Paris Olympic 2024 : ਤੀਸਰੇ ਮੈਡਲ ਤੋਂ ਖੁੰਝੀ ਮਨੁ ਭਾਕਰ ; ਜਾਣੋ ਕਿੰਝ ਹੱਥੋਂ ਖਿਸਕਿਆ ਤੀਜਾ ਮੈਡਲ
ਚੰਡੀਗੜ੍ਹ ,3ਅਗਸਤ (ਵਿਸ਼ਵ ਵਾਰਤਾ)Paris Olympic 2024: ਭਾਰਤੀ ਨਿਸ਼ਾਨੇਬਾਜ਼ ਮਨੂ ਭਾਕਰ ਪੈਰਿਸ 2024 ਵਿੱਚ ਔਰਤਾਂ ਦੇ 25 ਮੀਟਰ ਪਿਸਟਲ ਵਿੱਚ ਚੌਥੇ ਸਥਾਨ ‘ਤੇ ਰਹਿ ਕੇ ਤੀਜੇ ਓਲੰਪਿਕ ਤਮਗੇ ਤੋਂ ਖੁੰਝ ਗਈ ਹੈ। ਇਸ ਦੇ ਬਾਵਜੂਦ ਉਸਨੇ 2 ਕਾਂਸੀ ਦੇ ਤਗਮੇ ਜਿੱਤ ਕੇ ਭਾਰਤੀ ਮੈਡਲ ਸੰਖਿਆ ਵਿਚ ਵੱਡਾ ਯੋਗਦਾਨ ਪਾਇਆ ਹੈ। ਨਿਸ਼ਾਨੇਬਾਜ਼ ਮਨੂ ਭਾਕਰ ਪੈਰਿਸ ਓਲੰਪਿਕ 2024 ਵਿੱਚ ਔਰਤਾਂ ਦੇ 25 ਮੀਟਰ ਪਿਸਟਲ ਵਿੱਚ ਚੌਥੇ ਸਥਾਨ ‘ਤੇ ਰਹੀ ਹੈ। ਇਸ ਤਰਾਂ ਉਹ ਤੀਜਾ ਮੈਡਲ ਜਿੱਤਣ ਤੋਂ ਮਾਮੂਲੀ ਫਰਕ ਨਾਲ ਖੁੰਝ ਗਈ ਹੈ। ਉਸਦੇ ਇਸ ਪ੍ਰਦਰਸ਼ਨ ਨੇ ਉਸਦੇ ਬੇਹਤਰ ਖਿਡਾਰੀ ਹੋਣ ਦੇ ਪ੍ਰਮਾਣ ਦਿੱਤੇ ਹਨ। ਮਨੂ ਭਾਕਰ ਚੌਥੇ ਐਲੀਮੀਨੇਸ਼ਨ ਤੋਂ ਬਾਅਦ ਦੂਜੇ ਸਥਾਨ ‘ਤੇ ਸੀ, ਜੋ ਕਿ ਲੀਡ ‘ਤੇ ਚੱਲ ਰਹੀ ਕੋਰੀਆ ਦੇ ਜਿਨ ਯਾਂਗ ਤੋਂ ਪਿੱਛੇ ਹੈ। ਭਾਕਰ ਆਖਰਕਾਰ ਹੰਗਰੀ ਦੀ ਵੇਰੋਨਿਕਾ ਮੇਜਰ ਦੁਆਰਾ ਤੀਜੇ ਸਥਾਨ ਦੇ ਸ਼ੂਟ-ਆਫ ਵਿੱਚ ਬਾਹਰ ਹੋ ਗਈ ਅਤੇ ਚੌਥੇ ਸਥਾਨ ‘ਤੇ ਰਹੀ ਹੈ।
