Mahakumbh 2025: ਮਹਾਕੁੰਭ ‘ਚ ਮਹਿੰਗੀਆਂ ਉਡਾਣਾਂ ਨੂੰ ਲੈ ਕੇ ਰਾਘਵ ਚੱਢਾ ਨੇ ਚੁੱਕੇ ਸਵਾਲ
ਨਵੀ ਦਿੱਲੀ : ਇਨ੍ਹੀਂ ਦਿਨੀਂ ਲਗਭਗ ਹਰ ਕੋਈ ਪ੍ਰਯਾਗਰਾਜ ਜਾਣ ਦੀ ਯੋਜਨਾ ਬਣਾ ਰਿਹਾ ਹੈ। ਕੁਝ ਆਪਣੇ ਦੋਸਤਾਂ ਨਾਲ ਜਾ ਰਹੇ ਹਨ, ਕੁਝ ਆਪਣੇ ਪਰਿਵਾਰ ਨਾਲ, ਅਤੇ ਕਈ ਲੋਕ ਮਹਾਕੁੰਭ ਵਿੱਚ ਇਸ਼ਨਾਨ ਕਰਨ ਲਈ ਇਕੱਲੇ ਜਾ ਰਹੇ ਹਨ। ਆਮ ਆਦਮੀ ਪਾਰਟੀ ਨੇ ਮਹਾਕੁੰਭ ‘ਚ ਉਡਾਣਾਂ ਦੇ ਕਿਰਾਏ ‘ਤੇ ਸਵਾਲ ਖੜ੍ਹੇ ਕੀਤੇ ਹਨ।
‘ਆਪ’ ਦੇ ਰਾਜ ਸਭਾ ਮੈਂਬਰ ਰਾਘਵ ਚੱਢਾ ਦਾ ਕਹਿਣਾ ਹੈ ਕਿ ਮਹਾਕੁੰਭ ਨੂੰ ਏਅਰਲਾਈਨ ਕੰਪਨੀਆਂ ਨੇ ਲਾਹੇਵੰਦ ਸੌਦਾ ਬਣਾ ਲਿਆ ਹੈ। ਕੰਪਨੀਆਂ ਸੇਵਾ ਦੀ ਬਜਾਏ ਲੁੱਟ ਕਰਨ ਵਿੱਚ ਲੱਗੀਆਂ ਹੋਈਆਂ ਹਨ। ਸਰਕਾਰ ਨੂੰ ਇਸ ਨੂੰ ਤੁਰੰਤ ਬੰਦ ਕਰਨਾ ਚਾਹੀਦਾ ਹੈ। ਰਾਘਵ ਚੱਢਾ ਨੇ ਵੀਡੀਓ ਜਾਰੀ ਕਰਕੇ ਕਿਹਾ ਹੈ ਕਿ ਪ੍ਰਯਾਗਰਾਜ ਜਾਣ ਵਾਲੀਆਂ ਫਲਾਈਟਾਂ ਜੋ ਪਹਿਲਾਂ 5 ਹਜ਼ਾਰ ਰੁਪਏ ਕਿਰਾਇਆ ਲੈ ਰਹੀਆਂ ਸਨ, ਹੁਣ 60-70 ਹਜ਼ਾਰ ਰੁਪਏ ਦਾ ਕਿਰਾਇਆ ਵਸੂਲ ਰਹੀਆਂ ਹਨ। ਇਹ ਸ਼ਰੇਆਮ ਲੁੱਟ ਹੈ। ਕਿਰਾਏ ਵਧਣ ਕਾਰਨ ਲੋਕ ਪ੍ਰਯਾਗਰਾਜ ਕੁੰਭ ‘ਚ ਨਹੀਂ ਜਾ ਪਾ ਰਹੇ ਹਨ। ਰਾਘਵ ਚੱਢਾ ਨੇ ਕੇਂਦਰ ਸਰਕਾਰ ਨੂੰ ਇਸ ਦੀ ਸਮੀਖਿਆ ਕਰਨ ਅਤੇ ਤੁਰੰਤ ਕਾਰਵਾਈ ਕਰਨ ਦੀ ਅਪੀਲ ਕੀਤੀ ਹੈ। ਚੱਢਾ ਨੇ ਸਰਕਾਰ ਤੋਂ ਹਵਾਈ ਜਹਾਜ਼ ਚਲਾਉਣ ਵਾਲੀਆਂ ਕੰਪਨੀਆਂ ਦੇ ਕਿਰਾਏ ਸਬੰਧੀ ਗਾਈਡਲਾਈਨ ਦੀ ਵੀ ਮੰਗ ਕੀਤੀ ਹੈ।
ਹੋਰ ਖ਼ਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ‘ਤੇ ਕਲਿੱਕ ਕਰੋ : https://wishavwarta.in/
