Ludhiana ਤੋਂ 500 ਰੁਪਏ ‘ਚ ਖਰੀਦੇ ਵੈਸਾਖੀ ਬੰਪਰ ਟਿਕਟ ਨੇ ਬਦਲੀ ਕਿਸਮਤ
– ਜਾਣੋ ਕੌਣ ਬਣਿਆ ਰਾਤੋ-ਰਾਤ ਕਰੋੜਪਤੀ?
ਲੁਧਿਆਣਾ, 20 ਅਪ੍ਰੈਲ 2026 (ਵਿਸ਼ਵ ਵਾਰਤਾ): ਵੈਸਾਖੀ ਬੰਪਰ ਦਾ ਜੇਤੂ ਆਖਿਰਕਾਰ ਮਿਲ ਗਿਆ ਹੈ। ਦਿੱਲੀ ਦੇ ਪੱਛਮ ਵਿਹਾਰ ਦੇ ਰਿਟਾਇਰਡ ਪੋਸਟਮਾਸਟਰ ਓਮਪ੍ਰਕਾਸ਼ ਨੇ ਪੰਜਾਬ ਸਟੇਟ ਵੈਸਾਖੀ ਬੰਪਰ ਜਿੱਤਿਆ ਹੈ। ਓਮਪ੍ਰਕਾਸ਼ ਪਿਛਲੇ 30 ਸਾਲਾਂ ਤੋਂ ਲਾਟਰੀ ਖਰੀਦ ਰਹੇ ਸਨ। ਇਸ ਵਾਰ ਉਨ੍ਹਾਂ ਨੂੰ ਵੈਸਾਖੀ ਬੰਪਰ ‘ਤੇ 6 ਕਰੋੜ ਰੁਪਏ ਦਾ ਇਨਾਮ ਨਿਕਲਿਆ ਹੈ।
ਇਹ ਟਿਕਟ ਲੁਧਿਆਣਾ ਦੇ ਘੰਟਾ ਘਰ ਇਲਾਕੇ ਵਿਚ ਸਥਿਤ ‘ਗਾਂਧੀ ਬ੍ਰਦਰਜ਼’ ਦੀ ਲਾਟਰੀ ਦੀ ਦੁਕਾਨ ਤੋਂ ਸਿਰਫ਼ 500 ਰੁਪਏ ਵਿਚ ਖਰੀਦੀ ਗਈ ਸੀ ਦਰਅਸਲ, 18 ਅਪ੍ਰੈਲ ਨੂੰ ਵਿਸਾਖੀ ਬੰਪਰ ਦਾ ਨਤੀਜਾ ਐਲਾਨਿਆ ਗਿਆ ਸੀ। ਪਰ 6 ਕਰੋੜ ਰੁਪਏ ਦੀ ਲਾਟਰੀ ਜਿੱਤਣ ਵਾਲੇ ਵਿਅਕਤੀ ਦੀ ਕੋਈ ਉੱਗ-ਸੁੱਗ ਹੀ ਨਹੀਂ ਮਿਲ ਰਹੀ ਸੀ ਜਿਸ ਕਾਰਨ ਹਰ ਕੋਈ ਇਹ ਜਾਣਨਲੀ ਉਤਸੁਕ ਸੀ ਕਿ ਕਿਸਦੀ ਕਿਸਮਤ ਨੇ ਪਲਟੀ ਮਾਰੀ ਹੈ।
ਰਿਟਾਇਰਡ ਪੋਸਟਮਾਸਟਰ ਓਮ ਪ੍ਰਕਾਸ਼ ਨੇ ਦੱਸਿਆ ਕਿ ਲੁਧਿਆਣਾ ਵਿੱਚ ਉਨ੍ਹਾਂ ਦੇ ਰਿਸ਼ਤੇਦਾਰ ਰਹਿੰਦੇ ਹਨ। ਉਹ ਅਕਸਰ ਲੁਧਿਆਣਾ ਆਉਂਦੇ ਰਹਿੰਦੇ ਹਨ। ਉਹ ਪਿਛਲੇ 30 ਸਾਲਾਂ ਤੋਂ ਲਾਟਰੀ ਖਰੀਦ ਰਹੇ ਹਨ। ਓਮ ਪ੍ਰਕਾਸ਼ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਕਦੇ ਕੋਈ ਇਨਾਮ ਨਹੀਂ ਜਿੱਤਿਆ। ਜਦੋਂ ਲਾਟਰੀ ਬੰਪਰ ਬਾਰੇ ਪਤਾ ਲੱਗਿਆ ਤਾਂ ਪੂਰਾ ਪਰਿਵਾਰ ਹੈਰਾਨ ਰਹਿ ਗਿਆ।
ਓਮਪ੍ਰਕਾਸ਼ ਦੇ ਬੇਟੇ ਮਨੋਜ ਨੇ ਕਿਹਾ ਕਿ ਪਿਤਾ ਓਮਪ੍ਰਕਾਸ਼ ਨੂੰ ਡਾਕਖਾਨੇ ਤੋਂ ਪੈਨਸ਼ਨ ਮਿਲਦੀ ਹੈ, ਇਸ ਕਾਰਨ ਉਨ੍ਹਾਂ ਨੂੰ ਪੈਸਿਆਂ ਦਾ ਕੋਈ ਲਾਲਚ ਨਹੀਂ ਹੈ। ਜਿਹੜਾ ਪੈਸਾ ਮਿਲੇਗਾ, ਉਸ ਦਾ ਸਹੀ ਇਸਤੇਮਾਲ ਕਰਨਗੇ। ਇਲਾਕੇ ਵਿੱਚ ਜੋ ਲੋੜਵੰਦ ਹੋਣਗੇ ਅਤੇ ਅਨਾਥ ਆਸ਼ਰਮਾਂ ਵਿੱਚ ਵੀ ਉਹ ਜ਼ਰੂਰ ਮਦਦ ਕਰਨਗੇ। ਇਹ ਪੈਸਾ ਸਾਡੇ ਲਈ ਬਹੁਤ ਹੈ। ਅੱਜ ਪੂਰੇ ਪਰਿਵਾਰ ਵਿੱਚ ਖੁਸ਼ੀ ਦੀ ਲਹਿਰ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
