ITR ਫਾਈਲ ਕਰਨ ਦੀ ਆਖਰੀ ਮਿਤੀ ਅੱਜ
ਨਵੀਂ ਦਿੱਲੀ, 31 ਜੁਲਾਈ, 2026 (ਵਿਸ਼ਵ ਵਾਰਤਾ): ਅੱਜ 31 ਜੁਲਾਈ 2026 ਆਮਦਨ ਟੈਕਸ ਰਿਟਰਨ ਭਰਨ ਦੀ ਆਖਰੀ ਮਿਤੀ ਹੈ। ਜੇਕਰ ਤੁਸੀਂ ਅੱਜ ਆਪਣਾ ITR ਫਾਈਲ ਕਰਨ ਵਿੱਚ ਖੁੰਝ ਜਾਂਦੇ ਹੋ, ਤਾਂ ਤੁਸੀਂ 31 ਦਸੰਬਰ ਤੱਕ ਜੁਰਮਾਨਾ ਭਰ ਕੇ ਦੇਰੀ ਨਾਲ ਰਿਟਰਨ ਫਾਈਲ ਕਰ ਸਕਦੇ ਹੋ। ਵੀਰਵਾਰ ਤੱਕ, 5 ਕਰੋੜ ਤੋਂ ਵੱਧ ਟੈਕਸਦਾਤਾਵਾਂ ਨੇ ਆਪਣਾ ITR ਫਾਈਲ ਕੀਤਾ ਹੈ।
ਆਮਦਨ ਟੈਕਸ ਰਿਟਰਨ (ITR) ਭਰਨ ਦੀ ਆਖਰੀ ਮਿਤੀ ਵਧਾਉਣ ਨੂੰ ਲੈ ਕੇ ਆਮਦਨ ਟੈਕਸ ਵਿਭਾਗ ਨੇ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ। ਵਿਭਾਗ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਹੈ ਕਿ ਜੇਕਰ ਆਖਰੀ ਮਿਤੀ ਵਧਾਈ ਜਾਂਦੀ ਹੈ, ਤਾਂ ਇਸਦਾ ਐਲਾਨ ਸਿਰਫ ਇੱਕ ਅਧਿਕਾਰਤ ਨੋਟੀਫਿਕੇਸ਼ਨ ਰਾਹੀਂ ਕੀਤਾ ਜਾਵੇਗਾ। ਵਰਤਮਾਨ ਵਿੱਚ, ਅੱਜ 31 ਜੁਲਾਈ, 2026, ਜ਼ਿਆਦਾਤਰ ਵਿਅਕਤੀਗਤ ਟੈਕਸਦਾਤਾਵਾਂ ਲਈ ITR ਭਰਨ ਦੀ ਆਖਰੀ ਮਿਤੀ ਹੈ।
ਇਹ ਦੱਸ ਦਈਏ ਕਿ ਭਾਵੇਂ ਆਮਦਨ ਟੈਕਸ ਛੋਟ ਸੀਮਾ ਤੋਂ ਘੱਟ ਹੈ, ਫਿਰ ਵੀ ਜੇਕਰ ਤੁਸੀਂ ਵਿੱਤੀ ਸਾਲ 2025-26 ਵਿੱਚ ਵਿਦੇਸ਼ ਯਾਤਰਾ ‘ਤੇ ₹2 ਲੱਖ ਤੋਂ ਵੱਧ ਖਰਚ ਕੀਤੇ ਹਨ, ਬਚਤ ਖਾਤੇ ਵਿੱਚ ₹50 ਲੱਖ ਤੋਂ ਵੱਧ ਜਮ੍ਹਾਂ ਕਰਵਾਏ ਹਨ ਜਾਂ ₹1 ਲੱਖ ਤੋਂ ਵੱਧ ਦੇ ਬਿਜਲੀ ਬਿੱਲਾਂ ਦਾ ਭੁਗਤਾਨ ਕੀਤਾ ਹੈ ਤਾਂ ਰਿਟਰਨ ਫਾਈਲ ਕਰਨਾ ਲਾਜ਼ਮੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
