Paris Olympics 2024 : ਓਲੰਪਿਕ ਦੇ ਫਾਈਨਲ ਵਿੱਚ ਪਹੁੰਚਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਪਹਿਲਵਾਨ ਬਣੀ ਵਿਨੇਸ਼ ਫੋਗਾਟ
ਚੰਡੀਗੜ੍ਹ,7ਅਗਸਤ(ਵਿਸ਼ਵ ਵਾਰਤਾ) Paris Olympics 2024- ਭਾਰਤ ਦੀ ਸਟਾਰ ਪਹਿਲਵਾਨ ਵਿਨੇਸ਼ ਫੋਗਾਟ ਨੇ ਮਹਿਲਾ ਕੁਸ਼ਤੀ ਦੇ 50 ਕਿਲੋ ਭਾਰ ਵਰਗ ਵਿੱਚ ਕਿਊਬਾ ਦੀ ਉਸਨੇਲਿਸ ਨੂੰ 5-0 ਨਾਲ ਹਰਾ ਕੇ ਫਾਈਨਲ ਵਿੱਚ ਥਾਂ ਬਣਾ ਲਈ ਹੈ। ਓਲੰਪਿਕ ਦੇ 128 ਸਾਲਾਂ ਦੇ ਇਤਿਹਾਸ ‘ਚ ਵਿਨੇਸ਼ ਓਲੰਪਿਕ ਫਾਈਨਲ ‘ਚ ਖੇਡਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਪਹਿਲਵਾਨ ਹੋਵੇਗੀ। ਕਿਊਬਾ ਦੀ ਪਹਿਲਵਾਨ ਵਿਨੇਸ਼ ਦੇ ਸਾਹਮਣੇ ਸੰਘਰਸ਼ ਕਰਦੀ ਨਜ਼ਰ ਆਈ ਅਤੇ ਜਵਾਬ ਵਿੱਚ ਇੱਕ ਵੀ ਅੰਕ ਨਹੀਂ ਬਣਾ ਸਕੀ। ਹੁਣ ਵਿਨੇਸ਼ ਦਾ ਸਾਹਮਣਾ ਅੱਜ 7 ਅਗਸਤ ਨੂੰ ਫਾਈਨਲ ਵਿੱਚ ਅਮਰੀਕਾ ਦੀ ਪਹਿਲਵਾਨ ਸਾਰਾਹ ਐਨ ਹਿਲਡੇਬ੍ਰਾਂਟ ਨਾਲ ਹੋਵੇਗਾ ਜਿਸ ਨੇ 2020 ਟੋਕੀਓ ਓਲੰਪਿਕ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ।
