Latest news : ਇਸ ਭਾਜਪਾ ਵਿਧਾਇਕ ਨੇ ਅਚਾਨਕ ਛੱਡੀ ਪਾਰਟੀ
ਅਸਤੀਫ਼ੇ ‘ਚ ਆਪਣਾ ਦਰਦ ਕੀਤਾ ਬਿਆਨ, ਕਿਹਾ – ‘”ਮੈਂ ਸਿਰਫ਼ ਖ਼ੁਦ ਲਈ ਨਹੀਂ, ਸਗੋਂ….”
ਹੈਦਰਾਬਾਦ, 1 ਜੁਲਾਈ (ਵਿਸ਼ਵ ਵਾਰਤਾ): ਤੇਲੰਗਾਨਾ ਭਾਜਪਾ ਵਿਧਾਇਕ ਟੀ ਰਾਜਾ ਸਿੰਘ ਨੇ ਪਾਰਟੀ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਗੋਸ਼ਾਮਹਲ ਦੇ ਵਿਧਾਇਕ ਟੀ ਰਾਜਾ ਨੇ ਸਾਬਕਾ ਐਮਐਲਸੀ ਰਾਮਚੰਦਰ ਰਾਓ ਨੂੰ ਤੇਲੰਗਾਨਾ ਭਾਜਪਾ ਪ੍ਰਧਾਨ ਬਣਾਏ ਜਾਣ ਦੀਆਂ ਖ਼ਬਰਾਂ ‘ਤੇ ਸਖ਼ਤ ਨਾਰਾਜ਼ਗੀ ਜ਼ਾਹਰ ਕਰਦੇ ਹੋਏ ਭਾਜਪਾ ਦੀ ਮੁੱਢਲੀ ਮੈਂਬਰਸ਼ਿਪ ਛੱਡ ਦਿੱਤੀ।
ਭਾਜਪਾ ਤੇਲੰਗਾਨਾ ਪ੍ਰਦੇਸ਼ ਪ੍ਰਧਾਨ ਜੀ ਕਿਸ਼ਨ ਰੈੱਡੀ ਨੂੰ ਭੇਜੇ ਅਸਤੀਫੇ ‘ਚ ਟੀ ਰਾਜਾ ਸਿੰਘ ਨੇ ਕਿਹਾ ਕਿ “ਬਹੁਤ ਸਾਰੇ ਲੋਕਾਂ ਦੀ ਚੁੱਪੀ ਨੂੰ ਸਹਿਮਤੀ ਨਹੀਂ ਸਮਝਣਾ ਚਾਹੀਦਾ। ਮੈਂ ਸਿਰਫ਼ ਖ਼ੁਦ ਲਈ ਨਹੀਂ ਸਗੋਂ ਅਣਗਿਣਤ ਵਰਕਰਾਂ ਅਤੇ ਵੋਟਰਾਂ ਲਈ ਬੋਲ ਰਿਹਾ ਹਾਂ ਜੋ ਵਿਸ਼ਵਾਸ ਨਾਲ ਸਾਡੇ ਨਾਲ ਖੜ੍ਹੇ ਸਨ ਅਤੇ ਜੋ ਅੱਜ ਠੱਗੇ ਹੋਏ ਮਹਿਸੂਸ ਕਰ ਰਹੇ ਹਨ।
ਆਪਣੇ ਪੱਤਰ ਵਿੱਚ ਰਾਜਾ ਸਿੰਘ ਨੇ ਸਪੱਸ਼ਟ ਕੀਤਾ ਕਿ ਭਾਵੇਂ ਉਹ ਭਾਜਪਾ ਤੋਂ ਵੱਖ ਹੋ ਰਹੇ ਹਨ, ਪਰ ਹਿੰਦੂਤਵ ਵਿਚਾਰਧਾਰਾ ਅਤੇ ਧਰਮ ਦੀ ਸੇਵਾ ਪ੍ਰਤੀ ਉਨ੍ਹਾਂ ਦੀ ਵਚਨਬੱਧਤਾ ਬਰਕਰਾਰ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਆਪਣੀ ਆਵਾਜ਼ ਬੁਲੰਦ ਕਰਦਾ ਰਹਾਂਗਾ ਅਤੇ ਹਿੰਦੂ ਭਾਈਚਾਰੇ ਨਾਲ ਹੋਰ ਵੀ ਮਜ਼ਬੂਤੀ ਨਾਲ ਖੜ੍ਹਾ ਰਹਾਂਗਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
