National: ਤਿੰਨ ਸੂਬਿਆਂ ‘ਚ ਵਿੱਚ 296 ਸੀਟਾਂ ਲਈ ਵੋਟਿੰਗ ਸ਼ੁਰੂ
– ਅਸਾਮ, ਕੇਰਲ ਅਤੇ ਪੁਡੂਚੇਰੀ ਵਿੱਚ ਇੱਕ ਪੜਾਅ ਵਿੱਚ ਹੀ ਚੋਣਾਂ ਹੋਣਗੀਆਂ
ਨਵੀਂ ਦਿੱਲੀ, 9 ਅਪ੍ਰੈਲ 2026 – ਤਿੰਨ ਰਾਜਾਂ ਅਸਾਮ, ਕੇਰਲ ਅਤੇ ਪੁਡੂਚੇਰੀ ਵਿੱਚ 296 ਸੀਟਾਂ ‘ਤੇ ਵੋਟਿੰਗ ਸਵੇਰੇ 7 ਵਜੇ ਸ਼ੁਰੂ ਹੋ ਗਈ ਹੈ ਜੋ ਕਿ ਸ਼ਾਮ 5 ਵਜੇ ਤੱਕ ਜਾਰੀ ਰਹੇਗੀ। ਅਧਿਕਾਰੀਆਂ ਨੇ ਈਵੀਐਮ ਖਰਾਬੀ ਦੀ ਜਾਂਚ ਕਰਨ ਲਈ ਸਵੇਰੇ 6 ਵਜੇ ਤੋਂ 7 ਵਜੇ ਦੇ ਵਿਚਕਾਰ ਸਾਰੇ ਪੋਲਿੰਗ ਸਟੇਸ਼ਨਾਂ ‘ਤੇ ਮੌਕ ਪੋਲਿੰਗ ਕੀਤੀ। ਤਿੰਨਾਂ ਰਾਜਾਂ ਵਿੱਚ ਪਹਿਲੀ ਵਾਰ 10 ਲੱਖ ਤੋਂ ਵੱਧ ਵੋਟਰ ਆਪਣੀ ਵੋਟ ਪਾਉਣਗੇ।
70 ਸਾਲਾਂ ਵਿੱਚ ਪਹਿਲੀ ਵਾਰ, ਕੋਈ ਮੁੱਖ ਮੰਤਰੀ ਕੇਰਲ ਵਿੱਚ ਹੈਟ੍ਰਿਕ ਲਈ ਚੋਣ ਲੜ ਰਿਹਾ ਹੈ। ਅਸਾਮ ਵਿੱਚ, ਭਾਜਪਾ ਹਿਮੰਤ ਬਿਸਵਾ ਸਰਮਾ ਦੇ ਸਮਰਥਨ ਨਾਲ ਲਗਾਤਾਰ ਤੀਜੀ ਵਾਰ ਸੱਤਾ ਵਿੱਚ ਆਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਪੁਡੂਚੇਰੀ ਵਿੱਚ, ਕਾਂਗਰਸ ਤੋਂ ਦਲ ਬਦਲੂ ਐਨ. ਰੰਗਾਸਾਮੀ, ਸੱਤਾ ਵਿੱਚ ਪੰਜਵੀਂ ਵਾਰ ਆਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਅਸਾਮ ਵਿੱਚ, 41 ਪਾਰਟੀਆਂ ਦੇ 722 ਉਮੀਦਵਾਰ 126 ਸੀਟਾਂ ਲਈ ਚੋਣ ਲੜ ਰਹੇ ਹਨ। ਕੇਰਲ ਵਿੱਚ, 27.1 ਕਰੋੜ ਵੋਟਰ 890 ਉਮੀਦਵਾਰਾਂ ਵਿੱਚੋਂ ਆਪਣਾ ਨੇਤਾ ਚੁਣਨਗੇ। ਪੁਡੂਚੇਰੀ ਵਿੱਚ, 20 ਪਾਰਟੀਆਂ ਦੇ 294 ਉਮੀਦਵਾਰ ਚੋਣ ਲੜ ਰਹੇ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
