਸ਼ੈੱਫ ਦੀ ਅਚਾਨਕ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਜਾਣ ਦੀ ਦੁਖਦਾਇਕ ਖਬਰ ਸਾਹਮਣੇ ਆਈ ਹੈ। ਸ਼ੈੱਫ ਮਨਪ੍ਰੀਤ ਸਿੰਘ ਗੁੱਡੂ, ਜਿਸਨੂੰ ਸੋਨੀ ਵਜੋਂ ਜਾਣਿਆ ਜਾਂਦਾ ਹੈ, ਦੀ 14 ਜੂਨ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਅਚਾਨਕ ਮੌਤ ਹੋ ਗਈ, ਉਹ ਆਪਣੇ ਪਿੱਛੇ ਪਤਨੀ ਅਤੇ ਛੋਟੇ ਬੱਚਿਆਂ ਨੂੰ ਛੱਡ ਗਏ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੋਨੀ ਹਾਕਿੰਗ ਦੇ ‘ਚੁੱਲ੍ਹਾ ਇੰਡੀਅਨ ਰੈਸਟੋਰੈਂਟ’ ਜੋ ਕਿ ਇੱਕ ਦਹਾਕੇ ਤੋਂ ਵੱਧ ਸਮੇਂ ਤੋਂ ਇਸ ਖੇਤਰ ਵਿੱਚ ਇੱਕ ਪ੍ਰਸਿੱਧ ਡਾਇਨਿੰਗ ਸਪਾਟ ਹੈ, ਵਿੱਚ ਸ਼ੈੱਫ ਵਜੋਂ ਕੰਮ ਕਰਦਾ ਸੀ। ਪਰਿਵਾਰ ਵੱਲੋਂ ਸੋਨੀ ਦੀ ਲਾਸ਼ ਨੂੰ ਭਾਰਤ ਵਾਪਸ ਭੇਜਣ ਦੇ ਖਰਚਿਆਂ ਨੂੰ ਪੂਰਾ ਕਰਨ ਲਈ ਮਦਦ ਦੀ ਗੁਹਾਰ ਲਗਾਈ ਗਈ ਹੈ ਇਸ ਲਈ ਇੱਕ ‘GoFundMe’ ਮੁਹਿੰਮ ਨੂੰ ਸ਼ੁਰੂ ਕੀਤਾ ਗਿਆ ਹੈ।
ਉਨ੍ਹਾਂ ਦੀ ਪਤਨੀ ਰਮਨਦੀਪ ਕੌਰ ਨੇ ਕਿਹਾ ਕਿ ਸੋਨੀ ਦੀ ਮੌਤ ਨੇ “ਸਾਡੇ ਜੀਵਨ ਵਿੱਚ ਇੱਕ ਨਾ ਭਰਿਆ ਜਾਣ ਵਾਲਾ ਖਾਲੀਪਣ” ਛੱਡ ਦਿੱਤਾ ਹੈ ਅਤੇ “ਇਹ ਸਾਡੀ ਜ਼ਿੰਦਗੀ ਦਾ ਸਭ ਤੋਂ ਦੁਖਦਾਈ ਅਤੇ ਚੁਣੌਤੀਪੂਰਨ ਸਮਾਂ ਹੈ, ਇਸ ਮੁਸ਼ਕਲ ਸਮੇਂ ਵਿੱਚੋਂ ਲੰਘਣ ਲਈ ਸਹਾਇਤਾ ਦੀ ਬੇਨਤੀ ਕਰ ਰਹੀ ਹੈ।
ਉਨਾਂ ਕਿਹਾ ਕਿ “ਮੈਂ ਨਿਮਰਤਾ ਨਾਲ ਤੁਹਾਡੇ ਸਮਰਥਨ ਲਈ ਬੇਨਤੀ ਕਰ ਰਹੀ ਹਾਂ, ਕੋਈ ਵੀ ਯੋਗਦਾਨ, ਵੱਡਾ ਜਾਂ ਛੋਟਾ, ਸਾਨੂੰ ਆਪਣੇ ਜੀਵਨ ਨੂੰ ਦੁਬਾਰਾ ਬਣਾਉਣ ਦੀ ਕੋਸ਼ਿਸ਼ ਕਰਨ ‘ਚ ਪੂਰਾ ਮਦਦ ਕਰੇਗਾ। ਹੁਣ ਤੱਕ, ਪਰਿਵਾਰ ਦੇ $70,000 ਦੇ ਟੀਚੇ ਲਈ $26,000 ਤੋਂ ਵੱਧ ਇਕੱਠੇ ਕੀਤੇ ਜਾ ਚੁੱਕੇ ਹਨ ਜੋਕਿ ਦੋਸਤਾਂ, ਗਾਹਕਾਂ ਅਤੇ ਸਥਾਨਕ ਭਾਈਚਾਰੇ ਦੇ ਮੈਂਬਰਾਂ ਵੱਲੋਂ ਪਰਿਵਾਰ ਦੇ ਸਮਰਥਨ ਵਜੋਂ ਦਿੱਤੇ ਗਏ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
