Ludhiana ਗੰਦੇ ਨਾਲੇ ਵਿਚੋਂ ਮਿਲੀ ਬੱਚੇ ਦੀ ਲਾਸ਼
ਲੁਧਿਆਣਾ, 21 ਜੂਨ (ਵਿਸ਼ਵ ਵਾਰਤਾ): ਲੁਧਿਆਣਾ ਦੇ ਕੁੰਦਨ ਪੁਰੀ ਇਲਾਕੇ ‘ਚ ਇੱਕ 10 ਸਾਲਾ ਬੱਚੇ ਦੀ ਲਾਸ਼ ਗੰਦੇ ਚੋ ਮਿਲੀ ਹੈ । ਬੱਚੇ ਦੀ ਲਾਸ਼ ਬੀਤੀ ਰਾਤ ਕਰੀਬ 10:30 ਵਜੇ ਗੋਤਾਖੋਰਾਂ ਨੂੰ ਨਾਲੇ ਵਿੱਚੋਂ ਮਿਲੀ। ਲਾਸ਼ ਬਹੁਤ ਹੀ ਖਰਾਬ ਹਾਲਤ ‘ਚ ਮਿਲੀ ਹੈ। ਬੱਚੇ ਦਾ ਨਾਮ ਆਸ਼ਿਕ ਅੰਸਾਰੀ ਹੈ ਜੋ ਕਿ ਪੰਜਵੀਂ ਜਮਾਤ ਦਾ ਵਿਦਿਆਰਥੀ ਸੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੱਚਾ ਪੁਲ ਪਾਰ ਕਰ ਰਿਹਾ ਸੀ ਕਿ ਅਚਾਨਕ ਉਸਦਾ ਪੈਰ ਫਿਸਲ ਗਿਆ। ਜਿਸ ਕਾਰਨ ਉਹ ਗੰਦੇ ਨਾਲੇ ਵਿੱਚ ਡਿੱਗ ਗਿਆ। ਗੰਦੇ ਨਾਲੇ ਚ ਡੁੱਬਣ ਕਾਰਨ ਉਸਦਾ ਮੂੰਹ ਅਤੇ ਪੇਟ ਗੰਦੇ ਪਾਣੀ ਨਾਲ ਭਰ ਗਏ, ਜਿਸ ਕਾਰਨ ਉਸਦੀ ਦਮ ਘੁੱਟਣ ਨਾਲ ਮੌਤ ਹੋ ਗਈ।ਫਿਲਹਾਲ ਆਸ਼ਿਕ ਅੰਸਾਰੀ ਦੀ ਲਾਸ਼ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ ਅਤੇ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿੱਚ ਰੱਖਿਆ ਗਿਆ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
