International News : ਇਜ਼ਰਾਇਲ ਦੇ ਹਵਾਈ ਹਮਲੇ ‘ਚ 100 ਤੋਂ ਜ਼ਿਆਦਾ ਫਾਲਿਸਤੀਨੀਆਂ ਦੀ ਮੌਤ
ਨਵੀਂ ਦਿੱਲੀ ,10ਅਗਸਤ (ਵਿਸ਼ਵ ਵਾਰਤਾ)International News: ਇਜ਼ਰਾਈਲ ਨੇ ਸ਼ਨੀਵਾਰ ਸਵੇਰੇ ਗਾਜ਼ਾ ਦੇ ਇਕ ਸਕੂਲ ‘ਤੇ ਹਵਾਈ ਹਮਲਾ ਕੀਤਾ। ਇਸ ਹਮਲੇ ‘ਚ 100 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਦਰਜਨਾਂ ਜ਼ਖਮੀ ਹੋ ਗਏ ਹਨ। ਗਾਜ਼ਾ ਸਿਵਲ ਡਿਫੈਂਸ ਏਜੰਸੀ ਦੇ ਬੁਲਾਰੇ ਮਹਿਮੂਦ ਬਾਸਲ ਨੇ ਕਿਹਾ ਕਿ ਤਿੰਨ ਇਜ਼ਰਾਈਲੀ ਰਾਕੇਟਾਂ ਨੇ ਸਕੂਲ ਨੂੰ ਨਿਸ਼ਾਨਾ ਬਣਾਇਆ। ਉਜਾੜੇ ਹੋਏ ਫਲਸਤੀਨੀ ਇਸ ਸਕੂਲ ਵਿੱਚ ਸ਼ਰਨ ਲੈ ਰਹੇ ਸਨ। ਘਟਨਾ ਤੋਂ ਬਾਅਦ ਇਲਾਕੇ ‘ਚ ਰਾਹਤ ਕਾਰਜ ਜਾਰੀ ਹਨ। ਇਮਾਰਤ ਵਿੱਚ ਲੱਗੀ ਅੱਗ ਨੂੰ ਬੁਝਾਉਣ ਦੇ ਯਤਨ ਕੀਤੇ ਜਾ ਰਹੇ ਹਨ। ਇਜ਼ਰਾਇਲੀ ਫੌਜ (ਆਈ.ਡੀ.ਐੱਫ.) ਨੇ ਕਿਹਾ ਕਿ ਅਸੀਂ ਗਾਜ਼ਾ ਸ਼ਹਿਰ ਦੇ ਅਲ-ਸਾਹਬਾ ਖੇਤਰ ‘ਚ ਸਥਿਤ ਅਲ-ਤਬਾਯਿਨ ਸਕੂਲ ਨੂੰ ਨਿਸ਼ਾਨਾ ਬਣਾਇਆ, ਕਿਉਂਕਿ ਇਸ ਸਕੂਲ ‘ਚ ਹਮਾਸ ਅੱਤਵਾਦੀਆਂ ਦਾ ਕਮਾਂਡ ਸੈਂਟਰ ਚੱਲ ਰਿਹਾ ਸੀ। ਇਜ਼ਰਾਈਲੀ ਫੌਜ ਨੇ ਦਾਅਵਾ ਕੀਤਾ ਕਿ ਇਹ ਹਮਲਾ ਸਟੀਕਤਾ ਨਾਲ ਕੀਤਾ ਗਿਆ ਸੀ, ਜਿਸ ਨਾਲ ਆਮ ਨਾਗਰਿਕਾਂ ਦਾ ਘੱਟ ਤੋਂ ਘੱਟ ਨੁਕਸਾਨ ਹੋਇਆ ਸੀ। ਫਲਿਸਤੀਨੀ ਸਰਕਾਰ ਨੇ ਇਸ ਨੂੰ ‘ਭਿਆਨਕ ਕਤਲੇਆਮ’ ਦੱਸਿਆ ਹੈ। ਇਜ਼ਰਾਈਲੀ ਆਰਮੀ (ਆਈਡੀਐਫ) ਨੇ ਕਿਹਾ ਹੈ ਕਿ ਹਮਾਸ ਇਸ ਸਕੂਲ ਵਿੱਚ ਇੱਕ ਬੇਸ ਚਲਾ ਰਿਹਾ ਸੀ, ਇਸ ਲਈ ਅਸੀਂ ਇਸਨੂੰ ਉਡਾ ਦਿੱਤਾ।
