National: ਕੇਤਨ ਮੌਤ ਮਾਮਲੇ ‘ਚ ਹੋਏ ਅਹਿਮ ਖੁਲਾਸੇ !, ਪੜ੍ਹੋ ਵੇਰਵਾ
ਪੁਣੇ, 24 ਜੂਨ (ਵਿਸ਼ਵ ਵਾਰਤਾ): ਪੁਣੇ ‘ਚ ਕੇਤਨ ਅਗਰਵਾਲ ਕਤਲ ਕੇਸ ਦੀ ਜਾਂਚ ਦੌਰਾਨ ਕਈ ਨਵੇਂ ਖੁਲਾਸੇ ਹੋਏ ਹਨ। ਪੁਲਿਸ ਦੇ ਅਨੁਸਾਰ, ਜੂਨ ਦੀ ਗਰਮੀ ਵਿੱਚ ਲੋਹਾਗੜ੍ਹ ਕਿਲ੍ਹੇ ਵਿੱਚ ਘੁੰਮਦਾ ਇੱਕ ਨੌਜਵਾਨ ਹੂਡੀ ਪਹਿਨ ਕੇ ਕਤਲ ਕੇਸ ਨੂੰ ਸੁਲਝਾਉਣ ਵਿੱਚ ਸਭ ਤੋਂ ਮਹੱਤਵਪੂਰਨ ਸੁਰਾਗ ਬਣਿਆ। ਇਹ ਨੌਜਵਾਨ ਕਿਲ੍ਹੇ ਵਿੱਚ ਕੇਤਨ ਅਗਰਵਾਲ (26) ਅਤੇ ਉਸਦੀ ਮੰਗੇਤਰ ਸੀਆ ਗੋਇਲ (20) ਦਾ ਪਿੱਛਾ ਕਰ ਰਿਹਾ ਸੀ। ਜਾਂਚ ਤੋਂ ਬਾਅਦ ਵਿੱਚ ਉਸ ਨੌਜਵਾਨ ਦੀ ਪਛਾਣ ਚੇਤਨ ਚੌਧਰੀ (22) ਵਜੋਂ ਹੋਈ। ਪੁਲਿਸ ਨੇ ਇਸ ਫੁਟੇਜ ਦੀ ਵਰਤੋਂ ਜਾਂਚ ਨੂੰ ਅੱਗੇ ਵਧਾਉਣ ਲਈ ਕੀਤੀ, ਜਿੱਸ ਕਾਰਨ ਪੁਲਿਸ ਦੇ ਹੱਥ ਕਈ ਅਹਿਮ ਸੁਰਾਗ ਲੱਗੇ।
ਕਤਲ ਤੋਂ ਬਾਅਦ ਪੁਲਿਸ ਨੇ ਸੀਆ ਦੇ ਫੋਨ ਰਿਕਾਰਡਾਂ ਅਤੇ ਸੋਸ਼ਲ ਮੀਡੀਆ ਚੈਟਾਂ ਦੀ ਜਾਂਚ ਕੀਤੀ, ਜਿਸ ਤੋਂ ਬਾਅਦ ਪੁਲਿਸ ਨੂੰ ਉਸਦੇ ਬੁਆਏਫ੍ਰੈਂਡ, ਚੇਤਨ ਬਾਰੇ ਸੁਰਾਗ ਮਿਲੇ। 1 ਜਨਵਰੀ ਤੋਂ 18 ਜੂਨ ਦੇ ਵਿਚਕਾਰ, ਦੋਵਾਂ ਨੇ 2,004 ਕਾਲਾਂ ਹੋਈਆਂ, ਕੁੱਲ 238 ਘੰਟੇ ਗੱਲਬਾਤ ਹੋਈ। ਸੀਆ ਨੇ ਚੇਤਨ ਨੂੰ ਦੱਸਿਆ ਕਿ ਮੰਗਣੀ ਤੋੜਨ ਅਤੇ ਭੱਜਣ ਨਾਲ ਪਰਿਵਾਰ ਦੀ ਬਦਨਾਮੀ ਹੋਏਗੀ, ਜਿਸ ਤੋਂ ਬਾਅਦ ਕਤਲ ਦੀ ਸਾਜਿਸ਼ ਰਚੀ ਗਈ।
ਸੀਆ ਅਤੇ ਕੇਤਨ ਦੀ ਮੰਗਣੀ ਫਰਵਰੀ ਵਿੱਚ ਹੋਈ ਸੀ ਅਤੇ ਉਨ੍ਹਾਂ ਦਾ ਵਿਆਹ ਨਵੰਬਰ ਵਿੱਚ ਹੋਣਾ ਸੀ। 18 ਜੂਨ ਨੂੰ, ਉਹ ਲੋਹਗੜ੍ਹ ਕਿਲ੍ਹੇ ਨੂੰ ਟ੍ਰੈਕਿੰਗ ਕਰਨ ਗਏ ਸਨ। ਕੇਤਨ 400 ਫੁੱਟ ਡੂੰਘੀ ਖੱਡ ਵਿੱਚ ਡਿੱਗ ਗਿਆ ਅਤੇ ਉਸਦੀ ਮੌਤ ਹੋ ਗਈ। ਜਿਸ ਤੋਂ ਬਾਅਦ ਪੁਣੇ ਪੁਲਿਸ ਨੇ ਜਾਂਚ ਤੋਂ ਬਾਅਦ ਮੰਗਲਵਾਰ ਨੂੰ ਖ਼ੁਲਾਸਾ ਕੀਤਾ ਹੈ ਕਿ ਕੇਤਨ ਦੀ ਮੌਤ ਕੋਈ ਹਾਦਸਾ ਨਹੀਂ ਸੀ, ਸਗੋਂ ਇਹ ਇੱਕ ਸੋਚੀ-ਸਮਝੀ ਹੱਤਿਆ ਸੀ। 26 ਸਾਲ ਦੇ ਕੇਤਨ ਵਿਸ਼ਾਲ ਅਗਰਵਾਲ ਦੀ ਉਨ੍ਹਾਂ ਦੀ ਮੰਗੇਤਰ ਸਿਆ ਗੋਇਲ (20) ਅਤੇ ਉਸ ਦੇ ਬੁਆਏਫ੍ਰੈਂਡ ਚੇਤਨ ਚੌਧਰੀ (22) ਨੇ ਮਿਲ ਕੇ ਹੱਤਿਆ ਕਰ ਦਿੱਤੀ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਵਾਂ ਨੇ ਕੇਤਨ ਨੂੰ ਲੋਹਗੜ੍ਹ ਕਿਲ੍ਹੇ ਤੋਂ ਕਰੀਬ 400 ਫੁੱਟ ਡੂੰਘੀ ਖੱਡ ਵਿੱਚ ਧੱਕਾ ਦੇ ਦਿੱਤਾ ਅਤੇ ਇਸ ਨੂੰ ਇੱਕ ਹਾਦਸਾ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ। ਕੇਤਨ 18 ਜੂਨ ਨੂੰ ਆਪਣੀ ਮੰਗੇਤਰ ਸਿਆ ਦੇ ਨਾਲ ਪੁਣੇ ਦੇ ਲੋਹਗੜ੍ਹ ਕਿਲ੍ਹੇ ‘ਤੇ ਟ੍ਰੈਕਿੰਗ ਦੇ ਲਈ ਗਿਆ ਸੀ। ਬਾਅਦ ਵਿੱਚ ਉਸਦੀ ਲਾਸ਼ ਖੱਡ ਵਿੱਚੋਂ ਬਰਾਮਦ ਹੋਈ।
ਇਹ ਪੂਰੀ ਟ੍ਰੈਕਿੰਗ ਕੇਤਨ ਦੀ ਮੰਗੇਤਰ ਦੇ ਆਉਣ ਵਾਲੇ ਜਨਮਦਿਨ ਦਾ ਜਸ਼ਨ ਮਨਾਉਣ ਲਈ ਆਯੋਜਿਤ ਕੀਤੀ ਗਈ ਸੀ, ਜਿਸ ਵਿੱਚ ਮੰਗੇਤਰ ਦੇ ਦੋ ਨਜ਼ਦੀਕੀ ਦੋਸਤ ਵੀ ਸ਼ਾਮਲ ਹੋਏ ਸਨ। ਜਿਵੇਂ-ਜਿਵੇਂ ਪੁਲਿਸ ਨੇ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਸ਼ੁਰੂ ਕੀਤੀ, ਉਨ੍ਹਾਂ ਨੂੰ ਘਟਨਾਕ੍ਰਮ ਵਿੱਚ ਕੁਝ ਸ਼ੱਕ ਪੈਦਾ ਕਰਨ ਵਾਲੇ ਤੱਥ ਮਿਲੇ। ਕੜੀਆਂ ਨੂੰ ਜੋੜਨ ‘ਤੇ ਪੁਲਿਸ ਨੂੰ ਪਤਾ ਲੱਗਿਆ ਕਿ ਕੇਤਨ ਦੀ ਮੰਗੇਤਰ ਅਤੇ ਉਸ ਦੇ ਪੁਰਸ਼ ਮਿੱਤਰ ਨੇ ਮਿਲ ਕੇ ਉਸ ਨੂੰ ਜਾਣਬੁੱਝ ਕੇ ਖੱਡ ਵਿੱਚ ਧੱਕਾ ਦਿੱਤਾ ਸੀ।
ਕੇਤਨ ਦਾ ਆਉਣ ਵਾਲੇ ਨਵੰਬਰ ਮਹੀਨੇ ਵਿੱਚ ਉਸੇ ਮੰਗੇਤਰ ਨਾਲ ਵਿਆਹ ਹੋਣ ਵਾਲਾ ਸੀ। ਦੋਵਾਂ ਪਰਿਵਾਰਾਂ ਵਿੱਚ ਵਿਆਹ ਦੀਆਂ ਤਿਆਰੀਆਂ ਵੱਡੇ ਪੱਧਰ ‘ਤੇ ਚੱਲ ਰਹੀਆਂ ਸਨ ਅਤੇ ਰਾਜਸਥਾਨ ਦੇ ਉਦੈਪੁਰ ਵਿੱਚ ਇੱਕ ਆਲੀਸ਼ਾਨ ਪੈਲੇਸ ਵੀ ਇਸ ਸ਼ਾਨਦਾਰ ਸਮਾਗਮ ਲਈ ਬੁੱਕ ਕੀਤਾ ਜਾ ਚੁੱਕਾ ਸੀ। ਫਿਲਹਾਲ ਪੁਣੇ ਪੁਲਿਸ ਨੇ ਮੁਲਜ਼ਮ ਮੰਗੇਤਰ ਅਤੇ ਉਸ ਦੇ ਪੁਰਸ਼ ਮਿੱਤਰ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਹੁਣ ਹੱਤਿਆ ਦੀਆਂ ਧਾਰਾਵਾਂ ਤਹਿਤ ਇਸ ਪੂਰੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
