Latest News ਦਿੱਲੀ ਵਿਧਾਨ ਸਭਾ ਚੋਣਾਂ: ‘ਆਪ’ ਵੱਲੋਂ ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ
ਨਵੀਂ ਦਿੱਲੀ : ਆਮ ਆਦਮੀ ਪਾਰਟੀ ਨੇ ਦਿੱਲੀ ਵਿਧਾਨ ਸਭਾ ਚੋਣਾਂ ਲਈ ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਸੂਚੀ ਵਿੱਚ 11 ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਹੈ। ਇਨ੍ਹਾਂ ਵਿੱਚੋਂ ਛੇ ਅਜਿਹੇ ਆਗੂ ਹਨ ਜੋ ਭਾਜਪਾ ਜਾਂ ਕਾਂਗਰਸ ਛੱਡ ਕੇ ‘ਆਪ’ ਵਿੱਚ ਸ਼ਾਮਲ ਹੋਏ ਹਨ। ਜਾਣਕਾਰੀ ਅਨੁਸਾਰ ਸਾਬਕਾ ਭਾਜਪਾ ਨੇਤਾਵਾਂ ਬ੍ਰਹਮ ਸਿੰਘ ਤੰਵਰ, ਅਨਿਲ ਝਾਅ ਅਤੇ ਬੀਬੀ ਤਿਆਗੀ ਦੇ ਨਾਲ-ਨਾਲ ਕਾਂਗਰਸ ਦੇ ਸਾਬਕਾ ਨੇਤਾ ਚੌਧਰੀ ਜ਼ੁਬੈਰ ਅਹਿਮਦ, ਵੀਰ ਧੀਂਗਾਨ ਅਤੇ ਸੁਮੇਸ਼ ਸ਼ੋਕੀਨ ਜੋ ਹਾਲ ਹੀ ’ਚ ‘ਆਪ’ ’ਚ ਸ਼ਾਮਿਲ ਹੋਏ ਹਨ, ਨੂੰ ਵੀ ਸੂਚੀ ’ਚ ਸ਼ਾਮਲ ਕੀਤਾ ਗਿਆ ਹੈ।
ਦੱਸ ਦਈਏ ਕਿ ਮਨੋਜ ਤਿਆਗੀ -ਕਰਾਵਲ ਨਗਰ ਤੋਂ ,ਅਨਿਲ ਝਾਅ – ਕਿਰਾੜੀ ਤੋਂ, ਦੀਪਕ ਸਿੰਗਲਾ -ਵਿਸ਼ਵਾਸ ਨਗਰ ਤੋਂ, ਸਰਿਤਾ ਸਿੰਘ- ਰੋਹਤਾਸ ਨਗਰ ਤੋਂ,ਬੀਬੀ ਤਿਆਗੀ – ਲਕਸ਼ਮੀ ਨਗਰ ਤੋਂ, ਰਾਮ ਸਿੰਘ ਨੇਤਾ – ਬਦਰਪੁਰ ਤੋਂ, ਜ਼ੁਬੈਰ ਚੌਧਰੀ- ਸੀਲਮਪੁਰ ਤੋਂ,ਵੀਰ ਸਿੰਘ ਧੀਂਗਾਨ – ਸੀਮਾਪੁਰੀ ਤੋਂ,ਗੌਰਵ ਸ਼ਰਮਾ – ਘੋਂਡਾ ਤੋਂ, ਸੋਮੇਸ਼ ਸ਼ੌਕੀਨ -ਮਟਿਆਲਾ ਤੋਂ, ਅਤੇ ਬ੍ਰਹਮਾ ਸਿੰਘ ਤੰਵਰ- ਛਤਰਪੁਰ ਤੋਂ ਚੋਣ ਲੜਨਗੇ।
‘ਹੋਰ ਖ਼ਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ‘ਤੇ ਕਲਿੱਕ ਕਰੋ : https://wishavwarta.in/
