India Vs West Indies : ਦਿੱਲੀ ਟੈਸਟ ਦਾ ਅੱਜ ਤੀਜਾ ਦਿਨ ; ਭਾਰਤ 378 ਦੌੜਾਂ ਨਾਲ ਹੈ ਅੱਗੇ
ਸ਼ਾਈ ਹੋਪ ਤੇ ਟੇਵਿਨ ਇਮਲਾਚ ਵੈਸਟਇੰਡੀਜ਼ ਦੀ ਪਾਰੀ ਨੂੰ ਵਧਾਉਣਗੇ ਅੱਗੇ
ਚੰਡੀਗੜ੍ਹ, 12ਅਕਤੂਬਰ(ਵਿਸ਼ਵ ਵਾਰਤਾ) India Vs West Indies : ਭਾਰਤ ਅਤੇ ਵੈਸਟਇੰਡੀਜ਼ ਵਿਚਕਾਰ ਦੂਜਾ ਟੈਸਟ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਅੱਜ(12ਅਕਤੂਬਰ) ਮੈਚ ਦੇ ਤੀਜੇ ਦਿਨ ਦਾ ਖੇਡ ਸਵੇਰੇ 9:30 ਵਜੇ ਸ਼ੁਰੂ ਹੋਵੇਗਾ। ਦੂਜੇ ਦਿਨ ਸ਼ਨੀਵਾਰ ਨੂੰ ਸਟੰਪ ਤੱਕ, ਵੈਸਟਇੰਡੀਜ਼ ਦਾ ਸਕੋਰ 140/4 ਸੀ। ਸ਼ਾਈ ਹੋਪ 31 ਅਤੇ ਟੇਵਿਨ ਇਮਲਾਚ 14 ਦੌੜਾਂ ‘ਤੇ ਨਾਬਾਦ ਰਹੇ। ਉਹ ਦੋਵੇਂ ਅੱਜ ਪਾਰੀ ਨੂੰ ਅੱਗੇ ਵਧਾਉਣਗੇ।
ਦੱਸ ਦਈਏ ਕਿ ਵੈਸਟਇੰਡੀਜ਼ ਨੇ ਦੂਜੇ ਦਿਨ ਦੇ ਖੇਡ ਦੇ ਅੰਤ ਤੱਕ 4 ਵਿਕਟਾਂ ਦੇ ਨੁਕਸਾਨ ‘ਤੇ 140 ਦੌੜਾਂ ਬਣਾ ਲਈਆਂ ਹਨ। ਇਸ ਤੋਂ ਪਹਿਲਾਂ ਭਾਰਤ ਨੇ ਆਪਣੀ ਪਹਿਲੀ ਪਾਰੀ 518/5 ‘ਤੇ ਐਲਾਨੀ, ਭਾਰਤੀ ਟੀਮ 378 ਦੌੜਾਂ ਨਾਲ ਅੱਗੇ ਹਨ।
ਦੂਜੇ ਦਿਨ(ਸ਼ਨੀਵਾਰ ਨੂੰ) ਟੀਮ ਇੰਡੀਆ ਨੇ ਆਪਣੀ ਪਾਰੀ 318 ‘ਤੇ ਦੁਬਾਰਾ ਸ਼ੁਰੂ ਕੀਤੀ ਸੀ। ਯਸ਼ਸਵੀ ਜੈਸਵਾਲ ਦਿਨ ਦੇ ਦੂਜੇ ਓਵਰ ਵਿੱਚ 175 ਦੌੜਾਂ ਬਣਾ ਕੇ ਰਨ ਆਊਟ ਹੋ ਗਏ। ਕਪਤਾਨ ਸ਼ੁਭਮਨ ਗਿੱਲ 129 ਦੌੜਾਂ ‘ਤੇ ਨਾਬਾਦ ਰਹੇ, ਜੋ ਉਨ੍ਹਾਂ ਦੇ ਕਰੀਅਰ ਦਾ 10ਵਾਂ ਸੈਂਕੜਾ ਹੈ। ਟੀਮ ਨੇ ਆਪਣੀ ਪਹਿਲੀ ਪਾਰੀ 518 ਦੌੜਾਂ ‘ਤੇ ਐਲਾਨੀ।
ਟੀਮ ਇੰਡੀਆ ਲਈ ਸਾਈ ਸੁਦਰਸ਼ਨ ਨੇ 87, ਧਰੁਵ ਜੁਰੇਲ ਨੇ 44 ਅਤੇ ਨਿਤੀਸ਼ ਕੁਮਾਰ ਰੈੱਡੀ ਨੇ 43 ਦੌੜਾਂ ਬਣਾਈਆਂ। ਵੈਸਟਇੰਡੀਜ਼ ਲਈ ਜੋਮੇਲ ਵਾਰਿਕਨ ਨੇ ਤਿੰਨ ਵਿਕਟਾਂ ਲਈਆਂ। ਭਾਰਤੀ ਸਪਿਨਰ ਰਵਿੰਦਰ ਜਡੇਜਾ ਨੇ ਕਪਤਾਨ ਰੋਸਟਨ ਚੇਜ਼ (ਜ਼ੀਰੋ), ਤੇਗਨਾਰਾਇਣ ਚੰਦਰਪਾਲ (34 ਦੌੜਾਂ) ਅਤੇ ਜੌਨ ਕੈਂਪਬੈਲ (10 ਦੌੜਾਂ) ਨੂੰ ਆਊਟ ਕੀਤਾ।
ਜਦੋਂ ਕਿ ਕੁਲਦੀਪ ਯਾਦਵ ਨੇ ਐਲਿਕ ਅਥਾਨਾਸੇ (41 ਦੌੜਾਂ) ਨੂੰ ਪੈਵੇਲੀਅਨ ਭੇਜਿਆ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
