MP : ਪੰਡਿਤ ਧੀਰੇਂਦਰ ਸ਼ਾਸਤਰੀ ਦੇ ਬਾਗੇਸ਼ਵਰ ਧਾਮ ‘ਚ ਵੱਡਾ ਹਾਦਸਾ
ਆਰਤੀ ਤੋਂ ਬਾਅਦ ਡਿੱਗਿਆ ਟੈਂਟ
ਇਕ ਸ਼ਰਧਾਲੂ ਦੀ ਮੌਤ; ਕਈ ਜ਼ਖਮੀ
ਮੱਧ ਪ੍ਰਦੇਸ਼, 3 ਜੁਲਾਈ (ਵਿਸ਼ਵ ਵਾਰਤਾ): ਮੱਧ ਪ੍ਰਦੇਸ਼ ਦੇ ਛਤਰਪੁਰ ਤੋਂ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਪੰਡਿਤ ਧੀਰੇਂਦਰ ਕ੍ਰਿਸ਼ਨ ਸ਼ਾਸਤਰੀ ਦੇ ਬਾਗੇਸ਼ਵਰ ਧਾਮ ਵਿਖੇ ਵੀਰਵਾਰ (3 ਜੁਲਾਈ) ਨੂੰ ਟੈਂਟ ਡਿੱਗ ਗਿਆ। ਹਾਦਸੇ ਦੌਰਾਨ ਲੋਹੇ ਦੇ ਐਂਗਲ ਦੇ ਸਿਰ ‘ਤੇ ਲੱਗਣ ਕਾਰਨ ਇੱਕ ਸ਼ਰਧਾਲੂ ਦੀ ਮੌਤ ਹੋ ਗਈ ਜਦਕਿ 5 ਲੋਕ ਜ਼ਖਮੀ ਹੋ ਗਏ।
ਘਟਨਾ ਦੇ ਤੁਰੰਤ ਬਾਅਦ ਜ਼ਖਮੀਆਂ ਨੂੰ ਛਤਰਪੁਰ ਜ਼ਿਲ੍ਹਾ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਇਹ ਘਟਨਾ ਗੜ੍ਹਾ ਪਿੰਡ ਵਿੱਚ ਸਥਿਤ ਬਾਗੇਸ਼ਵਰ ਧਾਮ ਵਿਖੇ ਵਾਪਰੀ। ਜਿਥੇ ਅੱਜ ਸਵੇਰੇ ਬਾਲਾਜੀ ਭਗਵਾਨ ਦੀ ਆਰਤੀ ਕੀਤੀ ਗਈ। ਆਰਤੀ ਦੌਰਾਨ ਮੀਂਹ ਪੈਣਾ ਸ਼ੁਰੂ ਹੋ ਗਿਆ ਸੀ। ਸ਼ਰਧਾਲੂ ਮੀਂਹ ਤੋਂ ਬਚਣ ਲਈ ਇੱਕ ਟੈਂਟ ਦੇ ਹੇਠਾਂ ਇਕੱਠੇ ਹੋਏ ਸਨ ਕਿ ਅਚਾਨਕ ਟੈਂਟ ਡਿੱਗ ਗਿਆ। ਇੱਕ ਸ਼ਰਧਾਲੂ ਦੇ ਸਿਰ ਵਿੱਚ ਲੋਹੇ ਦੀ ਐਂਗਲ ਵੱਜਣ ਕਾਰਨ ਉਸਦੀ ਮੌਤ ਹੋ ਗਈ।
ਮ੍ਰਿਤਕ ਦੀ ਪਛਾਣ ਸ਼ਿਆਮ ਲਾਲ ਕੌਸ਼ਲ ਵਜੋਂ ਹੋਈ ਹੈ। ਸ਼ਿਆਮ ਲਾਲ ਉੱਤਰ ਪ੍ਰਦੇਸ਼ ਦੇ ਅਯੁੱਧਿਆ ਦਾ ਰਹਿਣ ਵਾਲਾ ਸੀ। ਪੁਲਿਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
