International: 5000 ਅਮਰੀਕੀ ਜਵਾਨ ਥਾਈਲੈਂਡ ਪਹੁੰਚੇ, 5 ਦਿਨ ਮਨਾਉਣਗੇ ਛੁੱਟੀਆਂ
ਚੰਡੀਗੜ੍ਹ, 2 ਸਤੰਬਰ (ਵਿਸ਼ਵ ਵਾਰਤਾ) – ਅਮਰੀਕੀ ਜਲ ਸੈਨਾ ਦਾ ਏਅਰਕ੍ਰਾਫਟ ਕੈਰੀਅਰ USS ਅਬ੍ਰਾਹਮ ਲਿੰਕਨ ਬੁੱਧਵਾਰ ਸਵੇਰੇ ਥਾਈਲੈਂਡ ਦੇ ਲਾਮ ਚਾਬਾਂਗ ਬੰਦਰਗਾਹ ’ਤੇ ਪਹੁੰਚਿਆ। ਜਹਾਜ਼ ’ਤੇ ਪਿਛਲੇ ਕਰੀਬ 9 ਮਹੀਨਿਆਂ ਤੋਂ ਤਾਇਨਾਤ ਲਗਭਗ 5000 ਅਮਰੀਕੀ ਜਵਾਨ ਹੁਣ ਕੁਝ ਦਿਨਾਂ ਦੀ ਛੁੱਟੀ ਮਨਾਉਣਗੇ। USS ਅਬ੍ਰਾਹਮ ਲਿੰਕਨ ਦੇ ਨਾਲ ਅਮਰੀਕੀ ਨੇਵੀ ਦੇ ਦੋ ਹੋਰ ਜਹਾਜ਼ ਵੀ ਥਾਈਲੈਂਡ ਪਹੁੰਚੇ ਹਨ। ਇਨ੍ਹਾਂ ਜਵਾਨਾਂ ਨੂੰ ਬੱਸਾਂ ਰਾਹੀਂ ਲਾਮ ਚਾਬਾਂਗ ਤੋਂ ਲਗਭਗ 96 ਕਿਲੋਮੀਟਰ ਦੂਰ ਪੱਟਾਇਆ ਲਿਜਾਇਆ ਜਾਵੇਗਾ, ਜਿੱਥੇ ਉਹ ਕਰੀਬ ਪੰਜ ਦਿਨ ਰਹਿਣਗੇ ਅਤੇ 9 ਮਹੀਨੇ ਸਮੁੰਦਰ ‘ਚ ਰਹਿਣ ਤੋਂ ਬਾਅਦ ਉਹ ਜ਼ਮੀਨ ‘ਤੇ 5 ਛੁੱਟੀਆਂ ਮਨਾਉਣਗੇ।
ਰਿਪੋਰਟਾਂ ਮੁਤਾਬਕ ਅਮਰੀਕੀ ਜਵਾਨਾਂ ਦੇ ਪੱਟਾਇਆ ਪਹੁੰਚਣ ਤੋਂ ਪਹਿਲਾਂ ਥਾਈ ਪੁਲਿਸ ਨੇ ਸ਼ਹਿਰ ਵਿੱਚ ਗੈਰ-ਕਾਨੂੰਨੀ ਗਤੀਵਿਧੀਆਂ ਖ਼ਿਲਾਫ਼ ਕਾਰਵਾਈ ਤੇਜ਼ ਕਰ ਦਿੱਤੀ ਹੈ। ਪੁਲਿਸ ਨੇ ਦੇਹ ਵਪਾਰ ਨਾਲ ਜੁੜੇ ਕੁਝ ਇਲਾਕਿਆਂ ਵਿੱਚ ਅਮਰੀਕੀ ਜਵਾਨਾਂ ਦੇ ਜਾਣ ’ਤੇ ਪਾਬੰਦੀ ਲਗਾਈ ਹੈ। ਰਾਇਟਰਜ਼ ਦੀ ਰਿਪੋਰਟ ਮੁਤਾਬਕ ਪੁਲਿਸ ਵੱਲੋਂ ਕੀਤੀਆਂ ਛਾਪੇਮਾਰੀਆਂ ਦੌਰਾਨ ਕਰੀਬ 50 ਸੈਕਸ ਵਰਕਰਾਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ। ਇਨ੍ਹਾਂ ਵਿੱਚ ਥਾਈਲੈਂਡ ਤੋਂ ਇਲਾਵਾ ਲਾਓਸ ਅਤੇ ਯੂਗਾਂਡਾ ਦੀਆਂ ਮਹਿਲਾਵਾਂ ਵੀ ਸ਼ਾਮਲ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਅਮਰੀਕੀ ਜਵਾਨਾਂ ਦੀ ਆਮਦ ਤੋਂ ਪਹਿਲਾਂ ਸ਼ਹਿਰ ਵਿੱਚ ਗੈਰ-ਕਾਨੂੰਨੀ ਗਤੀਵਿਧੀਆਂ ’ਤੇ ਕਾਬੂ ਪਾਉਣਾ ਅਤੇ ਕਾਨੂੰਨ-ਵਿਵਸਥਾ ਬਣਾਈ ਰੱਖਣਾ ਜ਼ਰੂਰੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
