Latest News : ਕੰਗਨਾ ਰਣੌਤ ਦੀ ਫਿਲਮ ਐਮਰਜੰਸੀ ‘ਤੇ ਵੱਡਾ ਅਪਡੇਟ, ਜਾਣੋ ਸੈਂਸਰ ਬੋਰਡ ਨੇ ਕੀ ਕਿਹਾ
ਚੰਡੀਗੜ੍ਹ ,8 ਸਤੰਬਰ ( ਵਿਸ਼ਵ ਵਾਰਤਾ)Latest News : ਲਗਾਤਾਰ ਵਿਵਾਦਾਂ ਤੋਂ ਬਾਅਦ Kangana Ranaut ਦੀ ਫਿਲਮ ਐਮਰਜੰਸੀ ਦੇ ਉੱਪਰ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ। ਸੈਂਸਰ ਬੋਰਡ ਨੇ ਕੰਗਨਾ ਦੀ ਇਸ ਫਿਲਮ ਨੂੰ ਲੈ ਕੇ ਵੱਡਾ ਫੈਸਲਾ ਦਿੱਤਾ ਹੈ। ਸੈਂਸਰ ਬੋਰਡ ਦੇ ਹੁਕਮ ਤੋਂ ਬਾਅਦ ਇਹ ਫਿਲਮ 3 ਕੱਟ ਅਤੇ 10 ਬਦਲਾਅ ਦੇ ਨਾਲ ਰਿਲੀਜ਼ ਹੋਵੇਗੀ ਹੈ।
ਪਹਿਲਾਂ ਇਹ ਫਿਲਮ 6 ਸਤੰਬਰ ਨੂੰ ਰਿਲੀਜ਼ ਹੋਣੀ ਸੀ ਪਰ ਫਿਲਮ ਦੇ ਕੁਝ ਸੀਨ ਨੂੰ ਲੈ ਕੇ ਲਗਾਤਾਰ ਵਿਵਾਦ ਚੱਲ ਰਿਹਾ ਸੀ। ਹੁਣ ਸੈਂਸਰ ਬੋਰਡ ਨੇ ਆਖਰ ਇਸ ਫਿਲਮ ਦੇ ਉੱਪਰ ਕੈਂਚੀ ਚਲਾ ਦਿੱਤੀ ਹੈ। ਫਿਲਮ ਦੇ ਵਿੱਚ 3 ਕੱਟ ਲਗਾਉਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ ਅਤੇ ਇਸ ਦੇ ਨਾਲ ਹੀ 10 ਜਗ੍ਹਾ ਤੇ ਫਿਲਮ ਵਿੱਚ ਬਦਲਾਅ ਕਰਨ ਲਈ ਕਿਹਾ ਗਿਆ ਹੈ। ਦਰਸ਼ਕ ਹੁਣ ਜਲਦ ਹੀ ਇਸ ਫਿਲਮ ਨੂੰ ਸਿਨੇਮਾ ਘਰਾਂ ਦੇ ਵਿੱਚ ਦੇਖ ਸਕਣਗੇ। ਤੁਹਾਨੂੰ ਦੱਸ ਦਈਏ ਕਿ ਅਜੇ ਤੱਕ ਸੈਂਸਰ ਬੋਰਡ ਨੇ ਫਿਲਮ ਨੂੰ ਸਰਟੀਫਿਕੇਟ ਨਹੀਂ ਦਿੱਤਾ। ਫਿਲਮ ਵਿੱਚ ਇਹਨਾਂ ਬਦਲਾਅ ਤੋਂ ਬਾਅਦ ਜੋ ਸੈਂਸਰ ਬੋਰਡ ਵੱਲੋਂ ਸਿਫਾਰਿਸ਼ ਕੀਤੇ ਗਏ ਹਨ ਫਿਲਮ ਨੂੰ ਸਰਟੀਫਿਕੇਟ ਦਿੱਤਾ ਜਾਵੇਗਾ ਅਤੇ ਜਲਦ ਹੀ ਦਰਸ਼ਕਾਂ ਨੂੰ ਇਹ ਫਿਲਮ ਦੇਖਣ ਨੂੰ ਮਿਲੇਗੀ। ਸੈਂਸਰ ਬੋਰਡ ਵੱਲੋਂ ਸੁਣਾਇਆ ਗਿਆ ਇਸ ਫੈਸਲੇ ਤੋਂ ਬਾਅਦ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜਲਦ ਹੀ ਕੰਗਣਾ ਵੱਲੋਂ ਇਸ ਫਿਲਮ ਦੀ ਨਵੀਂ ਰਿਲੀਜ਼ ਤਰੀਕ ਦਾ ਐਲਾਨ ਕੀਤਾ ਜਾਵੇਗਾ। ਸਿੱਖ ਭਾਈਚਾਰੇ ਵੱਲੋਂ ਲਗਾਤਾਰ ਇਸ ਫਿਲਮ ਦਾ ਵਿਰੋਧ ਕੀਤਾ ਜਾ ਰਿਹਾ ਸੀ। ਫਿਲਮ ਦੇ ਖਿਲਾਫ ਕਈ ਜਗ੍ਹਾ ਤੇ ਪ੍ਰਦਰਸ਼ਨ ਵੀ ਹੋਏ ਸਨ ਅਤੇ ਐਸਜੀਪੀਸੀ ਨੇ ਵੀ ਇਸ ਫਿਲਮ ਦੇ ਖਿਲਾਫ ਆਪਣਾ ਇਤਰਾਜ਼ ਪ੍ਰਗਟ ਕੀਤਾ ਸੀ। ਫਿਲਮ ਦੇ ਵਿਰੋਧ ਨੂੰ ਦੇਖਦਿਆਂ ਸਰਕਾਰ ਵੱਲੋਂ ਇਸ ਫਿਲਮ ਦੇ ਉੱਪਰ ਕੁਝ ਸਮੇਂ ਲਈ ਰੋਕ ਲਗਾਈ ਗਈ ਸੀ ਅਤੇ ਸੈਂਸਰ ਬੋਰਡ ਨੇ ਵੀ ਇਸ ਨੂੰ ਪਾਸ ਕਰਨ ਤੇ ਰੋਕ ਲਗਾ ਦਿੱਤੀ ਸੀ। ਹੁਣ ਫਿਲਮ ਨੂੰ ਲੈ ਕੇ ਇੱਕ ਚੰਗੀ ਖਬਰ ਆਈ ਹੈ 3 ਕੱਟ ਅਤੇ 10 ਬਦਲਾਅ ਦੇ ਨਾਲ ਜਲਦ ਹੀ ਇਹ ਫਿਲਮ ਦਰਸ਼ਕਾਂ ਨੂੰ ਸਿਨੇਮਾ ਘਰਾਂ ਦੇ ਵਿੱਚ ਦੇਖਣ ਨੂੰ ਮਿਲੇਗੀ।
