Mock Drill ਨੂੰ ਲੈ ਕੇ ਦਿੱਲੀ ‘ਚ ਹੋਈ ਉੱਚ ਪੱਧਰੀ ਮੀਟਿੰਗ
– ਗ੍ਰਹਿ ਮੰਤਰਾਲੇ ਦੀ ਮੀਟਿੰਗ ‘ਚ ਲਏ ਗਏ ਮਹੱਤਵਪੂਰਨ ਫੈਸਲੇ; ਪੜੋ ਵੇਰਵਾ
ਨਵੀ ਦਿੱਲੀ, 6 ਮਈ (ਵਿਸ਼ਵ ਵਾਰਤਾ): ਮੌਕ ਡ੍ਰਿਲ (Mock Drill) ਸਬੰਧੀ ਅੱਜ ਗ੍ਰਹਿ ਮੰਤਰਾਲੇ ਦੀ ਇੱਕ ਮਹੱਤਵਪੂਰਨ ਮੀਟਿੰਗ ਹੋਈ, ਜਿਸਦੀ ਪ੍ਰਧਾਨਗੀ ਗ੍ਰਹਿ ਸਕੱਤਰ ਗੋਵਿੰਦ ਮੋਹਨ ਨੇ ਕੀਤੀ। ਅਜਿਹੀ ਮੀਟਿੰਗ ਲਗਭਗ 54 ਸਾਲਾਂ ਬਾਅਦ ਹੋਈ ਹੈ। ਦਿੱਲੀ ਵਿੱਚ ਹੋਈ ਇਸ ਉੱਚ ਪੱਧਰੀ ਮੀਟਿੰਗ ਚ ਰਾਜਾਂ ਦੇ ਮੁੱਖ ਸਕੱਤਰਾਂ ਅਤੇ ਸਿਵਲ ਡਿਫੈਂਸ ਮੁਖੀ ਸਮੇਤ ਕਈ ਉੱਚ ਦਰਜੇ ਦੇ ਅਧਿਕਾਰੀ ਸ਼ਾਮਲ ਹੋਏ।
ਪਹਿਲਗਾਮ ਅੱਤਵਾਦੀ ਹਮਲੇ ਨੂੰ ਲੈ ਕੇ ਪਾਕਿਸਤਾਨ ਨਾਲ ਵਧੇ ਤਣਾਅ ਦੇ ਵਿਚਕਾਰ ਹੋਈ ਇਸ ਮੀਟਿੰਗ ਵਿੱਚ, ਗ੍ਰਹਿ ਮੰਤਰਾਲੇ ਦੇ ਸਭ ਤੋਂ ਸੀਨੀਅਰ ਅਧਿਕਾਰੀ ਨਾਲ ਸਿਵਲ ਡਿਫੈਂਸ ਸਿਸਟਮ ਨੂੰ ਮਜ਼ਬੂਤ ਕਰਨ ਦੀਆਂ ਤਿਆਰੀਆਂ ਦੀ ਸਮੀਖਿਆ ਕੀਤੀ ਗਈ।
ਇਹ ਮੌਕ ਡ੍ਰਿਲ ਕੱਲ੍ਹ ਯਾਨੀ 7 ਮਈ ਤੋਂ ਦੇਸ਼ ਦੇ 244 ਜ਼ਿਲ੍ਹਿਆਂ ਵਿੱਚ ਕੀਤਾ ਜਾਣਾ ਹੈ, ਪਰ ਅੱਜ ਤੋਂ ਹੀ, ਲਖਨਊ, ਸ਼੍ਰੀਨਗਰ ਅਤੇ ਮੁੰਬਈ ਵਿੱਚ ਨਾਗਰਿਕਾਂ ਨੂੰ ਜੰਗ ਦੌਰਾਨ ਬਚਣ ਲਈ ਸਿਖਲਾਈ ਦਿੱਤੀ ਜਾ ਰਹੀ ਹੈ। ਮੌਕ ਡਰਿੱਲ ਦੌਰਾਨ ਹਵਾਈ ਹਮਲੇ ਦੀ ਚੇਤਾਵਨੀ ਦੇਣ ਵਾਲੇ ਸਾਇਰਨ ਵੀ ਵਜਾਏ ਜਾਣਗੇ।
ਮੀਟਿੰਗ ਵਿੱਚ ਕਿਹੜੀਆਂ ਗੱਲਾਂ ਤੇ ਹੋਈ ਚਰਚਾ-
– ਸਿਵਲ ਡਿਫੈਂਸ ਬੁਨਿਆਦੀ ਢਾਂਚੇ ਦਾ ਮੁਲਾਂਕਣ: ਮੀਟਿੰਗ ਦੌਰਾਨ 244 ਸਿਵਲ ਡਿਫੈਂਸ ਯੂਨਿਟਾਂ ਦੀ ਕਾਰਜਸ਼ੀਲ ਸਥਿਤੀ ਦਾ ਮੁਲਾਂਕਣ ਕੀਤਾ ਗਿਆ।
– ਸਿਖਲਾਈ ਅਤੇ ਜਨਤਕ ਜਾਗਰੂਕਤਾ: ਐਮਰਜੈਂਸੀ ਪ੍ਰੋਟੋਕੋਲ ਨਾਗਰਿਕਾਂ ਨੂੰ ਹਵਾਈ ਹਮਲੇ ਦੇ ਸਾਇਰਨ ਦਾ ਜਵਾਬ ਦੇਣ ਅਤੇ ਬਲੈਕਆਊਟ ਸਥਿਤੀਆਂ ਨੂੰ ਕਿਵੇਂ ਸੰਭਾਲਣਾ ਹੈ, ਇਸ ਬਾਰੇ ਸਿਖਲਾਈ ਦੇਣ ਲਈ ਰਣਨੀਤੀਆਂ ‘ਤੇ ਜ਼ੋਰ ਦਿੱਤਾ ਗਿਆ।
– ਐਮਰਜੈਂਸੀ ਤਿਆਰੀ ਦੇ ਉਪਾਅ: ਮੁੱਢਲੀ ਸਹਾਇਤਾ ਦੀ ਤਿਆਰੀ ਦੀ ਮਹੱਤਤਾ ਅਤੇ ਹਰ ਘਰ ਵਿੱਚ ਇੱਕ ਕੰਮ ਕਰਨ ਵਾਲੀ ਟਾਰਚ ਅਤੇ ਲੋੜੀਂਦੀਆਂ ਮੋਮਬੱਤੀਆਂ ਰੱਖਣ ਦੀ ਸਿਫਾਰਸ਼ ਕੀਤੀ ਗਈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
