National: ਜਨਮਦਿਨ ਵਾਲੇ ਮੁੰਡੇ ਨੇ ਆਪਣੀ ਹੀ ਪਾਰਟੀ ‘ਚ ਕੀਤਾ 3 ਜਣਿਆ ਦਾ ਕਤਲ
– ਚਿਹਰੇ ‘ਤੇ ਕੇਕ ਲਗਾਉਣ ‘ਤੇ ਆਇਆ ਗੁੱਸਾ
– ਭਾਜਪਾ ਨੇਤਾ ਦੇ 2 ਭਰਾਵਾਂ ਅਤੇ ਭਤੀਜੇ ‘ਤੇ ਮਾਰੀਆਂ ਗੋਲੀਆਂ
ਬੁਲੰਦਸ਼ਹਿਰ, 26 ਅਪ੍ਰੈਲ 2026 – ਬੁਲੰਦਸ਼ਹਿਰ ‘ਚ ਜਨਮਦਿਨ ਪਾਰਟੀ ਦੌਰਾਨ ਸ਼ਨੀਵਾਰ ਰਾਤ 12 ਵਜੇ ਦੇ ਕਰੀਬ ਭਾਜਪਾ ਨੇਤਾ ਦੇ ਭਰਾ, ਚਚੇਰੇ ਭਰਾ ਅਤੇ ਭਤੀਜੇ ਦੀ ਹੱਤਿਆ ਕਰ ਦਿੱਤੀ ਗਈ। ਪੁਲਸ ਮੁਤਾਬਕ ਜਿਮ ‘ਚ ਜਨਮਦਿਨ ਪਾਰਟੀ ਚੱਲ ਰਹੀ ਸੀ। ਚਸ਼ਮਦੀਦਾਂ ਨੇ ਦੱਸਿਆ ਕਿ ਭਾਜਪਾ ਨੇਤਾ ਦੇ ਚਚੇਰੇ ਭਰਾ ਨੇ ਜਨਮਦਿਨ ਮਨਾ ਰਹੇ ਮੁਲਜ਼ਮ ਲੜਕੇ ਦੇ ਚਿਹਰੇ ‘ਤੇ ਕੇਕ ਲਾ ਦਿੱਤਾ। ਇਸ ਨਾਲ ਉਹ ਨਾਰਾਜ਼ ਹੋ ਗਿਆ। ਪਹਿਲਾਂ ਝਗੜਾ ਹੋਇਆ। ਇਸ ਤੋਂ ਬਾਅਦ ਮੁਲਜ਼ਮਾਂ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਭਾਜਪਾ ਆਗੂ ਦੇ ਭਰਾਵਾਂ ਅਤੇ ਭਤੀਜੇ ‘ਤੇ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ। ਗੋਲੀ ਲੱਗਣ ਨਾਲ ਤਿੰਨਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਘਟਨਾ ਤੋਂ ਬਾਅਦ ਮੁਲਜ਼ਮ ਫਰਾਰ ਹੋ ਗਿਆ। ਫਿਲਹਾਲ ਮੌਕੇ ‘ਤੇ ਭਾਰੀ ਪੁਲਸ ਫੋਰਸ ਤਾਇਨਾਤ ਹੈ।
ਪੂਰਾ ਮਾਮਲਾ ਖੁਰਜਾ ਸਥਿਤ ਆਰਜੇਐੱਸ ਫਿਟਨੈੱਸ ਜਿਮ ਦਾ ਹੈ। ਮੁਲਜ਼ਮ ਜੀਤੂ ਸੈਣੀ ਬਸਪਾ ਦੇ ਸਾਬਕਾ ਸ਼ਹਿਰੀ ਪ੍ਰਧਾਨ ਰਹਿ ਚੁੱਕੇ ਹਨ। ਗੋਲੀਬਾਰੀ ਵਿੱਚ ਮਨੀਸ਼ ਸੈਣੀ (30), ਆਕਾਸ਼ ਸੈਣੀ (19) ਅਤੇ ਅਮਰਦੀਪ ਸੈਣੀ (32) ਦੀ ਮੌਤ ਹੋ ਗਈ। ਮਨੀਸ਼ ਵਾਰਡ ਨੰਬਰ 24 ਦੇ ਭਾਜਪਾ ਕੌਂਸਲਰ ਸੰਜੇ ਸੈਣੀ ਦਾ ਛੋਟਾ ਭਰਾ ਸੀ, ਜਦਕਿ ਆਕਾਸ਼ ਉਸ ਦਾ ਭਤੀਜਾ ਅਤੇ ਅਮਰਦੀਪ ਚਾਚੇ ਦਾ ਪੁੱਤਰ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
