National: ਰਾਜਸਥਾਨ ‘ਚ ਰੇਤਲੇ ਤੂਫ਼ਾਨ ਦੀ ਚੇਤਾਵਨੀ ਜਾਰੀ
ਅਹਿਮਦਾਬਾਦ, 31 ਮਈ (ਵਿਸ਼ਵ ਵਾਰਤਾ): ਰਾਜਸਥਾਨ ਦੇ ਜੈਸਲਮੇਰ ਅਤੇ ਜੈਪੁਰ ਲਈ ਰੇਤਲੇ ਤੂਫ਼ਾਨ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਰਿਪੋਰਟਾਂ ਮੁਤਾਬਕ ਕੁਝ ਖੇਤਰਾਂ ਵਿੱਚ 50–60 ਕਿਲੋਮੀਟਰ ਪ੍ਰਤੀ ਘੰਟਾ ਜਾਂ ਇਸ ਤੋਂ ਵੱਧ ਰਫ਼ਤਾਰ ਨਾਲ ਹਵਾਵਾਂ ਚੱਲ ਸਕਦੀਆਂ ਹਨ, ਜਦਕਿ ਰੇਤਲੇ ਤੂਫ਼ਾਨ ਦੇ ਬਾਅਦ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਦੀ ਵੀ ਸੰਭਾਵਨਾ ਹੈ।
ਇਸ ਦੌਰਾਨ ਲੋਕਾਂ ਨੂੰ ਸਾਵਧਾਨੀਆਂ ਵਰਤਣ ਲਈ ਵੀ ਕਿਹਾ ਗਿਆ ਗਏ। ਤੂਫ਼ਾਨ ਦੌਰਾਨ ਘਰਾਂ ਅੰਦਰ ਰਹਿਣ, ਵਾਹਨ ਚਲਾਉਂਦੇ ਸਮੇਂ ਖਾਸ ਸਾਵਧਾਨੀ ਰੱਖਣ ਕਿਉਂਕਿ ਵਿਜ਼ਿਬਿਲਟੀ ਅਚਾਨਕ ਘੱਟ ਸਕਦੀ ਹੈ। ਖੁੱਲ੍ਹੇ ਵਿੱਚ ਖੜ੍ਹੇ ਦਰੱਖਤਾਂ, ਬਿਜਲੀ ਦੇ ਖੰਭਿਆਂ ਅਤੇ ਕੱਚੇ ਢਾਂਚਿਆਂ ਤੋਂ ਦੂਰ ਰਹਿਣ ਅਤੇ ਅੱਖਾਂ ਅਤੇ ਸਾਹ ਦੀ ਸੁਰੱਖਿਆ ਲਈ ਮਾਸਕ ਜਾਂ ਕਪੜਾ ਵਰਤਣ ਲਈ ਕਿਹਾ ਗਿਆ ਹੈ।
ਦੱਸ ਦਈਏ ਕਿ ਬੀਤੇ ਦਿਨ ਵੀ ਰਾਜਸਥਾਨ ਦੇ ਪੰਜ ਜ਼ਿਲ੍ਹਿਆਂ: ਸ਼੍ਰੀਗੰਗਾਨਗਰ, ਬੀਕਾਨੇਰ, ਚੁਰੂ, ਹਨੂਮਾਨਗੜ੍ਹ ਅਤੇ ਸੀਕਰ ਵਿੱਚ ਦੁਪਹਿਰ 3 ਵਜੇ ਰੇਤਲੇ ਤੂਫ਼ਾਨ ਆਇਆ ਸੀ। ਇਸਦਾ ਪ੍ਰਭਾਵ ਲਗਭਗ 200 ਵਰਗ ਕਿਲੋਮੀਟਰ ਦੇ ਖੇਤਰ ਵਿੱਚ ਮਹਿਸੂਸ ਕੀਤਾ ਗਿਆ। ਇਹ ਰੇਤਲੇ ਤੂਫ਼ਾਨ ਹਨੂਮਾਨਗੜ੍ਹ ਅਤੇ ਸ਼੍ਰੀ ਗੰਗਾਨਗਰ ਵਿੱਚ ਸ਼ੁਰੂ ਹੋਇਆ ਸੀ। ਇਸ ਤੂਫਾਨ ਨੂੰ ਪਾਕਿਸਤਾਨ ਤੋਂ ਆਈਆਂ ਤੇਜ਼ ਧੂੜ ਭਰੀਆਂ ਹਵਾਵਾਂ ਨੇ ਹਵਾ ਦਿੱਤੀ। ਤੂਫਾਨ 56 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਪਹੁੰਚ ਗਈ ਸੀ। ਰੇਤ ਦੇ ਤੂਫਾਨ ਨੇ ਦਿਨ ਵੇਲੇ ਹਨੇਰਾ ਕਰ ਦਿੱਤਾ ਸੀ। ਹਵਾ ਦੁਆਰਾ ਲਿਜਾਈ ਗਈ ਰੇਤ ਨੇ ਘਰਾਂ ਨੂੰ ਭਰ ਦਿੱਤਾ। ਆਈਐਮਡੀ ਨੇ ਅੱਜ ਜੈਸਲਮੇਰ ਅਤੇ ਜੈਪੁਰ ਲਈ ਰੇਤ ਦੇ ਤੂਫਾਨ ਦੀ ਚੇਤਾਵਨੀ ਜਾਰੀ ਕੀਤੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
