ਨੇਪਾਲ ਦੇ ਪ੍ਰਸਿੱਧ ਪਰਬਤਾਰੋਹੀ ਨਿਰਮਲ ਪੁਰਜਾ ਦਾ ਦਿਹਾਂਤ
ਨਵੀ ਦਿੱਲੀ, 1 ਅਗਸਤ 2026 (ਵਿਸ਼ਵ ਵਾਰਤਾ): ਨੇਪਾਲ ਦੇ ਪ੍ਰਸਿੱਧ ਪਰਬਤਾਰੋਹੀ ਨਿਰਮਲ ਪੁਰਜਾ ਦੀ ਪਾਕਿਸਤਾਨ ਵਿੱਚ ਬਰਫ਼ੀਲੇ ਤੂਫ਼ਾਨ ਦੀ ਲਪੇਟ ਵਿੱਚ ਆਉਣ ਨਾਲ ਮੌਤ ਹੋ ਗਈ। ਉਨ੍ਹਾਂ ਦੇ ਦਿਹਾਂਤ ਦੀ ਪੁਸ਼ਟੀ ਉਨ੍ਹਾਂ ਦੀ ਸਥਾਪਿਤ ਪਰਬਤਾਰੋਹਣ ਕੰਪਨੀ ਐਲੀਟ ਐਕਸਪੈਡ (Elite Exped) ਨੇ ਕੀਤੀ ਹੈ।
ਨਿਰਮਲ ਪੁਰਜਾ 30 ਜੁਲਾਈ ਨੂੰ ਕਾਰਾਕੋਰਮ ਇਲਾਕੇ ਵਿੱਚ 8,051 ਮੀਟਰ ਉੱਚੀ ‘ਬਰੌਡ ਪੀਕ’ ਦੀ ਚੋਟੀ ‘ਤੇ ਚੜ੍ਹਾਈ ਕਰ ਰਹੇ ਸਨ। ਇਸ ਦੌਰਾਨ ਲਗਭਗ 7,000 ਮੀਟਰ ਦੀ ਉੱਚਾਈ ‘ਤੇ ਇਹ ਹਾਦਸਾ ਵਾਪਰਿਆ। ਬਰਫ਼ੀਲੇ ਤੂਫ਼ਾਨ ਤੋਂ ਬਾਅਦ ਨਿਰਮਲ ਪੁਰਜਾ ਸਮੇਤ 10 ਪਰਬਤਾਰੋਹੀ ਲਾਪਤਾ ਹੋ ਗਏ ਸਨ। ਲਾਪਤਾ ਪਰਬਤਾਰੋਹੀਆਂ ਵਿੱਚ ਛੇ ਨੇਪਾਲੀ ਪਰਬਤਾਰੋਹੀ ਵੀ ਸ਼ਾਮਲ ਸਨ।
ਪਰਬਤਾਰੋਹਣ ਕੰਪਨੀ ਐਲੀਟ ਐਕਸਪੈਡ ਨੇ ਇੱਕ ਬਿਆਨ ਵਿੱਚ ਦੱਸਿਆ, “ਅੱਜ, ਬਹੁਤ ਦੁੱਖ ਅਤੇ ਭਾਰੇ ਮਨ ਨਾਲ ਅਸੀਂ ਇਹ ਪੁਸ਼ਟੀ ਕਰਦੇ ਹਾਂ ਕਿ ਨਿਰਮਲ ‘ਨਿਮਸਦਾਈ’ ਪੁਰਜਾ ਦੀ ਬਰੌਡ ਪੀਕ ‘ਤੇ ਏਵਲਾਂਚ ਤੋਂ ਬਾਅਦ ਦੁਖਦ ਮੌਤ ਹੋ ਗਈ ਹੈ। ਸਾਨੂੰ ਇਹ ਵੀ ਪੁਸ਼ਟੀ ਮਿਲੀ ਹੈ ਕਿ ਮੁਹਿੰਮ ਦੇ ਦੂਜੇ ਮੈਂਬਰ ਵੀ ਨਹੀਂ ਬਚ ਸਕਿਆ।”
ਬਿਆਨ ਵਿੱਚ ਕਿਹਾ ਗਿਆ ਕਿ “ਅੱਜ, ਅਸੀਂ ਸਿਰਫ਼ ਨਿਰਮਲ ਲਈ ਹੀ ਨਹੀਂ, ਸਗੋਂ ਇਸ ਹਾਦਸੇ ਵਿੱਚ ਮਾਰੇ ਗਏ ਹਰ ਵਿਅਕਤੀ ਲਈ ਦੁੱਖ ਮਨਾ ਰਹੇ ਹਾਂ। ਇਸ ਹਾਦਸੇ ਵਿੱਚ ਉਨ੍ਹਾਂ ਦੇ ਭਰੋਸੇਮੰਦ ਕਲਾਈਂਬਿੰਗ ਪਾਰਟਨਰ ਅਤੇ ਗਾਈਡ ਪੁਰ ਬਹਾਦਰ ਗੁਰੁੰਗ ਅਤੇ ਨੀਮਾ ਸ਼ੇਰਪਾ ਵੀ ਸ਼ਾਮਲ ਹਨ। ਸਾਡੀਆਂ ਡੂੰਘੀਆਂ ਸੰਵੇਦਨਾਵਾਂ ਅਤੇ ਪ੍ਰਾਰਥਨਾਵਾਂ ਉਨ੍ਹਾਂ ਦੇ ਪਰਿਵਾਰਾਂ, ਦੋਸਤਾਂ ਅਤੇ ਪਿਆਰਿਆਂ ਨਾਲ ਹਨ।”
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
